عالم البنات النسائي كل ما يخص المرأة العربية من ازياء وجمال والحياة الزوجية والمطبخ
البنات وملاهي الشلال … !!!!
الله أعلم . وصلني وأنقله لكم
يا أمين جدة وينك عن ملاهي عمك عبدالرحمن فقية (ملاهي الشلال) الكيل بمكيالين
اتقوا الله نعنبو الواسطة
شلال جدة ..
أو كباريه جدة
.. أو دعارة جدة !!
أو ملاهي الشلال
أو حديقة الشلال
كُلها مسميات لذاتِ المكان !
– منتزة الشلال الترفيهي في جدة –
وحطوا ع كلمة ” ترفيهي ” ألف خط
:
:
:
أبغى اتكلم عادي ..
و بصراحه يعني
أنا بنت في جدة .. و زي اي بنت .. تروح الشلال يوم الثلاثاء !
طبعا مو كل ثلاثاء .. و لا هوّ حباً في المكان
بس عشان صاحباتي يتجمعوا هناك
و عشان الأهل ” المساكين “
يحسبوه مكان ” مؤدب “
و مناسب للبنات
بما أنه ” يوم نسائي “
:
:
:
اوكي نبدأ من البداية
يوم أمس أول يوم اجازة
كل البنات راحوا الشلال
زحمة مو طبيعية و لا الحج !
ما في تنظيم الحريم و البنات فوق بعض يشتروا تذاكر
فاهمين ايش يعني فوق بعض ؟
يعني لو وحدة طاحت يدعون عليها و يكملون !!
و أنواع السب و الكلام الوسخ تسمعه !
و رجال الأمن و السيكيوريتي ” أطال الله في عمرهم “
ما يسوا شي
بس يطالعوا في الحريم
و فيهم نظره شماااته
و لا يكلفوا على عمرهم يرتبوا الحريم في طوابير
و لا يسووا أي اجراء مثلا : ما في احد يدخل الا بنظام
مافي !!!
” احنا في جدة و في الشلال تبغي تدخلي دفي و اتزاحمي و أدخلي “
بعد ما تدخلي تحسبي اللي برا ناس ما عندها أخلاق ..
تلقي الناس اللي جوا
ما يشبهوا المسلمين !!!
و لا كإنا في بلد مسلم !
معليش شباب أنا مو متعصبه دينياً
أو مره ملتزمه
بس حقيقي حريم مو لابسين شي
بالعربي .. ” جايه بالأندروير ” !!
من زين الأجسام عاد خخخخ
المهم .. يمكن كل واحد حر بلبسه !
بس في لبس يكون ” أووووفر “
يعني يكون الكرشه كبر راسها و مبينتها
و غيرها كثير
نجي ” للشذوذ “
اللزبو .. !!
و البويات
اللي أغلب الشلال منهم !
أول شي اداره الشلال فاتحين ” زي “
البارمسمينه ” صالة بولنغ “
محد يدخله عشان البولنغ
تدخل هناك تلقى بنات يبوسو بعض
و بنات حاضنين بعض بوضع أصلا مقررف
و الدخان و السجاير اللي ما تنطفي
و الشاطره اللي تدخن أكترر
اللي يحزن يكونو اطفال ” متوسط “
و يدخوا
و يرقصو
و يسوا لزبوو
و بويات !!
و مص شفايف وربي ما أكذب !!
لا تحسبوا اني أضخم الموضوع ..
و بوس في الرقبه !
و بوس مدري وين !!!
طبعا غير المعسلات اللي مسموحه لأي احد
بأي عمر
و بأي كميه !!
غير الأكل اللي أكيد مو نظيف لأن اللي يشتغلوا ما يقدروا يلحقوا ع الكل
يشتغلوا بـ وساخة
بمكان وسخ
و البنات يآآكلو أهم شي يعبوا البطن !!
طبعا طبعا غير الغلاء اللي عينك عينك
يعني آيس كريم بـ 20 ريال
عصير بـ 10
تطلب وجبه بـ 20 تجيك وجبه حقت 10 ريال
و ما تقدر تفك فمك
يسبوك !!
ما في شي اسمه حقي ضاع !
حقك ضاع روح بيت أهلك !!
مو عاجبك ؟
لا تجي !!
طيب دا كله في كل ثلاثاء
الحين الجديد فوق قله الأدب اللي هناك
و فوق الوساخه
فتحوا مكان ” دي جي “
عشان اللزبو ياخذوا راحتهم بالقوة
طبعا اللزبو هناك – الشاذين –
مره مآخديين راحتهم
و مره يعني صاروا شي مو غريب
لأنه زي ما قلت أغلبهم لزبو !!!
:
طبعا ما اشوف سيككيوريتي هناك !
و سمعت عن حكاية المخدرات اللي مسكوها مع بنات هناك !
و ما استبعد الشي دا و الله !!
و ما حتكلم عن الايمو اللي خلاص مره صارو مليانين
و اللي يتشبهوا بعبدة الشيطان
اللي كل وجههم و جسمهم مخرّق و فيه حلقان
اللي يلبسو أسود و سلاسل جماجم مره كتير
صاروا كتير في الشلال !!
و التشبهم فيهم يعتبروه ” كووووول “:
:
أنا مو ضد الشلال !
بس حقيقي المكان لو ربي خسف فيه الأرض
حلال فيهم !!
بس حرام و الله الأطفال اللي يروحو كدا يصيروا و البنات اللي يشوفوهم يصيروا قدوتهم
و يقلدوهم !!
حقيقي حرام !!
بليز بنـآت انتبهوا … المكان حقيقي يخوّف و حقيقي مُستفِزّ !!!
:
يقولون الملاهي بدون تصريح!!_
منقــــــــــــوول
