مكسورة القلب حلفتكم بالله تدخلوا موضوعي ضروري

والمشكله اني وحيده ماعندي اخوات ولا حتى صديقه مقربه يعني ماعندي احد اقدر اثق فيهم واقول الا بقلبي

فقلت مالي بعد الله سبحانه غيركم اتمنى تساعدوني بامانه واخلاص لان قلبي يابنات محروق ومكسور

حاسه نفسي ابغى انطوي على نفسي مابغى احد في الدنيا

المهم ادخل في الموضوع ركزوا معايا حبيباتي

انا طبعا خالعه يعني طلقت وعندي ولدين طيب وبعدين سبحان الله جلست فتره مضايقه بعد الطلاق من كثر كلام الناس الا مايرحم

ومع رغم انا الا كنت مظلومه في الزواجه هادي بس ماقول غير قدر الله وماشاء فعل

طبعا ليه دحين فتره طويله على طلاقي

المهم فقررت اذا ابغى اتزوج راح اتزوج شخص اعرفه واحبه ويحبني وانا اختاره

طبعا خطبتني صديقتي لواحد من اقاربهم وسارت الخطبه

وبعدين قلت لاهلي لازم اعرفوا قبل ماتزوجوا

وسرت اكلموا لمدة سنه اتفقنا الملكه بعد سنه ونص

هو اصغر مني ب4 سنين
انا عمري 26 وهوا 23 واعزب ماقد اتزوج

ومره حبيتوا من كل قلبي وعلى كلاموا هوا كمان حبني

المهم ففترة علاقتنا سارت مشاكل كتير بيننا ولو هوا بجد يحبني يتحمل المشاكل

وانا مشكلتي طيبه بزياده ولمن اتعلق باحد واموت فيه احكيه كل شي
وحكيته كل شي عن ماضيه وطبعا هوا حكاني عن ماضيه

المهم كنت احكيه عن طليقي كثير وكيف كان يضربني وحكيتوا كل شي كل المعاناه الا شفتها
وانا ابويه الله يعطيه طولت العمر كان ينصحني لاتحكيه شي عن طليقك لو سئلك قوليه شي فات فمات

وربي انوا صدق

وبس وفجاءه خطيبي وحبيبي في نفس الوقت يقولي انا معد ابغاكي انتي مشاكلك كتير

وانا ماقدر اتحمل مع رغم كم مره هوا قفل في وجهي وسوالي مشاكل وانا عادي بتفاهم معاه
يقلي انا ماقدر اتحملك

المهم والله يااخواتي جلست اسبوع وانا ادق عليه بكثره واترجاه وبست الايدي والارجل
عشان يرجعلي
يجلس بالثلاثه ايام مايرد ويرد رابع يوم ويكلمني بنفس خايسه
وانا ابكي واصيح واترجاه وهوا لاحياة لمن تنادي

المهم اخر مره اصر وقلي روحي سوي الا تبغيه انا معد ابغاكي يابنت الناس

المهم جلست في كرب شديد وفسخ خطبتوا مني ااااااااااه على القهر الا جاني واهلي يهدوني
ورحت المستشفى يومين من الحزن

لاني حبيتوا من كل قلبي

طبعا انا استمريت ادق عليه واترجاه يرجعلي وربي كان رافض بقوووووووووووه

المهم كانت عندي صديقه حكيتها الجزء الاخير من الموضوع انوا مايبغاني

قامت شااارت عليه مشوره قالت ايش رايك ادخلك جماعي بالمسن مع شاب هما الشباب يعرفوا بعض وراح يساعدك بافكار كيف ترجعيه

قلت طيب المهم دخلتني وكلمته مسن طبعا ماخذت منه لاباطل ولاحق كل الا قالوا حرشني زياده عليه

طبعا مرتين كلمته في نفس اليوم بعد كده مارضيت بس والله كلوا مسن موا جوال وخرابيط
حسيت بتأنيب ضمير مع العلم انوا هوا تركني

المهم رجعت دقيت عليه ادري انكم بتهاوشوني بس والله احبه حموت من دونه لو مارجع

ورجع دق عليه
قلي نعم ايش تبغي قلتلوا حرام عليك ومن دا الكلام

المهم قلي ايش سويتي بغيابي في النت مادري كيف عرف صراحه في البدايه انكرت قلت ماسويت شي
بعدين حبيت اعترفله قلتله كده وكده مع العلم كان يعرف بنات كتير قبل مايخطبني بس تركهم لمن خطبني

وزعل مني واتهمني بالخيانه ومن دا الكلام سرت اعتذر منه وشرحتله الموضوع كله

اصلا من قبل هالموقف هوا جالس يقول مابغاكي
وسار يقلي كنت فتره اادبك فيه وبرجع لك اما الحين كيف ارجعلك ياخاينه

والله عذبني حسيت انوا صار يتلذذ بدموعي وحزني واني اترجاه

والله يابنات انا ماسويت شي

وقام قلي كيف اسيبك دحين انا احبك ليش رحتي كلمتيهم بالنت وليش وليش في ايش قصرت معاكي
كل هادا العذاب ويقلي فايش قصرت معاكي سبحان الله

قلتلوا عشان تركتني وابغى ارجعك ابغى افكار
ورضي يرجعلي بعد ترجي قلي نكلم بعض فتره وارجع اخطبك من اهلك تاني واقلهم ابغى اصحح غلطي

المهم انا وافقت عشاني احبه

ومره فرحت يابنات بس ماسار معايا كويس يعاملني بجفا ومن دا الكلام وقمت سالتوا اشبك كده معايا
قلي انا ماسرت اضمنك وانا شاك فيكي

وربي اعتذرت منه لين دخت ووعدته ماتتكرر
وقلي لمن اتزوجك واسيبك فتره لوحدك تروحي تكلمي بالنت
قلتلوا لاء انا ماني كده الكلب طليقي الا المفروض ينخان ماخنته
قلتلوا انا اقدر العلاقه الزوجيه واحترمها وانا اصلا موا كده
بس هادا سويتوا عشان ارجعك

وقام قلي كلمه ااااااااااااااه يابنات ماكانت على الحسبان ولا الخاطر

كلمه كسرت قلبي فتت عظامي شوهت روحي ااااااااااااااااه يابنات

تعرفوا ايش قلي

قلي داك طليقك ماخونتيه عشان كان يعرفلك عرف يمشيكي على الصراط المستقيم

ااااااااااااااااااااااااه يابنات ياريتني سمعت كلام اغلى الناس عليه ابويه وماحكيتوا شي
شوفوا كيف استغل الكلام لصالحوا وجرحني

وربي اهتزيت زي الصاعقه وغير الكلام الا يجرح

اااااااااااااااااااااااااااااه يابنات وربي انجرحت وربي الدموع تنزل دم على طول قفلت في وجهوا ماقدرت اتحمل
ماراح اقدر ارجع لو بعد دي الكلمه

ايش اسوي فكرت بالانتحار بس ابدا موا حل راح يتعبني انا الانتحار

يااااااااااااااااااااااااابنات ساعدوني ربي يفك كربكم ويفرج همكم ضاقت بيه الدنيا ساعدوني بحلولكم لعل وعسى ربي يجعلها شفاء لصدري من دا الجرح الاليم