معاناتي مع الرضاعات

شخبار كتاكيتكم؟؟

مشكلتي برنامج الرضاعات الليلي تعبت

كل يوم في الليل اغسل كل الرضاعات واغليهم وبعد غليهم احضر حوالي اربع رضاعات لوقت النوم
احط فيهم ماء واسكرهم واحطهم بمكان دافئ ما تبرد

واحضر الحليب بحافظه الحليب

وبنتي تصحى كل اربع ساعات او خمس اعطيها اكون مجهزه الرضاعه والحليب بالحافظه واسكب الحليب واعطيها حتى اقدر ارجع انام واوقات تشربها و او قات لا وتريحني الرضاعات الين الظهر او العصر لانها ما تحب تشرب كثير شهيتها مسدوده

المشكله احس اني تعبت من نظام الرضاعات وغسلهم اليومي بعدد معين

كل يوم لازم يكون عندي اقل شئ خمس رضاعات في الليييييل

واواقات ما يجي الليل الا وانا تعبانه ومرهقه ومافيني حيل اغسل شئ واقول استخدم واحده في كل مره

سؤالي

هذا نظامكم وقت النوم؟؟؟؟؟؟
كم رضاعه تحتاجي وقت النوم؟؟ وشلون تجهزي الرضاعات؟؟ تستخدمي رضاعه وحده او كميات تحتاجينهاا الين الظهر او العصر؟؟

او تستخدمين حافظه ماء تورمس وتستخدمي رضاعه واحده كل ما جاع الطفل تعطيه بنفس الرضاعه؟؟

انا خفت استخدم نفس الرضاعه ويصير فيها باقي من الحليب الاول مخترب ويصير لها شئ وصرت كل وقت احطلها رضاعه جديده وانام

وبالنسبه لغي الرضاعات الين كم شهر تغلي الرضاعات؟؟؟؟؟؟؟؟؟
بنتي عمرها 8 شهور تقريبا

انتظر ردودكم