عالم البنات النسائي كل ما يخص المرأة العربية من ازياء وجمال والحياة الزوجية والمطبخ
معاناتي مع اهلي
——————————————————————————–
السلام عليكم ياقووم <– متاثره بالمسلسلات التاريخيه
قلت اسير عليكم بمنتدى العيارين قبل لا اروح للماصله
في البدايه حبيت اقولكم شي خطييير اهو اني مااعرف اكتب مقدمه وهذا سبب فشلي بالتعبير بالمدرسه
تعرفون قصه انتشرت بالانترنت اللي كل ماكتب تعبير كتب قصه الجمل هذا نفسي بس انا ماكنت اكتب عن الجمل <– يالليل ماطولك دشي بموضوعك وخلصينا
معاناتي مع اهلي بدت من ايام الجاهليه
اولا معاناتي معهم ايام ماكنت بالمدرسه
كنا اول عائله نقعد من النوم بالكويت والفضل لامي مدري منو اللي قالها ان المدرسه بتطير
كانت كله تقولي شدي حيلج لعنبوج البنات بيتخرجن وانتي اللي يقول حالفتن تنطرين بنات اللي باولى ابتدائي عشان يتخرجن معاج شنو ذنبي اذا كنت كسلانه
واذا تاخرو علينا بالشهادات مايبقى بيت بالكويت ماتدق عليه امي عطو بناتكم الشهاده او لا تدري اني كسلانه واخش عنهم الشهاده وهذا يسبب لي احراج <– والله زين انج تحسين
معاناتي معاهم بالسياره
وان قلت لهم حطو على الاف ام قالو انتي بسياره اتقي الله ماتخافين نقلب وتكون هذي نهايتج واقوم اتنافض طول الطريج من الخوف
عاد انا ارقعها واقولهم لا بس يمدحون اعلان عن شامبو زين للشعر يقاوم الشيب
وان ردو البيت قامو يشوفون البرتقاله والبيدجانه والتفاحه وسوق الخضره اللي بنجووم
معاناتي داخل المنزل <– يعني مثقفه تحسفت على كلمه كسلانه اللي قبل شوي
اذا قعدت جدام شاشه الكمبيوتر قالو بعدي عن الشاشه لا تنعمين يبوني اقعد متر عن الشاشه
بما اني عاطله عن العمل وصار لي سنه انطر الوظيفه فمهنتي الحاليه انام واكل وامسح ايدي بالطوفه ان نمت لي الظهر قالو بسج نوم خستي بفراشج حتى الصبيان ماينامون نفسج وان قعد الصبح قالو شلي مقعدج جنج الشغالات من الصبح
ان قلت لهم حطو على ستار اكادمي قالو سخافه لكن يحطون على قناة فلاش ويشوفون الخطر معهم 16 مره باليوم موووووووو سخافه بالنسبه لهم
واكتفي بهذا القدر من الكلام ان عجبكم كملت وان ماعجبكم بعد بكمل لووول
بانتظار ردودكم
