معزوم على مدهن رقش<<<حياكم تفضلوووا

ثم تصب الطحين في نحاسه وتضع كاسين من الطحين وتصب شوي ماء عليه وتعجنه بالماء وتعجنه .. وتعجنه …. وتعجنه < لين يدوخ ..و الا ان يصير لاهوب خفيف ولاثقيل وسط ويميل الى الخفه ..

تاخذ ( السلاه ) الصاج << وهي عبارة عن حديده دايريه مسطحه توضع على النار الا ان تصبح حاميه

كيف تعرف انها حاميه ؟؟ تاخذلك طشه { قطره ماء وتنذحبها في وسطها اذا طلع صوتها ادهر هالحين..
وتاخذ العجين وتضعه في السلاه وتوزعه دار مادار حول السلاه وينصح بااستعمال اليد .<< وهذا مايسمى بالشتف وتنطق بشد الفا ..

المهم تسويلك حوالي 8 قرصان وتخليهم على جنب.. << العدد حسب الطلب والموجودين

اما المرقه مايبيلها شئ ضع في القدر هرفي صغير ولا تيس وتضع البهارات والملح والما ءالى ان يستوي .. كلما كان الهرفي صغير كل ماكان ازين ..

بعدها تجيب (المدهن )< وهو آنيه قديمه مصنوعه من الحجر وبعض المكونات وتحط فيها الاكلات
لساخنه <<
ومن ثم تقطع خبز البر قطع كبيرة بيدك طبعا واعيد وازيد اشتغل بايدك وتصب المرق فوقها بحذر شديد ماعاد فينا من احترق هههههههههههههههه
وبعدها تحط اللحم فوقها وتضع البطاطس والبيض المسلوق والكوسه ولابه عاد شئ حطه..

واحلى اكله بلا مطاعم بلا بوفيات.. وابلعو النعمه.. بالعافيه
وهذي توكل في كل الاوقات صبح عصر ليل مايعوق عندنا .. وتوضع في العزايم في الجبهه << وش دراهم بالجبهه .. يعني توضع في مقدمه السفرة للشيبان والعجايز..

وبالعافيه على بطونكم ..