عالم البنات النسائي كل ما يخص المرأة العربية من ازياء وجمال والحياة الزوجية والمطبخ
~ الحفلة ~
~ ~ ~ ~ ~
اليوم عيدي .. وكل ٍ جاني اْ يهنـِّي
قالوا كبرتي .. و انا ابكــي كنني طفله
فتــَّحت كل الهـــدايا ( كن بي جنـّي !)
كنت احسِـب انك فـأحَدَها حاضر الحفله
متعشمه فالزمان .. وخاب به ظنــّي
قايل لي انــك معه يوم اني اوصف له
وادري أنـــا مانقصني شي… لكنـــّي
اشوف كلــّش لو انـّه ناقص .. أصرف له
لوما وجودك بقلبي .. مأنكـتـب فنــِّـي
حبي لك .. اكمـَل قصيده مالها قفلــه
وإن شفت فالدرب صاحي .. فإنشده عنــِّي
بيقول لك كم متيــّـم عفت لأوقف له
ودِّي اطفــّي معَك شمعي وانا اغـنـّي
وافاجئك بالقصيده ذي عــلـى غفله
وابتـل اراضيك .. ثم ّ ازعلـّك منــِّي
هذا مزاجي .. واخبَرك عاد تعرف له
اليوم ماهوب ( عام ٍ ) يحسَب فـ سنــّي
وش عيد ميلادي اللي الناس تهتف له ؟
عيدي الحقيقي .. يجي لاجيت تحضنــِّي
وفي كل ( لحظه ) تمرّ ؟؟.. اْ نحط له حفله
~ يمكن أرضى ~
~ ~ ~ ~ ~
يعني من جـِدك تفكِّر عنـْـك تكـفيني قصيده ؟
لا زعلت ارجع لها وارضى وانا كلي عتاب ؟؟
وإلا يعني ذي جزات القلب يوم اعطاك قيده
يومني مأخترت غيرك إنت من بـِّـد الشباب …؟
لا !
.
.
.
لا
.
.
.
لا ورب الخلْـق مأركع لأي عبد ٍ من عبيده
لا ورب الخلق وش لي بالمهـانه والعذاب ؟؟
دام راس العزّ راسي والطريق أمشيه ( سِِـيده )
لا الدروب العوج تعنيـني ولا هي لـي مآب
وما يضر الدمع عيني لا مسح حزني بإيده
لو تقـفــّل باب واحد ينفتح لي ألف باب
إسأل اللي يعْـرفوني .. ليـّـنه لكن شديده
وإن تحيـّرت ْ بطباعي ؟ دوك من عندي جواب :-
ما قهرت ْ بـإبتسامي غير فجر ٍ يوم عيده
واللي اهدي له خفوقي .. جاه من ربي ثواب
الله اللي جامع ٍ بي كــل ميــزات ٍ فريده
ومالقيت / إن كان طيبي / يستحق إنـِّه يُـعاب
وأدري إن الورد فتنة / كل من شمّـه يريده
ما تشوف العطر / توّه فـالمَهـَد / لابس حجاب !!
ولـَـنت مرضيني ولو خـلَّدْت حبي في قصيده
بس يمكن / يممممكن ارضى..في مسا ( كتـْب الكتاب )
~ غناء فيروز ~
~ ~ ~ ~ ~
أحبه حب لـو يدري حبيبي وش كثر حبّه؟
ذرَف ملح البحر واخمد عيون الشمس (منشاني!)
تذوب الأرض لو ذاقت لــهـب أشواق مشتبـّه
أخــاف يذوقها .. و ابلش ببرد ٍ مــا تـعـداني
يضحّكـني شعوري …لا لـمـحته صرت مختبـّه ..
وانا اللي هالقصايد مـا خـَـطـَت (في قوّة لساني)؟!!
أجـوع (برغبـتي) .. إلا إذا بآكـل و أشرب بـه ؟
و اكـفـّن هيكلي و الروح فيني (لـو تحداني) !
ابن سينا و من مثله يمـوت وما وصل طبّه
بــه التريـاق كان انـّه بـ وسـط القلب خلاني
و كان الزين فـا لآلآف مـا يوجـد سـوى حَـبّه؟؟
حبيـبي مـا انوجد منـّه و لا في كوكب ٍ ثاني
من اوّل كنت احب اسمع “غنا فيروز ” واطرب به
و اثر كلمة ” هلا ” منــّه تغـربـل كل ألحاني
حرام اقضي سنيني بسْ عـلى آمال منصبـّه
وانا اشوف المنايا تستبق مـع أمسي الدّاني
سهرت الليل و عيـوني تنـاجي ربي و ربّـه
( ألا يا رب وفــّـق من سهر ويّـاي وحداني )
وفجأه..بينما كنت الْـتِهي في شَعريَ ألعب به
مسكني ( دون مأشعر به ) خيال ٍ له و حاكاني :-
همس لي : عاشقك عندك ألا يا سـالبـه لبّــه
قهرني! كلما حاولت احبه … صـار يهواني !!!
حبيبي إسقني حبك بـ دلة شـوق لـي صبـّـه
ترى من شِح فنجالـك كفاني كل مــا جاني
ولا يشغل ظنونك ناس قالوا (ليش تعجب به؟)
بأجاوبهم (لعل الله “لحكـمة”.. حَـب… يبلاني!)
واذا هم مدّحوني في حضـورك ؟؟ قلـت ذي سبّه
قفلت حصوني لغيرك و لك كسّرت بيباني
حبيبي لا نشـف نهري بـ عـذب مياهكـم عبّه
اخاف ارويه بدمـوعي و يمحي ملـحـي الواني
حبيبي لابغيت أبكي و شفت الدمع بي ..كبّه
بحور الدمع ما تنضب سوى في صدرك الحاني
والا منـّا تفارقـنا … أمــانه … هالحـزن خبــّه
انا مالي عذر لكن………..بـ اعلل طيـش قيفاني
~ بلاد العشق ~
~ ~ ~ ~ ~
انا لو بسّ / أدري عن بلاد العشق هذي وين ؟
جَحَـدت ام السعوديه واهلها بس ّ لعيونه !
مشطـْـت الأرض طول بعرض لي فوق الثمان سنين
وانا اسابق رجولي خــــايفه قبــلي يلاقــونه
شطب قلبي عباد الله .. ْو تحته خـَـط ّ له خطين
ولو طاوعت (عقلي) كان مبطي عشت (مجنونه)
أجيله بس أبي نظره../..وأرجع ما فوجهي عين
يجيلي مايبي غيري../..ويرجع.. بسّ من دونه !!
حبيبي لا مشى / جفنه تمّــنى لوهو الرجليـن
حبيبي لا بكى / رجله تـمّـنت لوهي اْ جفونه
حبيبي لاابتسم ينزاح همّ العـــاجز المسكين
وتـتـنهـّد صدور(الصُّـم) لا سولـف على هونه
ثلاث اربـــاعه الطيبه وربعه راح للباقـيـن
ولو ردّوا ثمان اضعاف طيبه ما يجازونه
ولا كامل سوى الله ../ مير عيبه كامل ٍ بالزين
وله حق اْيتـِكـــــامل دام مثـلي فيه مفتونه
ولا أكثر من اللي يعشقوني / مير هم دارين
أقص لسانهم واقطع يميني قبـْـل ما اخونه
نعيش و روحنا وحده /… و بادلنا القلوب اثنين
لجل كل ٍ ينـشـِّـد صاحبه – عن نفسه – اْشلونه
توادعنا عشيــّة سبت .. ْو موعــدنا مسا الاثنين
و همّي صار(شـَـعري) ياترى هو يعجبه لونه …؟!
أنقـّي في ثيابي../..لاااا لا َ غيره../..لاااا لا َ هذا شين
يا ربي .. وين ابلقى شيّ ٍ احلى منــََّـه فـ كونه ؟!
وأبي أحلى مكان ٍ للقا .. بسْ مــا هقيـــته بيـــن
دبي .. فينيسيا .. باريس .. روما .. كان .. لشبونه…
…حدائق بابل .. اللوفر .. ضفاف النيل .. سور الصيـن
قصور الأندلس .. شاطئ ميامي … كلللـهم دونــه …!
ولا به موضع ٍ يسوى مقامـــه بين هــالأدنـيــن
( فقط لا غير) جنـــات النعيم اْتـلـيــق بـعـيــونه
~~~~~~~
~ صح النوم ~
~ ~ ~ ~ ~
جلست البارحه والفكـْر حالف ما يجيني نوم
أبي أكتب قصيده .. بس وين ألقى اللي تشبهلك ؟
ومن باب المسا طلـّت عيونك .. حفلتين ْا نجوم
وشفت مراية ٍ وسْـط السما في وسْـطها مثلك
أقول النور؟ يمكن .. بسّ فرق النور فيـك يدوم
وحللت الصَعَب من يوم حاولت أكتب ْافسهلك
توكلت ودعيت الله وكيلك دعــوة المظلوم
وخفت ادعي عليك .. وصارت الدعوة على أهلك !!
عرفتك يوم ..وعـْـشقتك قبل عامين من هاليوم
واظنك همت فيني طول عمرك وانت في جهلك !!
الا من شفتني زعلانة ٍ متشــرهّه بالكوووووووم
فلا تشره عليّ .. إلا تشرّه بسْ على وصـلك
يموت الشيخ ما يوصل مكانك وان علا فالقوم
وباقي الناس تعلا لو توصـّل ما وطت رجلك
قصيدي حين يقعد لك.. وحين ٍ يرتبك ويقوم
إلى من حسّ بقدومك.. بأقل ..شوي.. من مهلك
أحبك وان غدى حلمي قصيده ..قلت.. صحّ النوم
يـقوم الحلم عمره ما يلاقي شيّ يشبــهـلك ؟!
وللقصائـــــــد بقيـــــــــــة
