عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلام عليكم ورحمة لله وبركاته
صباحكم جوري
احم احم
<<<<من زمان ماكتبت موضوع خخخ
😎
المهم يابنات
الكتاب واضح من عنوانه
الكل يفيدنا بتجربته مع تمريخ
طبعا لما بغيت اروح امرخ
لازم اقرا واشوف تجارب اللى مروا فيها البنات وطبعا مالقيت شي مذكور هنا بمنتدى
دورت بمنتديات ثانية
فحبيت نسفيد ونفيد الباقين
لاني بجد تلعوزت يالله لقيت ممرخة
وحنا هنا كلنا مثل الاخوات نستفيد من بعض
كل وحده لاهنتوا تدخل تقول تجربتها وين ساكنه وايش اسم الممرخه وشو قالتها ايش الادوية تكلفه كم
والارقام نتداولها برسايل الخاصه
طبعا ببدا بتجربتي
يوم الخميس اللى فات رحت للمرخه طبعا دورت عنها بالنت
وكذا وحده اكلمها واصكه <<<صوتها مايريحني والا احسها مادية
واخيرن صفيت ع وحده كبيرة بالسن لاني حسيت فيها صادقة
طبعا اسمها ام طارق بدمام بحي الجلوية
اليوم الاول بمية ريال
وسعر الدواء اللى تعطيك اياه بمية ريال
يعني اول يوم تدفعي ميتين ريال
ويوم الثاني مية ريال والثالث مية ريال
الاجمالي: 400
<<<< صدقت نفسي بقوة
طبعا مارحت الا اليوم الاول لانه سيارة ماتوفرت لي
<<<<<كان ابو شباب مشغول
طبعا مااخفي عليكم رحت وانا قارية الاذكار<<اول مرة ادخل بيت مااعرفه
<<<<تمنيت احد معي 😆 🙂
المهم
طريقة اللى اتبعتها معي
اسدحتني
<<<ماافي اسلوب ابدن خخخخ
واول شي بدت بظهري وسالت يوجعك ظهرك طبعا رديت وقلت ايه
<<<وانا اموت من الالم اللى بظهري
المهم سوت لي كاسات هوا تبدا فيك من اسفل الا اعلى وكان يريح مو مؤلم
واول مامسكت ظهري قالت شكله يوجعك مرة
وبعدين تجيك من عند البطن
وهنيا الالم اللى مو بصاحي
واول ماشافت بطني قالتي تفخه اللى في بطنك كلها هوا
وتحملي الالم
وحطيت ايدها بسره قالت مبياضيك زينة والله الحمد<<<طبعا انا ريحه المسشتفى وادري بهالشي
بس ابي اشوفها تعرف والا لاء
المهم
وقالت فيك قطع دم داخل
يعني سدد
<<<<<وهذا اللى كنت خايفة منه
وطبعا قالتيلي بينزل عليك اشياء
وانا ماغير كذا وجهي
وعطيتي دواء اشربه مع حليب
وبما اني رايحه لها صبح يوم رجعت تروشت عقب دهن اللى مولصتني فيه
<<<<خخخخخ
واشربه مع حليب
والله لايواريكم
كلها ساعتين واستفرغ وانتوا بكرامه
طبعا حزتها كنت عند اهلي
والله لايواريكم تعلقيات اخواني
نقول مبروك كتومة حامل
يعني خلاص بنصير خوال
وانا ما غير
😉
<<<<افقعوا مرارتي
وطبعا ماصبرت وادق عليه دواك مو زين ودواك خلاني استفرغ وانتوا بكرامة
قالتلي اشربيه مع عصير
وعطتيني بخور ابخر فيه من تحت
وعطتني تحاميل تنظف الرحم
طبعا اول يوم اللى تمرخت فيه بغيت اموت من الالم
وسبب قطع الدم اللة موجودة والله لايواريكم نزل علي شي اسود
<<<ادري قرف
بس ابدن ماتوقعت كذا
خلاصة الموضوع
يابنات وقت دورة البسوا سروال طويل شورت
اي شي مو بس سروال الداخل وتمشون ترى الهواء يدخل
انتبهوا لما تدخلون الحمام تكرمون
سكروا شفاط
وطبعا الايام اللى فاتت كان الرطوبة افتح المكيف وادخل اتروش وهذا اللى زاد طين بله اطلع من الحمام تكرمون الغرفة جامدة
ولاتبدلون ملابسكم والمكيف قدامكم
وحتى وقت احم احم انتي ويا زوجك
ارفعي المكيف والا سكريه
لانه بجد يدخل هوا
يبنات انتبهوا انا ببداية زواجي كنت اهتم بهالسوالف
وبعدها طنشت وهذي نتيجه دخل هوا فيني
لاتستهينوا في هالشي
ويارب ويارب ويارب
ترزقنا الذرية صالحه اللى تسعدنا
وتنبيه
توني اتذكره واكتبه
بنات هالله هالله بصلاة الوتر
قومي قبل الفجر بربع ساعه وصلي شفع والوتر
وقولي دعا بخشوع وابدي فيه سبحان الله والحمدالله الااله الا الله والله اكبر
وعقب صلاة استغفري الي وقت أذان الفجر
وربي تحسين براحه
وحتى بصلوات العادية ادعي وانتي ساجده يارب لاتذرني فردا وانت خير الوارثين
ويارب تيسر لنا
ويالله الكل يدخل ويقول تجربته مع تمريخ
احوبكم كلكم
