عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
هدخل في التفاصيل علي طول
المقادير
كيس مكرونه اي شكل تفاضليه انا بحب الحلزوني
عصير 4 حبات من الطماطم
2 ملعقه صلصه
مكعب مرقة ماجي حسب الرغبه
علبة سجق
نص كيلو لحمه مفرومه
2 حبه بصل مقطعه لشرائح
فلفل رومي
توابل وبهارات حسب الرغبه
عن نفسي بحط كاري
ريحان
فلفل اسود
شطه حمراء بودرة
كمون
كزبرة ناشفه
كل الي عندك ونفسك تحطيه حطيه بس راعي الكميه تكون رشه
2 فص ثوم
جبنه موزاريلا
جبنه كرافت مبشورة
ولو حابه برميزان بتبقي تحفه واجمل
الطريقه
اول حاجه اسلقي المكرونه وصفياها وشيليها علي جنب
بعد كده بنقطع البصل والفلفل ونعصج معاه اللحمه المفرومه ونضيف التوابل نصها علي اللحمه والنص الاخر في الصلصه بعد مااللحمه استوت ضيفي اخر حاجه السجق يتشوح معاه علي الخفيف لانه مش بياخد وقت في السوا
في حلة تانيه هنكون فرمنا فصين توم وضفنا عليه عصير الطماطم ومعلقتين الصلصه ومكعب مرقة ماجي
بعد ماتسبكت الصلصله اخر خطوة هاتي صينيه الي هتدخل الفرن رصي طبقه مكرونه مسلوقه بعدها صلصله وعليها طبقة عصاج واخر جاجه طبقة الجبن الي موجوده عندي راعي ان المكرونه متكونش طبقه كبيرة ومتتعملش طبقتين زي الباشميل لا هي طبقه واحده بس ولذلك هتستخدمي اكتر من صنيه حسب الكميه الي انتي عملاها بس هنا انا عامله كيس اخد 3 صواني كبار
سهلة جدا ومش هتاخد اكتر من نص ساعة تحضير وتلت ساعه سوا في الفرن وبالف هنا وشفا
دي صورة الصينيه الي عملتها
وده صحن بالهنا والشفا علي قلوبكم
