مقلوبتي في عيد الفطر من ايدين اختكم ام بدر وكمان بالصور

عجبني العنوان كاني صرت شاعره ونا ما ادري

طبختي هذي كانت عيدية يوم الفطر اعاده الله على الجميع بالصحه والعافيه
بس تاخرت في انزال الصور

( عيدية يوم الفطر = بعد صلاة العيد يتجمعون الرجال وكل واحد يجيب طبخه من بييته طبخات شعبيه او غيره المهم الجود من الموجود
وياكلون اهالي الحاره والي يمر بالمكان يعني فطور جمااااااعي للي تعرفه والي ما تعرفه )

المهم << مالكم بالطويله خلونا في القصيره

فكرت من الليل اني اسوي له مقلوبه << طبعا فرح ما صدق على الله اقولها

ومن النجمه على قولة اخوانا المصرين على المطبخ احوس فيه وطبعا كالعاده الكاميره معايه ❗

والحين اخليكم مع الطريقه المصوره :

المقاضي = المقادير 😥 والطريقه على طول

طبعا مراح احط لكم الكميات كل وحده تسوي الكميه الي تعجبها

لحمه مسلوقه بدون ملح وعشان تطلع معاك طريه ( حطي معها خل ابيض يعني ملعقتيين مثلا حسب الكميه )

رز مسلوق برضه << كله مسلوق وجبه مستشفى

خضار مشكله ( بطاطس ، كوسه ، جزر , الي تحب الباذنجان تحط )
تقلين كل الخضار الي عندك

مثل الصوره الرز مسلوق والخضار تتقلي بالزيت

على جنب قطعي

بصلتين متوسطه + حبه فلفل اخضر بارد

في قدر كبير وانتبهي لازم القدر يكون بدون ( يد ) عشان لما تقلبين الرز في الصحن ينزل معك مرتب

في القدر حمري البصل والفلفل الاخضر + كم حبه مسمار او قرنفل + كم عود قرفه

لما تذبل البصله او تبتدي تحمر اضيفي قطع اللحم بعد تصفيتها من المرقه

اضيفي البهارات والملح وشوية كركم وقلبييهم مع بعض

البهارات الي استخدمتهم

بهارات جيزانيه + بهارات بحرينيه

اضيفي صلصة الطماطم
وعلبة زبادي
وحركي

بعدين اضيفي الخضار المقليه على اللحمه وحركيهم سوا (( لاتنسي تذوقي الملح ))

وحطي شوية من مرقة اللحمه يعني مو كثير يغطي اللحمه لالا اقل شوي بس عشان تسوي صلصه

حطي الرز المسلوق كميه كميه بالتدرج واضغطي بالملعقه عليه عشان يتماسك وتنزل الطبقه الاولى مع الصلصه لين تخلصي كمية الرز الي عندك

خليها على النار شويه فقط 5 دقائق عشان تتشرب الطبقه الاولى الصلصه

وبكذا تكون انتهت الخطوات

اقلبيها في صحن التقديم

هنا اضاف ابو العيال خيار وبندوره <<يزين الصحن ياحليله ويبغاني اصوره وهو يزين الصحن