عالم البنات النسائي كل ما يخص المرأة العربية من ازياء وجمال والحياة الزوجية والمطبخ
////
السلام عليكم ورحمه الله وبركاته ..
طبعا كلنا نعرف الماركه المعروفه RalphLauren الغنيه عن التعريف ..
ماركه عمليه وبنفس الوقت فخمه ..
هذي بعض القطع اللي حابه ابيعها ، لان ماناسبتني كـ مقاس للاسف . والسبب الثاني تناحه الدكتوره اللي حطتني بين خيارين صعبات ، وماعرفت فيني بنت او ولد .
فاضطريت اشتري بنات و اولاد .
المهم نبدأ مع الجدول تبع القياسات :
* ملاحظه لاحظتها في ملابس RalphLauren الخاصه بالاطفال .. مثلا مقاس 3 اللي مبين بالجدول انه من 3 الى 6 .. يساوي 0 الى 3 عندنا ( وتقريبا قستها على ملابس بيكوكس للاطفال )
يعني مقاس 6 RalphLauren يساوي مقاس 3 الى 6 وهكذا .
عموما انتم شوفوا الجدول وان شاء الله بيكون تمام .
//////
قطعه رقم 1
بوكس عباره عن 3 قطع افرول بنوتات + قبعه + دبدوب .. مقاس 3
مرره تنفع كـ هديه ،، وبتغليفتها مافتحتها ابببد .. جدا راقيه .
السعر = 250 ريال
من تصويري
////
قطعه رقم 2
قطعه لونها مره رايق . مقاس 6 . لون الحصان ازرق تقريبا . قطعه نعومه وتواجه
السعر = 170 ريال
* ملاحظه اللون اقرب للون الصوره الاصليه . يعني تقريبا زي هاللون
//////
قطعه رقم 3
عاد هذي من جد كنت منسطله عندها . تدنن تدنن .. خصوصا من الخلف
اللون اصفر حلووو واللوقو بنكي ، مقاس 6
السعر = 150 ريال
////
قطعه رقم 4
بولو بس مره مناسبه للاطفال . ماتجي مبهذله وتطلع فوق وقلق .. لونها ابيض
والحصان لونه بنكي . مقاس 9
السعر = 170 ريال
////
قطعه رقم 5 . هذي عاد القطعه الولاديه بالموضوع . قماشها تقريبا مخمل ناعم .
نعووووووومه جدااااا . مقاسها 6 . منقوش او محفور ع الازارير شعار رالف
السعر = 200 ريال
//////
ملاحظه : انا بالرياض والتسليم يد بيد بأي مول ممكن نتفق عليه
اللي خارج الرياض ممكن اشحنها لك باي شركه غير زاجل “بعيده وماحبها” وقيمه الشحن عليك 
رجاء بليز اللي عجبها شي وخلاص تبيه تكون جاده . ماله داعي المشاوير بعدين كلمه “غيرت رايي ”
*لطفا = الاسعار ثابته ( انا شاريتها من النت ف قيمه ضرايب و موقع و شحن خارجي وداخلي وقلق )
//////
