عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اول شي وقبل كل شي اخواتي اعزي نفسي واعزيكم بوفاة المرحومه بإذن الله الغاليه الطيبه الحنونه الخلوقه الانسانه وقبل كل شيء المسلمه التي سلم من لسانها كل مخطيء واحبها الاقصون قبل الاقربون عسى الله يرحمها ويغمد روحا الجنه مشرفتنا الحبيبه الافعى الحنونه 
مدري شقول وربي قلبي حزين لكن كلنا لها وكلنا للتراب وهالشي يذكرنا ان الدنيا فانيه ومايبقى الا الصدقة الجاريه والعلم الي ينتفع به وهذا اللي ابيه من طرح موضوعي اليوم عسى الله يكتبه في ميزان الحسنات خالصة لوجهه تعالى .۔ دعواتكم يا بنات مثل ما عودتوني وغرقتوني بالدعوات الله يجزاكم بالمثل
عمومن انا كنت ناويه انزل الخلطه من فتره بس والله انشغلت واصريت اني انزلها لعيون البنات الي كانت استجابتهم بطيئه مع العسل حقي رغم التجارب الناجحه الكثيره غيرها بس مثل ماقلت في احيان اجسام تحتاج اكثر وصعب عليهم يدفعون شهريا مبلغ وقدره .۔ الطريقه هاذي تجيب نتايج باربع الى خمس اشهر لكن فيه بنات من شهرين الي استجابتهم سريعه .۔
فوائدها تسمن الخدود والصدر اذا كان صغير فقط اما اذا كبير ماراح تسمنه بس تشده على فوق للبنات الي ترهلت صدورهم من الرضاعه او اي شي كنها مبرمجه سبحان الله وتسمن الارداف نفس الشي اذا صغيره واذا كبيره ماراح تسمنها بس تشدها وترفعها على فوق
بتقولون كم النسبه انا اقولكم نسبه قابله للزياده كل مااستمريتو كل ماكبرت وشدت اكثر بس بطييييئه يبيلها صبر ثم الصبر وان شاء الله ان شاء الله وعد حر انها بتكبر وتتكور من غير مايسمن باقي الجسم لا عضود ولا غيره لان الصويا زي ما قلت لكم كنه مبرمج سبحاااااان الله يروح فقط للاماكن الانثويه
الخلطه هي
هاتي 2 بطاط قطعيهم واسلقيهم لين تصير لينه بعدها قشريهم وحطيهم بالخلاط بعدها هاتي كاس حليب صويا وحطيه عليه وهاتي ملعقة زبده وشوي بهارات وملح لانو طعمها مش ولا بد وخلووووه عشااااكم كل ليله الين توصلون الحجم الي تبونه هاذي وجبه امريكيه بس استبدلت الحليب العادي بحليب صويا لان البطاط يكبر الارداف لكن مو الكل ويوم اضفت الصويا راح يكبر للكل انشالله واللي ما تكبر معها تجي وتدعي علي لاني وااااثقه بعد الله من كلامي
تقريبا شكله نفس هالصوره
طريقة عمل حليب الصويا بالمنزل ولا تقولون ناخذ جاهز الجاهز ما ينفع وفول الصويا تلاقونه في بنده او العثيم او التميمي مااعرف غير هالاماكن تبيعه وسوو يابنات كميه تكفي كل ثلاث ايام
1))انقعي الفول بعد تنقيته في الماء لمده 8 ساعات في الشتاء و 6 ساعات في الصيف
2)) ضعي الفول في الخلاط و أضيفي 2 كوب ماء لكل كوب فول و اضربيه جيدا و أكثر من مرة
3)) ضعي الخليط بالكامل على النار لمدة ربع ساعة مع التقليب المستمر و الملاحظة لإنه ((بيفور)) زي أي لبن
4)) بعدها اطفي النار و صبي الخليط ساخنا على مصفاة ناعمة مغطاة بشاش ((كطريقة عمل العرقسوس))و اتركيه ليبرد تماما و يصفى
5)) اعصري ما تبقى في الشاش بيديك على السائل المصفى
6)) السائل الأبيض المتبقي هو ((حليب الصويا)) ..ضعيه الآن في شفشق أو زجاجة في الثلاجة و اشربي كوب منه كل يوم قبل النوم
ولاحظي انه عند تسخينه يكون طبقة من القشطة كأي لبن عادي و لن تصدقي إن حبة الفول الجافة هذه من الممكن أن تنتج سائل أبيض يشبه الحليب في خواصه ((سبحان الله))
نبذه عن الصويا بقلمي
1- الصويا يحتوي على نسبه عاليه من هرمون الانوثه عشان كذا الي ترضع ولد او حامل بولد لا تاكله
2-الي تخاف من ارتفاع هرمون الحليب ولخبطة الهرمونات لا تخاف سبحان الله اصلن يعتبر علاج لها
3- الصويا يحتوي على نسبه عاليه من البروتين وهالشي مفيد في تنحيف الزنود ( العضود – اعلى الذراعين ) ومفيد في تنحيف البطن والظهر لان وجود البروتين معناه حرق دهون اكثر بهالمناطق فقط بالنسبه للاناااث
4- حليب الصويا يستخدم في الريجيم لانه يساعد على فقدان الوزن بسبب البروتين اللي فيه – لكنه بنفس الوقت يبرز المعالم الانثويه
5- الصويا زين للي فيهم اكزيما كما انه يعتبر مع اضافة قليل من الفلفل الاسود المطحون مايقارب ملعقه شاي صغيره لكاس حليب صويا يعتبر فيتامين للشعر حيث اللي يتساقط شعرها او عندها صلع يرجع ينبت من جديد فقط من شربه لكن الصبر من 5 الى 6 اشهر .۔ وحلو للاظافر وتقليل نمو شعر الجسم واعطاء جاذبيه زايده ونعومه للمرأه ترا كل هذا بس شربه تخيلو سبحان الله
ولو شربتيه مع ملعقة صغيييره فلفل ابيض مطحون + ملعقة قشر رمان على الريق بالصباح راح يشد منطقة المهبل والجسم عموما
حبيباتي كل هالمعلومات من تجميعي من 11 سنه ومن قرائات مو اي كلام ولا خبط لزق زي ماقالولي بعض البنات ( الحاسد بالارض والرازق بالسماء ) والوصفات من اختراعي ومو اي كلام هي تراها كلها مجربه على كثير بنات واولهم انا وحمولتي وما نزلتها الا بعد ما ضمنتها لكم بعد الله
نجي للي تبي زيادة خير وتبي تسمن الخدود اكثر او جلدها على عظمها مافي امل تسمن
قبل تاكل هالوجبه تسوي مساج عشرين دقيقه من هالوصفه
حلتيته تذوبها في كاس مغلي عشبة الخردل مطحونه من العطار كلها وتحركها كل فتره الين اليوم الثاني تلاقي المويه صارت ثقيله شوي وحليبي لونها على بيج .۔ تاخذها وتسوي فيها مساج للخدود او الصدر او الارداف او حتى الكفين والسيقان النحيفه او المنطقه الحساسه الي تبي تنفخها معليش لا حياء يا بنات هذا يفيدكم مع ازواجكم المهم عشرين دقيقه الين تحس بسخونة المنطقه وتبدا تاكل الوجبه الي فوق وتخلي الخلطه هاذي عليها للصباح وتغسلها ترا لها ريحه سيئه بس اللي يبي الزين مايقول اح خخخخ
بالنسبه للحلتيته بتطول معكم ما تذوب كلها بسرعه كل مره سوي مغلي خردل كاس وحطي فيها الحلتيته الي بقت معك لليوم الثاني وهكذا
زين ليش الحلتيته والخردل وش السر ؟
ابن سينا لو ترجعون لكتابه تلاقون انه يقول الزفت اللي هو الحلتيت فيه قوة جذب عجييييبه عندما يوضع على منطقه يحرك الدم فيجذب الغذاء يعني الدهون لهالمنطقه المدهونه .۔ وكان مجرب في زمانه حيث سمن واحد وسمنت فخوذه وسيقانه مع انه كان عصقول .۔ طبعا انا اجيبها لكم باللهجه العاميه عشان تفهمون هههه لانو لو قريتو كتابه ما تفهمون حرف
نجي للخردل برضوووو نفس الفايده قوة جذب بشهادة دكتور عبد الباسط وبعض اطباء الطب البديل ومن هالمنطلق اخترعت هالخلطه البسيطه اللي تجمع الفايدتين وعمومن هي من مكونات كريم نفخ للمنطقه الحساسه ابيعه وهذاني ابوح لكم ببعض الاسرار
الخردل
الحلتيته ( معلومه شاطحه تراها زينه للي فيهم سحر او مس او عين سبحان الله تأذي الجن واشياء ثانيه كثير اقروا عنها بالطب البديل او افضل كلمة الأصيل )
يا بنااات اعيد واكرر الموضوع ذا كله يبيله صبر وفيه محظوظات يبين بسرعه لكن اتكلم عن كثير وهالوصفه اعطيها بعض زبوناتي اللي تصر على زيادة فايدة العسل الي ابيعه والي تقولي الحين ليش قلتي هالخلطه وعندك العسل وش الفرق اقول الفرق انو العسل اسرع مع كثير بنات وليس الكل والعسل شي جاهز للعجزانه وهذا شي مجانا للي عندها همه وتبي تكمل .۔ انا قلت هالكلام لاني ادري فيه بنات بيشطحون ببعض الاسئله خخخخخخ
وما بقى غير الدعاااااء الله يحقق لي ما اتمنى دنيا واااخره والله يجزاكم بالمثل يا رب احبكم في الله
