( ملامح من الواقع )رووووايه رووووووعه

ـ في بيت ابو خالد
[ مسك ماجد راسة بذهول وهو ينا ظر ابوة ماجد بعدم تصديق : يبة حرااام ليش توك تقول لي وليش بس انا اصلا
قلتلي وليش ماقلت لدانة .. ابو خالد : ياوليدي اسمعني زين دانة مابيها تدري ماحد يدري الا انا وامك وانت وخالد
وما قلت لك هالحين الا لاني عارف انك خلاص كبرت وصرت رجال يعتمد علية وما ابيك هالحين تزل وتقول ما دريت انتبة .. صح ان دانه بنت عمك لكنها اختك وبنتك قبل ما تكون بنت عمك ….. هز ماجد راسة وهوللان يفكر وما استوعب ] قطع تفكير ماجد دخول دانة المفاجئ
دانة : مااااااااااجد وينك لي سنتين و3 شهور وأسبوعين ويوم ونص وساعة وربع دقيقة وثانيتين ونفس وأناادورك
ماجد بضحكة : وعساك لقيتيني بس ولا أجي ادورني معك
دانة باستهبال : لاوالله الي الان مالقيتك وياليت تتكرم تدور معي
ماجد بطفش : اقول اخلصي وش وراك
دانة وهي تجلس بجنبة على السرير : مجود ياااااعمري انت
ماجد : هاة يالمصلحجية وش تبين
دانة : ابمشيها لك لاني منقهرة اسمع ابخش بالموضوع بسرعة وعلى بلاطة عندنا معلمة فاقعة مرارتي ومطينة عيشتي يعني بالعربي ابغى وساطتك
ماجد فهم قصدها : طيب وش السبب
دانة : ماااجد بلا مثالية زايدة انت تعرفها ذيك الي حرمتني من الامتحان السنة الي راحت
ماجد : اية عرفتها الي جيتينا ذاك اليوم تصيحين بالاختبارات وتقولين احرمتني من الامتحان
دانة : ايييييييييييوة هي بعينها
ماجد : طيب مو ابوي قال انا اكتب للمدرسة خطاب يفصلونها
دانة : اية بس انا يوم جيت اعطي المديرة الخطاب حسيت اني شريرة عشان كذا بس قلتلها ابغى اعادة اختبار
ماجد بغيض : ويوم صار من بكرا قلتي انها انفصلت وانتي تكذبين علينا
دانة : اييييييييييييييييييييييوةممتاز
ماجد : وتضحكين بعد وش سوت لك هالمرة
دانة وهي تلعب باظافرها الطوال : اممممممم عطتني كف
ماجد بصدمة : ايييش
دانة : والله مااكذب عليك عطتني كف
ماجد بعصبية : وهي على كيفها تعطيك كف وليش اصلا
دانة : ماااجد اسمعني انا ما ذاكرت وهي خلقة عصبية وجت وعطتني كف لااا والي قاهرني انة فية بنات ماذاكروا
وبس انا الي ظربتني حاقدة علي بشكل وأنا ماقلت لابوي لاني عارفة انة بيقول اكيد انتي غلطانة ومادري ايش
وخالد نفس الشي عشان كذا ابيك تكلم عليهم ياااعمري انت
ماجد يتنفس بيوخر ظربات قلبة : ولا يهمك بكرا اكلم عليهم بس ياويلك ان كنتي انتي الغلطانة
دانة باستنكار : ماجد منت واثق فيني
ماجد بتنهيدة : الا واثق وبخاطرة يقول : وكل يوم يزيد حبي لك
دانة بمرح : طيب تعال مسوية حلى يجننننننن بتاكل اصابعك وراة بس بسرعة لاتتاخر
ماجد وهو يصرخ عشان تسمعة لانها طلعت : ترى مداح نفسة كذااب
وقام وهو يهبط شعرة بيدة وطلع من غرفتة ………… نزل تحت ولقى الصالة فاضية وشاف دانة بالمطبخ تجهز القهوة
لان المطبخ يطل على الصالة راح لمها وهو يقول : وين الشباب شكل البيت فاضي
دانة : الي يسمعك يقول اننا ساكنين بشقة شباب ترى فية انا وامي بنات
ماجد بظحكة : ما استبعد انك واحد من الربع
دانة بشهقة : وجععععععععع والله انك ماتستاهل لاقهوات ولا سواليف ولا شي ظف خشتك
ماجد : وجع تراي اخوك الكبير وبعدين وين اخواني
دانة : يا اخوي الكبير على قولتك امي عند ام صالح ام الجيران تقول بنتها والدة وسعود بالنادي هو ومحمد وسلمان
ماادري وينة تلقاة يسعسع بالشوارع
ماجد : اهب على هاللسان من متى وانتي تهرجين وتوك تسكتين
دانة : وجع تفتف وقل ما شاء الله
ماجد : ماشاء الله وه ياكافي
دانة : المهم بلا كثرت هرج ودق على سعود
ماجد : وين جوالك
دانة : دق من جوالك
ماجد : مااالي خلق عطيني جوالك ولا ترى منيب داق
دانة : وه مايكملك خير شف جوالي فوق المايكرويف
ماجد وهو يجيب الجوال ويجلس على طاولة المطبخ : وش اسمة
دانة وهي مشغولة بتقطيع الحلى : مادري دورة اذا لقيتة علمني
ماجد : منهو تاج راسي
دانة : باباتي الله يخليه لي
ماجد : ومنهو الزعيم
دانة : اممممم خالد
ماجد : طيب منهو الحنون
دانة : اوووه ماجد والله انك كثير الاسئله هذا انت
ماجد وهو يحاول يسيطر على ظربات قلبة من يوم قالت انة هو الحنون : طيب وش يدريك يمكني مو حنون
دانة وهي تغسل وتلتفت علية وتهز كتوفها : يمكن الي ما يعرفك يقول عنك قاسي او حتى اخواني ممكن ما يتخيلون
هالشي فيك لكن بالنسبة لي اقول انك حنون ومرة بعد
ماجد وهو ينهي الموضوع لانة يحس انها تسمع دقات قلبة من قوها : طيب منهو الغالي الخبل
دانة : سعود
دق ماجد علية وحط على السبيكر
سعود : السلااااام عليكم كيف الشينة
دانة بظحكة : تسال عنك يالشين
سعود : سال عنك ابليس وش تبين
دانة : اسمع وينك انت اللحين
سعود : انا هاللحين اغازل وش عندك
دانة : يالخاين ليش ماقلتلي اغازل معك
سعود : ياكثرك اخلصي وش عندك
دانة : هذا جزاتي مسوية حلى وعازمتك
سعود : ياااناااس يازين اختي وه بس
دانة : اقول يالمصلحجي ننتظرك ولالا
سعود : الا انتظريني دقايق وجاي انا ومحمد
دانة : طيب سلام الله يحفظك
سكرت من سعود وناظرت ماجد اللي طلع من
المطبخ وقالت : ماجد وين بتروح
ماجد : بروح للمرسم شوي
دانة ببتسامة هادئة : طيب لاتتاخر
طلع ماجد من المطبخ وكملت دانة شغلها رجع ماجد وهو يعطيها جوالهالانة اخذة من دون مايدري بعد ما سكر من سعود شافت الشاشة [توام روحي ] ردت وهي مبتسمة
دانة : هلاااا والله بالشينة
عبير : تكفيييين يالزينة
دانة : بسم الله بدت سلامها بهواش
عبير : والله اشتقتلك يالدبة
دانة : اقووول خشي بالموضوع على طول
عبير : اية اسمعي بكرا بتدرسين ولالا
دانة: اية بدرس ولا بعد
عبير: طيب وش صار على موضوع المعلمة
دانة:ماعليك قلت لماجد
عبير:عاد أي موضوع يدخل فية الجني العبد اعتبرية منتهي
دانة: وووجععععععع الحين هذا سب ولا مدح
عبير: والله مادري انااصلا بتاع كلو
دانة: اقوووول ماتحسين انك مظيقة تراي انحشرت منك
عبير: اعتبرها تصريفة ضايقوك الذبابين قولي آمين وجععع هذا جزاتي متصلة اتطمن عليك يالززززففففتةياتراااااب مع السلامة واحمدي ربك سلمت وما سكرت بوجهك يالملاس
سكرت منها دانة وهي مايتة من الضحك وراحت تشوف ماجد
ـ في المرسم :
دخل ماجد وهو يتنهد ولع النور شاف اللوحات المرصوصة فوق الطاولات الي محاوطة الغرفة شاف من ظمنها رسمة أبوه كان راسمها بكل إتقان تأملها بصمت والتفت للوحة اللي مغطيها بقماش وما يسمح لاحد يشوفها
تقدم لها بصمت ورفع الغطا عنها وجلس يتاملها كل يوم تقريبا لازم يدخل ويشوفها
شاف البنت المرسومة بكل اتقان على اللوحة
بالفحم عيون عادية سودا مايزينها الا الرموش الكثيفة والطويله لكنة يعشقها انف صغير يدل على نعومة صاحبة ومع ذلك يعشقة فم صغير مزموم بنعومة ودلع ذقن نحيف كل هذا كان يشوفة فيها هو غلطتة انه حط ظلال ورى الصوره كلمة Love وغلطة ابوة لانة خلاه يغير نظرتة لها ………… قطع تفكيرة صوت دانة المفاجئ وهي تقول : السلااام عليكم … غطى الرسمة بخوف وهو يقول : من متى وانتي هنا
دانة : اممممم من يوووم قلت السلام عليكم
ماجد وهو يزفر براحة : الحمدلله مرة ثانية طقي الباب قبل ما تدخلين
دانة : آآآسفة والله ما اتعودها .. وسكتت لانها تعرف انة مايحب احد يناظر هالصورة بالذات دايما اذا دخلوا خوانها يغايظونة ويسوون نفسهم يفتحونها وهو على طول يعصب عليهم ويطردهم .. قطع سكوتهم صوت سعودوهو يصوت: يااا أهل الدااااااااااااااار طلعت لة وهي تظحك لازم يسوي جو لاجا
دانة: نحن هنا يالمزعج .. وصفرت باعجاب وهي تشوف بدلتة الي كانت عبارة عن بنطلون جنز اسود وتي شرت اسود مقلم باحمر ماسك على جسمة وسعود طويل ويميل للنحافة لكنة مو نحيف وطالع الاسود علية كشششخخخة
دامة: سعيد وجعة وش هالكشخة خيااال الاسود عليك
سعود وهو يحط يدة على صدرة ونزل جسمة وكانة يحييها: شكرا شكرا اخجلتم تواضعنا
محمد: احلف آخر مخلوق يخجل على وجة الارض انت
ماجد: اقول ترى فية ناس جوعانين
سعود: قصدك فية ناس هلكانين المدرب المدرب الله يهلكة مايخاف الله بعبيدة اول ما اتقهوى بروح اضم وسادتي والله اني مشتاق لها
محمد: استح على وجهك وجع
سعود: اوووة نسيت ان فية ناس محترمين يستحون
ماجد: زين معترف انك مو محترم .. وراحوا يتقهوون هم وسواليفهم اللي ما تنتهي
……………………………..
ـ في الشرقية
في بيت ابو عماد
ـ بعد صلاة الفجر
قامت حور بعد ماخلصت مصلية الفجر جلست قدام المراية الي مسنودة على الارض واخذت شباصة لقتها قدامها وشالت شعرها الغجري والي يوصل لنص ظهرهاورفعتة بشكل عشوائي
على فوق ومسكت الخصل الي طاحت ومسكتها بمشبك اسودوقامت تنشر الملابس طلعت للسطح وهي تتنفس براحه اليوم راح تفارق هالبيت وترتاح من الهم الي كانت عايشة فية بس بداخلها متخوفة من شوفة ابوها انقطعت افكرها بانتهائها من التنشير نزلت للصالة ونقزت يوم سمعت صوت الباب الخارجي وبعد ثواني سمعت صوت باب الصالة الخشبي ودخل منة ابوها وهو في حالة يرثى لها ويترنح بمشيتة تقدم لها وهي من الخوف صدرها يعلو ويهبط حاولت تخلي نفسها طبيعية وابتسمت ابتسامة مظطربة وهي تقول بصوت يرتجف من الخوف : اهلين
تقدم لها وهي بتنحشر من ريحتة الكريهة
وقال بصوت يخوف وببتسامة شريرة :اهليين
وبلمح البصر لقت نفسها في غرفتة وهو ماسكها من كتوفها ويناظرها من فوق لتحت بنظرات مقززة عرفت نيتة ومن الصدمة ماقدرت تتكلم مشاها بخشونة لفراشة المفروش على الارض بلحضة سحبت كل النفس الي فيها وصرخت باقوى ماعندها وهي تبعدة عنها بكل قوتها ………………..
دخل عماد البيت ومعة فواز وهو يسولف معة ومشوا لين وصلوا باب البيت الخشبي
فواز وهو يظرب عماد على كتفة : والله بفقدك يالشين
عماد وهو يقلد اللهجة الشرقاوية : من صجك انــ .. وقطع كلامة صوت صراخ ظل ساكت لكن هالصراخ لازال موجود التفت له فواز بحيرة وهو مازال ساكت دخل عماد للبيت وفواز لحقة من دون شعور لمن بدا الصوت يتكرر مشى عماد ودخل للمطبخ ورجع يوم حس ان الصوت بالمطبخ ظعيف وراح لجهة الدرج الي يوصل للسطح لكنة رجع يوم راح الصوت ووقف بوسط الصاله وهو يناظر فواز الي واقف عند الباب بتردد شهق والتفت لباب غرفة ابوه تقدم بتردد ووقف يتسمع ومن دون أي كلمه التفت بسرعه ودف الباب ويوم شاف الباب مقفول من الداخل دفة مرة ثانيه من دون ما يتكلم ويوم شاف انه مافيه فايده تراجع لورى وتقدم بسرعه ودف الباب بكل قوته ولما انفتح وقف يناظر المشهد الي قدامه بصدمه ظل واقف ثانيتن وهو ما استوعب الي يشوفه قدامه وبعد ما استوعب
صرخ بكل قوته : لااااااااااااااااااااااااااااااااااااااااااااااااا اااااااااااااااااااااااااااحوووووووووووووووووووووو وور
وتقدم ومسك ابوه من كتوفة ووقفه وهو يصرخ بكل قوته طاح ابوه على الارض وعماد من دون شعور نزل عليه بالعقال وصار يجلده بكل قوته وهو يتلذذ لما يشوف العقال يظرب جسد ابوه وحور جالسه بزاوية الغرفه وتلملم اطراف قميصها المشقوق وهي تصيح وتناظر عماد يجلد ابوه بعد ماكان ابوها يجلد عماد التفتت وشافت شال مرمي على الارض تقدمت له وسحبته وغطت نفسها فيه وقامت لاخوها
حور : عماااااد خلااااااص الله يخليييييييك
وبكل قوه عطاها ربي سحبتة وطلعته لخارج الغرفه
وهو يصارخ عليها : خليييييييني خليييييييييني ابرد حرتي
حور بصوت مبحوح من كثر البكا : عمااااااد الله يخليك خلاااااص
تقدم لها عماد وضمها بكل قوته وهو يحارب دموعه لاتنزل : قوليلي سوا بك شي
حور : لااااااااااااااااااااااااالااااااااا
عماد : قوليلي عشان اقتله هالكلب
حور : عماد هذا ابوووووك
عماد بكل عصبيه : يخسييي يصير ابوي انا اصلا مالي اب
حور : ……..
عماد : روحي بسرعه البسي عباتك
راحت بسرعه من دون ما تناقش وكانها ودها تطلع من هالبيت باسرع وقت .. طلع عماد للحوش وشاف فواز يدور بالحوش وهو يفرك يدينه طلع يوم شاف حور تطلع من الغرفه وهو يسد اذانه مايبي يسمع أي صوت ورفع راسه يوم حس باحد شاف عماد ووجهه اسود قال بتردد : شنو صار .. ناظره عماد بنظرات ظايعه وتقدم له وضمه بكل قوته انعصر قلب فواز يوم حس بانفاس عماد المتلاحقه نزل راسه وهمس له : عماد صيح طلع الي بقلبك .. وما مداه يكمل كلامه الاوعماد منفجر بالصياح وهو يقول بخاطره [ اش تبغي اقولك اقولك ان ابوي حاول يعتدي على اختي] ومن دون شعور صار صياحه يزيد ويزيد
………………………………………….. ………….
ـ في بيت ابو سلمان :
ووقفت العنود عند تسريحتها و مشطت شعرها الأسود والي يوصل لخصرها وحطتة جديله من قدام كحلت عيونها الواسعه كحل ازرق زاد من جمالها وحطت قلوس لامع وطلعت من غرفتها بعد ماسكرت الباب راحت تنزل لتحت وتوجهت للصالة ابتسمت وهي تسمع محاولات عبير المستميتة في انها تقنع ابوها يخليها تروح لبيت عمها
عبير : باباااا الله يخليك ودي اروح لهم الله يخليك
ابو سلمان : استحي على وجهك تعزمين روحك عندهم
عبير : يببببه الله يخليك دانة دقت علي تعزمني
ابو سلمان : قلتلك لا يعني لا ماتفهمين … والتفت للعنود اللي تسمع لهم ببتسامه ويوم سكتوا وسلمت على ابوها وامها
عنود : شعندك آنسة عبير
عبير : تكفين عنوده توسطي لي عند ابوي عشان يخليني اروح لعمي محمد [ ابو خالد ]
عنود : الحين انتي تشوفينها كل يوم بالمدرسه ما مليتي منها
عبير : الا مليت منها بس بكرا الخميس ماراح اشوفها
ان سلمان : والله انك متناقضه
عفاف وهي تدخل معها صحن حلى : لاتسمعك دانة والله بتطين عيشتك
وليد وهو يدخل الصاله وماسك جواله بيده : منهي الي بتطين عيشة عبير وصليلها سلامي
عفاف : اعترف من كنت تكلم
وليد : وحدة من الربعات أأأ آآ قصدي واحد من الربع
ابو سلمان وهو يظربه من كتفه على خفيف : انت اللحين متى بتعقل هاة
وايد وهو يناظر ساعتة : اممممممم بعد ثلاث ساعات وخمس واربعين دقيقة باذن الله باعقل
ام سلمان وهي تهز راسها : ماااش الولد مامنه فايدة
عبير : على طاري ما منه فايده متى بينزل ناصر للرياض
عفاف : كلمته اليوم يقول بكرا بينزل هو وعمتي وعيالها
ابو سلمان : ايه كلم علي وقالي وكلمت علي اختي وقالت لي بتنزل هي وعيلها مع ناصر … وناظر ساعته وقام وهو يقول : يالله يالوليد ما بقى شي على صلاة المغرب
………………………………………….. …………….. في احدى المستشفيات بالشرقيه
فتحت عيونها وهي تحاول تتذكر ايش اللي صارلها … وفجأه استعادة كل شي صار لها تذكر انها طلعت من بيت ابوها وركبت سيارة عماد اخوها ومعاهم فواز وكان عماد معصب بالمره وحاط حرته بالبنزين متوجه للمطار لأن كان عندهم رحله للرياض بس قدر الله واعترضتهم سياره كانت مسرعه صدمو فيها وانقلبت السياره تذكر ان فواز سحبها وطلعها من السياره وجلسها على الرصيف وحاول يطلع عماد مع بعض الرجال لاكنهم ماقدروا لان السياره منقلبه من جهة عماد سحبوة بالقوة وطلعوة لكنة فاقد وعيه وكانت تسمع صرخات فواز وهو يقول الحمدلله مامات الحمدلله ..
صحت من تفكيرها على دخول الدكتورة
الدكتورة : السلام عليكم صحيتي
حور وهي تهز راسها : ايوة ابغى ماء تكفين … مدت لها الدكتوره كاس الماء وهي تقول : وش تحسين بة الحين ؟
حور : الحمدللة مااحس بشي بس ابي اطلع اشوف اخوي ..
الدكتورة : بما انك سليمة وما فيك شي تقدرين تطلعين ..
قامت حور مو مصدقة وقالت بلهفة : بروح اشوف اخوي
الدكتورة : ممكن بس راجعيني قبل لاتطلعين من المستشفى
حور : مشكورة دكتورة .. قامت وعدلت عبايتها وطلعت وهي ماسكة دموعها راحت بسرعة للاستقبال وسالت عن اخوها قالولها انة بقسم الطوارئ راحت لقسم الطوارئ دخلت شافته مو مليان وميزت بين الوجوة الجالسة وجه فواز الي كان مسند راسه للجدار ومغمض عيونة غصب نزلت دموعها يوم شافتة تقدمت له وهي تنادية بأخفض صوت ممكن .. فتح عيونة وشافها قدامة لاكنة ماعرفها وماتأكد انها هي الي تنادي .. رفعت صوتها اكثر وهي تناظره .. رجع ناظرها ولما شاف انها تناظره عرف انها حور وقام لها .. بعد بعيد عن كراسي الانتظار وهي وراه .. وقف والتفت لها
انفجرت حور بالصياح لما شافته حست بالامان حست انها مع عماد اخوها ومن دون شعور ضمته وهي تشاهق .. نزل فواز راسه وناضرها على صدره وهو مصدوم ومتصنم .. كانت قصيره بالنسبه له بحكم انه طويل بالمره اطول من عماد .. لما صحى من صدمته ابعد عنها لكنها كانت متشبثه فيه بقوه استحى بالمره وهي مو راضيه تحس .. مسكها مع كتوفها وبعدها عنه وهو يقول بارتباك : حوووور انا فواز .. اخيرا ابعدت عنه وناضرته ببراءه وكانها توها تنتبه .. التفتت عنه وزاد صياحها من الفشيله .. ظل ينتظرها تسكت وهو لللان مستحي ولما شافها مطوله قال بتنهيده : حووور تكفين خلاص
التفتت عليه وهي تصيح : الله يخليك ابي اشوف عماد
فواز بألم : ان شاء الله بس بعد اربع وعشرين ساعه
حور بخوف : ليش شفيه لاتخبي عني شي
فواز بسرعه : مافيه شيء بس …. رجوله تعبانه وووو ……. واحتمال ….. احتمال يمشي على عكاز لفتره وجيزه لان رجله اليمين اعصابها تعبانه شوي
حور بصدمه : ايش … يمشي على عكاز … ناظرته وعيونها حمرا من كثر الصياح …. فواز تتكلم عن جد
فواز : ايوه بس فتره بسيطه مع التدريبات وانشاءالله يرجع مثل اول
تنهدت حور براحه : طيب مدامه بخير ليش ما يطلعونه
فواز : ينتضرونه يصحى
حور : طيب ابي اشوفه تكفى
فواز : ممنوع ندخل عليه الحين عشان مانتعبه
تنفست حوربراحه وهي تتهاوى على الارض من التعب
………………………………………….. ………..
في بيت ابوسلمان
طلعت عفاف من مجلس الرجال بعد مانظفته وشافت بوجهها سعود : هلا عفاف خلصتي من المجلس
عفاف :ايوه خلصت بس تعال للمطبخ عشان تاخذ القهوه
راحت للمطبخ مع سعود ولما دخلت شافت امها تهاوش عبير الي كانت جالسه فوق الطاوله تاكل اندومي والعنود الي جالسه على عربيتها تضحك وتعلق عبير لما شافت سعود داخل :هلااااا والله باخوي من الرضاع كيف الحال
سعود وهو يسلم على امه : يمه تكفين سكتي المخلوقه هذي كل مادخلت عادت علي هالاسطوانه
ام سلمان : اصبر علي انت وانا بطلع كل حرتي فيها
عبير : يمممممه تكفين ياخي خلوني اتمتع بحياتي قبل مايجي الزوج المجهول ويعقدني
سعود وهو ياخذ الدلال من امه : اقول بس الحقيني بالدلال
الباقي بسرعه قبل مايجون الضيوف
عبير :يالله هذاي جايه
عفاف : سعود وين خالتي ودانه قالتلي انها بتجي
سعود : امي شوي وتجي مع سلمان ودانه تقول ابذاكر واجي مع ماجد ……..
جهز سعود الدلال بالمجلس وراح يقلط الرجال لما سمع اصواتهم عند الباب ………………………………………….. ………..
في بيت ابوخالد :
دانه وهي تصارخ : مااااااااجد تعال شف راكان وريان ازعجونيييييي
دخل ماجد للغرفه وفوطته فوق راسه وشعره رطب وقال بحده :راكان ريان على غرفكم يلله
تناقزوا راكان وريان من الخوف وهم يقولون بصوت عالي متعمد :راكان : ريان انا الصراحه اخوك هذا مااطيقه اذا عصب
ريان :ياخي ماادري شلون يطلع هالصوت الي يخلي الواحد ينسى اسمه من الخوف
ماجد وصوته ماتغير : تجهزوا بسرعه والا مشيت وخليتكم دانه بضحكه: انا صح ناديتك بس مو تخوفهم كذا
ماجد وهويطلع : ماخربهم الادلعك الزايد اخلصي بسرعه ماباقي شي على اذان العشاء
قامت دانه بسرعه وطلعتلها تنوره جنز فاتحه وبلوزه مخلوطه الوانهابين الاسود والفوشي والموف ولبستها على السريع وناضرت شعرها الرطب مايمديها تستشوره سحبت علبه الجل الي فوق التسريحه وجعدت شعرها على السريع ورفعته كله بشكل حلو وطلعت خصلتين من قدام واستشورت قصتها وثبتتها بشكل مايل سحبت الكحل وكحلت عيونها وزينت شفايفها بقلوس فوشي سحبت عطرها وبخت بختين
وحطته بشنطتها الملونه وحطت بعض اغراضها الي تحتاجها وجوالها وعبايتها وطلعت بعد ما سكرت النور
نزلت تحت وشافت الثنائي جاهزين ومطقمين اللبس برمودا رمادي وبلوزه حمرا فيها كتابات ملونه وكابات رماديه
دانه : ماشاءالله بهالسرعه جهزتوا
راكان بنذاله :ايه اصلا الاخ متلبس ومتكشخ يبي يشوف حبيبه القلب
ريان : والاخ وشوله متلبس مثلي مو عشان تشوف حبيبه قلبك
دانه : اقول ياللي ماتستحون وين ماجد مانزل
ماجد وهو ينزل : هذاني نزلت بس وش رايكم ننتضر شوي لين بعد الصلاة دانة وهي تناضر ساعتها : وليش ننتضر باقي نص ساعه على الصلاة
ماجد : سلمان دق علي يبي يروح للمستشفى مع زوجته ويبي يجيب ميس وميسم عندي مستعجل ومايبي يطق مشوار لبيت عمي قلتله يجيبهم عندي
دانه : ليه عسى ماشر وش فيها اسماء (زوجة سلمان )
ماجد : مافيها الاالعافيه بس عندها موعد
دانه : اشوى خوفتني .. وقبل ما تكمل كلامها رن الجرس
تناقزوا راكان وريان وراحوا يفتحون الباب ورجعوا بثواني ومعهم التوام وماامداهم يدخلون الا جوال ماجد يدق
ماجد : هلاااا والله …. ايه هذاهم عندي …. افا عليك ازهلها …. عند ابوهن الثاني هن …. هههههههه …. خذ راحتك بس مو بالمره …. انت الحمار ….زين الله يحفضك …… سكر ماجد والتفت لميس وميسم وهو يفتح يدينه : هلااا والله بالحلوات ..
ميس وميسم : هلاااااا عمو ماجد .. شالهم ماجد مع بعض وهو يقول : لاااا المفروض ازعل عليكم ليه لا قلت لبابا يجيبكم تعيون
ميس وهي تبوسه مع خده : خلاااااص عطيتك بوسه لاتزعل
ماجد وهو يبوسها : خلاص رضيت بس باقي ميسم
دانه : عاد ميسم تستحي مافيه امل تبوسك
ماجد وهويتحاشى يناضرلها :لااصلا ميسم تحب عمو ماجد صح
هزت ميسم راسها وهي تبوسه على استحياء
دانه : طيب شرايكم تجون معي للمطبخ ناكل آي سكريم
راح الكل للمطبخ وجلسوا على الكراسي الا ميس وميسم جلسوا على الطاوله عند دانه ..
ميس وهي تسحب علبه الكبريت الي كانت فوق المكرويف : دانه هذا كبريت ؟
دانه وهي تطلع الآي سكريم من الثلاجه : ايوه حبيبتي بس ما يصلح يلمسونه الصغار لانه خطير
ميسم بفضول : شلون يطلع نار ؟
اخذت دانه الكبريت وشبته قدام عيون ميس وميسم : شفتي شلون نطلع نار عشان كذا اقول انه خطير
راكان بملل : فكينا من محاضراتك وجيبي الآي سكريم
ريان : اصلا شكلها ماتبي تجيبه عشان كذا قاعده تتفلسف
على البزران الي مايدرون وش السالفه
دانه : خلاص جبته بسم الله اكلتوني
اكلوا وخلصوا وبعدها قامت ميس وهمست باذن ماجد شي وبعدها ضرب ماجد جبهته بتذكر : اووووه نسيت يالله معي اوريكم .. راحوا ماجد ودانه وميس وميسم للمرسم ودخلوا بعد مافتحوا اللمبات
ماجد وهو يكلم ميسم : بروح اجيب قلام الفحم واجي عشان ارسم عندك خلاص
هزوا روسهم فكمل وهو يكلم دانه : دانه تكفين انتبهي لهم لا يحوسون .. هزت دانه راسها وهي تكلم عبير الي كانت تهاوشها ليش ماجت طلع ماجد وانشغلت دانه بمكالمتها بينما راحت ميس لاحد الزوايا وهي تاشر لاختها عشان تجي .. جت لمها ووقفت عندها فطلعت ميس شي من جيبها ولوحت به قدام ميسم
ميسم بشهقه : كبريت ؟
ميس : ايووه .. تبغين نجربه
ميسم : لاااااا انا اخاف
ميس : لا عادي بس اشبها وبعدين اطيفها
ميسم بعد ما جازت لها الفكره : خلاااص بس بسرعه قبل مايجي عمو ماجد
ميس وهي تشبه بالطريقه الي حفضتها من دانه ولع عود الكبريت الصغير فرمته ميس على الارض باهمال وطلعت ثاني وشبته ورمته على الارض باهمال وطلعت ثاني وثالث وهي ماتدري عن النار الي بطرف القماش الي يغطى به اللوحات .. سكرت دانه وهي تضحك من هبال بنت عمها .. شدتها رائحه غريبه عقدت حواجبها وهي تكلم نفسها : اش هالريحه كانها ريحه حريقه ..قطع كلامها دخول ماجد وهو ماسك كراسه كبيره ومجموعه قلام وقال باستغراب : دانه وش هالريحه .. رمت ميس الكبريت باهمال على الارض وركضت لماجد هي وميسم : ماجد انت جيت
التفت ماجد لجهتها وشهق بقوه من الي شافه وتبعتها صرخه دانه : ماااااااجد حرييييييييييييييييييييييق يممممممممممممااااااااااااااااااااااااااااااااااااا اااااااااااااه .. تبع صراخ دانه صراخ ميس وميسم : مممممممماااااااااااااااااااااااااااااااااااااااااا اااااااااااااااااااااااااااماااااااااااااااااااااا اااااااااااااااااااااااااااااااااااااااااااااااااا اااااااااااااااااااماممممممممممممممممممممممممممممم اااااااااااااااااااااااااااااااااااااااااااااااااا اااااااااااااااااماااااااااااااااااااااااااامااااا ااااااااااااااااااااااا
صحى ماجد من صمته وصرخ بقوه : اططططططلعووووااااااااااااااااااااااااااااااااااااا اااااااااااااااااااااااا بسرععععععععععععععععععععععععععععععه اططططططططططططططططططططططططللللللللعوااااااااااااااا ااااااااااااااااااااااااااااااااا اطلعواااااااااااااااااااااااااااااااااااااااااا
ركض بسرعه ودف دانه بقوه وصرخ : اطططططططططططططططططططططططططططللللعييييييييييييييييي يييييييييييييييييييييييييييييييي يااااااحماااااااراااااه اطططططططططططططططططططططططططلعيييييييييييييييييييييي يييييييييييييييييييييييييييييييييييييي مسك ميس وميسم وسحبهم وهو يشوف النار تكبر وتكبروتكبر ركض للباب وصراخ ميس وميسم يصم اذانه وشاف قدامه راكان وريان واقفين على الباب زادت عصبيته اكثر وعيونه دمعت من الدخان المنتشر بكل مكان .. طاحت ميسم من يده وماشالها دف راكان وريان عن الباب وطاحوا على الارض من دفته وهم يصيحون ركض بميس لابعد مكان عن الملحق وراكان وريان يلحقونه رمى ميس على الارض ورجع باقصى سرعته للملحق وقف عند الباب بكل خوف واطرافه متخدره .. حبيبته دانه واقفه وتصارخ وتصيح .. بنت صديقه واخوه الي بحسبت بنته طايحه على الارض ومغمي عليها .. لوحاته الغاليه على قلبه .. والنار كل شوي وتتزايد .. والدخان حجب الرؤيه .. ركض بسرعه وشال دانه بكل يدينه وهو يشوف عيونها الحمر من الدخان وكحاتها نزلها عند الباب وقالها وهو يدفها بقوه وصراخ : روحي هناك بسرعه ورجع بسرعه بيجي ميسم الي كانت قريبه من الباب لكن مسكته يدين دانه التفت لها بقوه وهي تقول بصياح : وقققففففففففففف لاترووووووووووووووووووووح ابيك لا ترووووووح
ماجد بصراخ : اببببعديييييييييييييييييييييي
دانه : لاااااااااااااااااااااااااالاااااااااااااااااااااا اااااااااااااا
ماجد من دون شعور عطاها كف خلاها تطيح بالارض : اقووولككككك روحي ههنننناااااااااااااااااااااااااااااااااااااااااااا ااك
ورجع بسرعه وشال ميسم المغمي عليها وطلع قابله راكان عند الباب عطاه ميسم : ودها هناك بسرعه .. رجع ماجد ودخل وتوجه لاحدى الزوايا الي يعرفها زين سحب القماش المحترق نصه والنار تحاوطه من كل مكان لكن قابلته موجة دخان قويه خلته يطيح على الارض تاوه بقوه وهو خلاص مو قادريشوف قام وجلس على ركبتيه وهو يكتم انفاسه عشان ما يستنشق الدخان اطلق آهه قويه بعد ما احترق بنطلونه لين ركبته لانه جلس على خشبه محترقه نقز من دون وعيه والعرق يتصبب وسحب اللوحتين اللي قدامه ورجع بيطلع وهو يكتم صرخاته من الم رجله تقدم بيطلع وشاف راكان ودانه ينادون عليه عند الباب راح لهم بسرعه وطلع التفت وشاف ان النار بتطلع من الملحق مسك دانه وراكان من يديهم وسحبهم لاخر الحوش وبنص الطريق طاحن اللوحتين الي كانن معه دف راكان ودانه : روحوا بسرعه .. ورجع اخذ اللوحتين ورجع مره ثانيه وصل لاخر الحوش وهو يتنفس بقوه وصل لاخوانه وجلس على ركبتيه وسحب ميسم الملقاة على الارض حط راسه عند قلبها الحمدلله فيه نبض عدل راسها ورفع ذقنها للاعلى وبدا يسويلها تنفس صناعي راحت ثلاث دقائق وهي لسى ماصحت رفع ماجد راسه للاعلى وتنفس بقوه هو بدا يحس ان التنفس صار معدوم عنده ومايبي يغيب عن الوعي الا لما تصحى رجع مره ثانيه يسويلها تنفس وراحت خمس دقائق بعدها سمع صوت سلمان اخوه وسلمان ولد عمه ومحمد ولما حس بانفاس ميسم من انفها اسودت الدنيا بعينه
………………………………………….. ……………..
في احدى الفنادق بالرياض
كانت حور جالسه عند عماد بعد ما فرشتله فراش وجلس عليه بعد ماطلع متروش
عماد : آآآآه واخيرا طلعت من المستشفى اعوذ بالله انواع واشكال ضيقه الصدر
حور : الحمدلله الي طلعك منها سالم
عماد : الحمدلله بس انتي ليش ما تروحين للغرفه الثانيه قبل ما يجي فواز لانه ممكن يدخل باي لحضه
حور وهي تقوم لانها تعرف انه يبي يجلس لوحده : طيب عماد بس ودي اقولك شي ؟؟؟؟؟؟؟؟؟؟؟؟؟؟؟؟؟؟
عماد بابتسامه : قولي مع اني حاس باللي راح تقولينه
حور : اممممممممممم متى راح نروح لأمي
عماد : ان شاء الله بعد ما اخف شوي يعني بكرا او بعده
حور بشوق : ياسلاااااااااااااااااااااااااااااااااااااااااااام والله اني مشتاقه لها بقووووه .. ونزلت دموعها .. عماد هي تدري اننا جينا للرياض
عماد : لا ماتدري كنت بسويها مفاجئه
حور: طيب ودي اكلمها ؟
حور : زين خوذي الجوال شوفيه فوق الطاوله
اخذت حور الجوال وراحت تكلم وعماد ماصدق تطلع الا واطلق دموعه المحبوسه مشتاق وخايف ان امه تقول لحور انه مايكلمها
عماد في نفسه : آآآه ياامي عارف اني مقصر لي يمكن شهر ماكلمتك بس ارسل لك رسايل اقول فيها اننا بخير خايف اني اكلمك وانفجر لما اسمع صوتك واقولك كل شي وبعدين يضيق صدرك حتى حور حارمك منها خايف تزل وتقولك شي والمشكله انك حالفه وابوي حالف انك ماتطبين بيتنا حتى الزيارات لي 13 سنه ماشفتك انا وحور وما زرتك الا مره وحده بالرياض لما كان عمري 22 كنا دايم نتمنى نجيك لكن حتى السياره ماكانت عندي الا من ثلاث سنوات بس وابوي دايم يمنعنا من شوفتك بعد ماتعدل وضنينا انه ترك المخدرات وخرابيطه لكن تفاجئنا بالسنه هذي ان حاله تردى اكثر وماعمره دخل الا وهو سكران لين هذاك اليوم الي ماتمنيت يجي ابد لما حاول ابوي الزفت انه يعتدي على حور
والحمدلله جينا للرياض لكن حصل الحادث وكن الدنيا تختبر صبرنا وشوقنا لك يمه …………. مسح دموعه لما سمع صوت فواز ينادي : يااااااااولد ياااااااولد
عماد : تعال فواز مافيه احد …….. دخل فواز ومعه اكياس عشاء من المطعم حطهم عند الباب من الخارج ودخل لعماد ………………………………………….. ……………..
اما عند حور .. دقت على رقم جوال امها وجاها الصوت الي تبغضه .. طووووط .. طوووووط .. طووووط
…… : نعم
حور بصوت تغطيه العبرات : ههـ .. هلااا يممممه
ام حور بلهفه : هلا ااا انتي حور
حور بشهاق : ايه يمه انا حور يمممه انا ابيك
ام حور وهي تصيح : هلا بنيتي هلااااا والله هلاااااا وينكم يمه عني ليش ما تكلموني
حور وهي تصيح :اعذرينا يمه مقصرين بس والله اشتقنا لك
ام حور : شلونك يابنيتي شخبارك وشلون عماد عساكم مرتاحين وينكم ليش ما تزوروني يابنيتي
حور : يمه حنا مرتاحين بس والله فاقدينك ان شاء الله قريب بنزورك
ام حور وهي تشاهق : متى اشوفكم والله مو قادره اصبر
حور وهي مو احسن حال من امها : ان شاء الله قريب يمه بس انا ابيييييييك محتااااااجتلكـــــ وسكت فتره وهي تشاهق هي وامها مو قادره تتكلم
ام حور : آآآآآه يابنيتي والله اني مشتاقه لكم
حور : ححـ … حتى اننا ….. يممممه
ام حور : يابنيــ ….. طووووط .. طووووط .. طووووط ..
انقطــــــــــــــــــــــــــع الــــــــــــــــــــــــخـــــــــــــــــــــطـ ـ
………………………………………….. ……………..
في احدى المستشفيات الكبيره بالرياض ……
فتح عيونه بتعب وهو يحاول يتذكر الي صارله سمع صوت امه تناديه : ياوليدي انت صحيت
ماجد بحنيه وهو يناضر امه الي تصيح : ايه يمه الله يخليك لي بس ابغى مويه
مدت له الكاس وهي تقول بعبرتها : عسى الي فيك بعدوينك تحس بشي ياوليدي ؟
ماجد وهو يتجاهل آلام رجله : لا يمه الحمد لله مرتاح بس وين اخواني عنك ليش جالسه بلحالك ؟
ام ماجد : ابوك وسعود وسلمان ولد عمك عند الدكتور يسألونه وسلمان ومحمد راحوا يجيبون اخوانك
ماجد بيلطف الجو : وسلمان ومحمد حتى بالمشاوير مع بعض ماشـ … قال بخوف : يمه دانه وميس وميسم وينهم وش صار عليهم وش صار على الملحق
ام خالد : اهدى اهدى يا وليدي ماصار عليهم شي كلهم بخير وهالحين بيجون وتشوفهم .. وقبل ماتكمل كلامها انفتح الباب ودخل منه سلمان ومحمد ودانه والتوأم تقدمت دانه اول وحده وهي تصيح وراحت تسلم عليه
راحت دانه وهي تضمه: الحمد الله على سلامتك ياقلبي
وش اخبارك الحين ؟؟ خوفتني عليك ياخوي
ماجد بابتسامه صفرا من الم رجله: الحمد الله بخير ماتشوفيني مافيني شي
بعدها سلمو عليه اخوانه ، ودخل عليه ابوه وسعود وسلمان بعد ما تنحنح وسلمو عليه وتحمدوله بالسلامه ………
مر يومين وطلع ماجد من المستشفى واجتمع الكل