مفيش رجوع

من كام يوم حصل معايا حاجه حبيت اكلمكم عنها

الموضوع مستمرش دقايق قليله بس عدي عليا كدهر باكمله

كنت نايمه عادي وفجاءه فتحت عنيا علي ضيق في الصدر وصعوبه في التنفس وعدم قدره علي الكلام او الحركه وتنميل في الاطراف
باختصار كان روحي بتنسحب مني كان موقف صعب ومفاجئ حقيقي
اتمنيت انه يكون حلم قصدي كابوس فجيت اصحي نفسي انا صاحيه واللي انا فيه حقيقي سامعه صوت اهلي بخارج الغرفه ومش قدره زي المشلولة اناديهم

ايقنت انها النهايه التي ليس لها اوان ولامكان ولاسن ولااااااا

اول محطر في بالي اطفالي واليتم ياااااااااااه اد ايه اليتيم مسكين ومكسور مهما كانت ظروفه

واهلي واقاربي الزمن والنسيان كفيلان بهم

انا نفسي هعمل ايه وهقول ايه من هيساندي ولا هيساعدني الارحمه الله وعملي الصالح
انا عملت ايه صالح فكرت كتير في اقل وقت

وتمنيت الرجوع حقيقي
وقلت لو رجعت لن اعمل الا صالحا

الحمد لله بامانه اطول كام دقيقه في عمري باكمله واول متحسنت اتوضيت وصليت

بس لما ينتهي الاجل مفيش رجوع بجد

بسم الله الرحمن الرحيم
ولكل امه اجل فاذا جاء اجلهم لايستاخرون ساعه ولا يستقدمون
صدق الله العظيم

الموقف داه يمكن اتكرر مع كتير غيري بس حبيت كلنا نستفيد منه

وهنا السؤال
عندك عمل صالح واحد يشفع لكي لو وافتكي المنيه فجاه؟؟؟؟؟؟؟
حتي لو فيه عاوزين نعمل غيره وغيره
طيب ايه هي الاعمال الصالحه امثله يعني كلنا نقولها لبعض

وربنا يتقبل منا جميعا صاالح الاعمال ويغفر لنا امين

يارب مكونش زي الكفار في ايه قرانيه فيما معناها قالو ارجعوني اعمل صالحا فيما تركت ولو رجعو لن يعملو صالحا

🙂