عالم البنات النسائي كل ما يخص المرأة العربية من ازياء وجمال والحياة الزوجية والمطبخ
قصيدة مع السلامه
للشاعر:مسلم عواد العميري الحويطي
مع السلامه واذكروني على خير
يمكن يطول بي مسيـر الليالـي
ماودنا الفرقي وهـذي المقاديـر
كم باعدت مابين غالي وغالـي
هذي طبيعة كونها وين ماتسيـر
سبحان خلاق الملا ذا الجلالـي
من الفرح لاشفتكـم ودي اطيـر
ومن الحزن لاغبت ينسل حالـي
والله لكم عندي معـزه وتقديـر
كلٍ مقامه عنـدي اليـوم عالـي
صحيح نار البعد تأثيرها غيـر
والى سلم لـي مابقـى واهنالـي
ودي ارافق سابح الطير واطيـر
عل الامور يسير فيها استهالـي
واخرج بعقلي من كثير التفاكيـر
وامسح ملف الذاكره من خيالـي
ودي اشفر خانة القلـب تشفيـر
حتى الهكر مايستطيع احتلالـي
ملزوم اغير رحلة السير تغييـر
وانظر بعيني في وسيع التلالـي
مشتاق اغير جو واروح واسيـر
محتاج اراجع نفس واجلس لحالي
مع السلامه واذكروني على خير
كل ماتمروا عبر صفحة مقالـي
