ملاحظات تهمك قبل ماتاكلي طفلك

اول شي أنا ام جديده وبنوتتي اخر الشهر دا تخلص 6 شهور..

في اشياء حابه انبه ليها لانو موجوده بكثره في ردود الأمهات وبارب الكل يستفيد..

2- مانعطي الاطفال اي حلويات او سكريات أبدا قبل السنه على الاقل ولو حتي اللي تقول بس اعطيه شويه شكولاته كيك مدري ايش كلو مرفوووض تماماً برضو لسببين
اول شي أسنان الطفل والتاني انو الدراسات اثبتت انو دا قد يودي الي مرض السكر عند الكبر..

3- مانعطي الاطفال عسل أبدا قبل سنه لانو في انزيمات تؤثر علي معدة الطفل وممكن تسبب نزلات معويه..

4- الشي التاني الزبادي يعطي للطفل بعد ست اشهر وحتي صفار البيض..

5- بعد خمس اشهر نبدا نعطي الطفل الكوب للشرب علشان يتعلم مفهوم سيولة الماء بس ضروري نعطي الكوب المخصص للأطفال في دا العمر وكيف تعرفيه؟؟ ببساطه المويه لما تقلبيه ماتنكب وتحتاج الي مص..

6- المويه ضروريه جدا بس تعتبر ضاره جدا اذا كانت خلال الاكل والسبب تخفف انزيمات المعده فماتهضم الاكل وتسبب مغص للطفل..

7- من بعد 8 شهور نبدا نذوق الطفل من أكلنا العادي بس برضو يكون له اكله الخاص والسبب انو أكلنا يحتوي علي املاح وكلية الطفل مااكتمل نموها فلاملاح تؤثر سلبيا عليه وممكن كمان الطفل مايتقبل اكله الخاص لانو اتعود علي الطعم..