مقبلات % سلطآآآآت **مما راق لي %

_سلطة ورق العنب
_سلطة بتتبلية الزعتر والشبت
_سلطة الشعيرية بالعدس
_سلطة الزبادي بطريقتي
_سلطة أكواب البطاطس
_سلطة الخضار المقلية
_حلقات البصل وأصابع الموتزريلا
_سلطة البنجر
_كرات الجبن
_سلطة الدجاج بالشمرالطازج
_سلطة البصل الأبيض
_سلطة رولات الباذنجان

_ سلطة بتتبلية الزعتر والشبت

المقادير ..

خس أمريكي او خس عادي
مقطع طوال ..
زيتون شرايح سواء أخضر او أسود
خبز مقطع ومشوحينه على النار مع زيت الزيتون
والزعتر << كمية الزعتر كثيرة شوي تغطي الخبز تمااام

التتبيله
علبة زبادي
علبة سوس رانس للسلطات
نص حزمة شبت وملعقتين زعتر وممكن تكون بقدونس او كزبرة
بس شخصياً بالشبت أطعم كثير حسيتها ..
ملح وليمون وزيت زيتون..
نخلطهم بالخلاط الكاس لحد ما يصير اللون أخضر

نحط بالطبق اللي نقدمة الخس بعدين رشة زيتون

بعدها نرش عليها الخبز وبالأخير السوس

ونرجع نكرر نفس الطبقات ..

آخر طبقة رشيت عليها شوية بابريكا وزعتر

وصحتين وعافية ..

_سلطة ورق العنب
المقادير
علبة ورق عنب
كاس ونص برغل

مكعب ماجي

نقطع ورق العنب والطماطم والبصل ” شرايح طوبله “
زي ماهو باين بالصورة .. 5 حبات طماطم 5 حبات بصل 2 ملعقة دبس رمان

الصوص
نص كاس زيت زيتون << حسبت الرغبه
مغلفين تتبيلة الريحان والزعتر
ملح ليمون ..

الطريقة ..

نشوح البصل على النارلحد مايذبل بس ما نحمره
بعدين نحط عليه الطماطم ونقلبهم مع بعض
ونزيد عليهم مكعب ماجي ونتركهم على النار لحد مايذبلون تمام
بعدين نزيد عليهم ورق العنب وملعقتين دبس الرمان وشوي زيت زيتون
ونغطي القدر لحد ما نشوف ورق العنب مررره ذبل

بهالوقت نكون ناقعين البرغل بماء دافي ..

نبدأ نشوف ورق العنب بعد 20 دقيقه وأكثر
على حسب نوعية ورق العنب أهم شي نتأكد انو ذبل مره
بعد ما نحسه ذبل نبعده عن النار ونحط عليه ملح
وليمون ومغلفين كنور وزيت الزيتون والبرغل

نتركه يبرد ونقدمة ..

_سلطة الشعيرية بالعدس

المقادير..
كاس عدس مسلوق

4 دوائر شعيرية << واضح تورطت ما لقت تعبير
خيار حبتين
جزر حبتين
خس
كرنب
مخلل الـcapers وممكن مخلل عادي مقطع
بس الكابر طعمه حاد فشوي منه يكفي ..

التتبيله
زيت زيتون
مغلف كنور بالخل والثوم
ملح وليمون حسب الرغبه ..

الطعم جداً لذيذ وتغني عن وجبه ..

وقدموها زي ماتحبون ..

وصحتين وعــافية يارب

_ سلطة الزبادي بطريقتي
2 زبادي / ملعقتين لبنه
3 حبات باذنجان مقطع مكعبات ومقلي
نص كاس حمص
3 حبات خيار

التتبيله ..

ملح
كمون << مهم
ليمون
زيت زيتون

الطريقة ..

نخلط التتبيله مع بعض لو حسيناها ثقيله
ممكن نخففها بشوية لبن
وبعدها نحط عليها باقي المقادير

بعد ما نحطها بصحن التقديم نرش نعناع على الوجه
أو بصل مقلي << إختياري

وصحتين ..

_سلطة أكواب البطاطس

المقادير..
بطاطس مسلوق

الحشوة ..
جبن كريم / جبن موتزريلا
ملح وفلفل
هوت دوق مقطع مكعبات
جزر مقطع مكعبات ومسلوق
بازلا مسلوقه
مشروم مشوح على النار
زيتون شرايح
ذره

الحلو بالسلطة هذي تعتمد على الذوق والإبداع
أو محبة الشخص لأشياء معينه

الطريقة ..

نسلق البطاطس ونفرغه
ونزيد عليه الجبن الكريمي
وملح وفلفل ونرجع نرجعه للبطاطس مره ثانيه
نحط فوق البطاطس كل شي جهزناه
أو اي شي تحبونه ..
نرش عليه جبن الموتزريلا
وندخله الفرن دقايق يدفى
وتذوب الموتزريلا

_سلطة الخضار المقلية
المقادير

على النار نكون مشوحين بقدونس وثوم

نحطه على خلطة الزبادي

وصحتين وعااافية ..

مع اصابع الجبن قدمت صوص الثوم

وصوص الطماطم ..

نخلط خلطة الزبادي مع متبل الثوم والملح والليمون والسيزر سوس

وزيت الزيتون ونحط عليه البنجر ونتركه على جنب باخذ اللون الوردي

بعد نص ساعه نخلط الزبادي وبالبنجر بالملعقة نتأكد اخذ اللون

بعدها نحط البصل والباذنجان والكرنب ..

وصحتين وعافية ..


_كرات الجبن بالزيتون