مـهـــــم للتاجرات الشاطـــــرااات وبس

يسعد صباحكم / مسائكم وكل اوقاتكم اخواتي الفراشاات

اولا انا ماعندي اسلوب في الكتابة ولا أعرف اقول مقدمات عشان كدا بدخل في الموضوع بسرعة
وبتكلم عن تصرف غريب اشوفه كثير بالمووول وللاسف ماعندي له اي تفسير ؟؟
وهي طريقة عرض التاجرات لبضاعتها تجيكي وحدة حاطة صورة وحدة من بضاعتها وأحيانا بدون صور والمصيبة الاكبر بدوون سعر
وتقول الجادة تراسلني ع الخاص !!طيب ليه ماتختصري الطريق وتوفري لنفسك الوقت وتحطي بضاعتك واسعارها في الموضوع اعتقد كذا اريحلك واسهل للزبونات
لان بهذه الطريقة ماراح ترسل الا الفضولية والجادة ماراح تضيع وقتها بشي هي مو متأكدة منه
ودي بس افهم ليه هالتصرف ؟؟ هل مثلا خايفة بضاعتك تنسرق من خلال الصور !!:(
حبيباتي التاجرات اذا كانت البضاعة والسعر مطروح امامنا ماراح ترسل الا وحدة جادة فعلا وحابة تشتري لانها خلاص عندها كل المعلومات عن البضاعة وماراح تضيع وقتك ووقتها بالاستفسارات
طالما انك سهلتي عليها كل شي من خلال الموضوع
لان الكثير من الفراشات الزبونات تسأل وتستفسر عن طريق الخاص ويصير انه مايناسبها السعر مثلاً وهنا تزعل التاجرة وتقول هذى مو جادة !طيب تخيلي نفسك رحتي السوق ودخلتي محل وكان البايع مخبي البضاعة ويقول ماراح اوريكي الا اذا كنتي جادة وتشتري ؟!!:)
والله عمره ماراح يبيع ولا راح يفلح !!
لأن من حق اي مشتري انه يشوف البضاعة ويعرف عنها كل شي وبعدين يقرر اذا بيشتري ولا لا .. وهنا احنا نفس الشي في الفراشة مول
وهذا الشي المفروض ماتزعل منه التاجرة ولا ماصارات تاجرة شاطرة ودايماً يقولو التجارة شطارة
وعلى فكرة انا كم مرة صارت معايا اني اشوف بضاعة تعجبني وسعرها احلى اشتريها حتى لوماكانت طلبي ولاكانت على بالي اصلا بس لاني شفتها
قدامي تذكرتها واتوقعت اني راح احتاجها في يوم من الايام
وبكذا التاجرة هي اللي كسبانة لانها راح تكسب اكبر عدد من الزباين وزي مايقولو الفرجة ببلاش
وملاحظة مهمة كلامي هذا ماينطبق على اللي بضاعتها من شغل يدها وابتكارها 😆 🙂 هذى من حقها تحتفظ بالصور تجنباً لسرقة الفكرة ولكن انا اقصد
اللي بضاعتهم عادية وموجودة في أي مكان ..بلييييييييز حطوا بضاعتكم بالموضوع وريحونا من شغل الرسايل وترى مو كل العضوات تقدر ترسل وخصوصا الجديدات في المنتدى
وهالكلام ينطبق كمان على قسم (( البضائع المستعملة ))