عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الخير ياحلواااااااااااات
انا بصراحه مليت من الخلطات وكثرتها في المنتدى
وكل الردود تكون استفسارات حتى عن اصغر الحاجات
يعني واضح من ردود البنات انهم راح يجربوا الخلطه
وبعدين يختفوا وترجع الخلطه للصفحات الاخيره
وماشفنا وحده قالت انا جربتها وفادتني
او انا جربتها ومااستفدت منها
عشان الواحد يعرف شو يستخدم مو خسارة فلوس وتضييع وقت على الفاضي
انا مانكر انه في بنات يجربوا خلطات من المنتدى وينزلوا تجاربهم
بس هذا طبعا مره قليل ونــــــــــــــــــــــــــــــادر
عشان كذا ياحلوات انا شريت مكونات لكم خلطه دخلت مزاجي
والحين راح ابدأ بعون الله اجربهم على نفسي
واخبركم بالنتايج سواء كانت مرضيه ولا فاااااااااشله
وابغى منكم التشجيع عشان اتحمس
وكمان اي وحده تدخل على الموضوع ترفعه عشان مايضيع علينا خخخخخ
المهم نجي للخلطات
خلطه للمنطقه الحساسه
انا اشتريت الدوكوين فورت وديبرو ساليك
وخلطهم مع بعض وبديت استخدمهم لي بالضبط 3 ايام
والطريقه اني احط الخلطه على المنطقه قبل ماانام
ولما اصحى اغسلها كويس بصابونة بيزلين المبيضه
وقبل مااحط الخلطه امسح المنطقه باسكنول ليمون
واغسله بعدين احط الخلطه
خلطة للتشققات
شريت زبدة كاكو وجلوسوليد وجلسرين سائل
طبعا هذي خلطة وحده من الاخوات معانا في المنتدى
خلطت من الزبده 4 ملاعق ومن الجلوسوليد 4 ملاعق
والجلسرين السائل كثرت منه عشان الخلطه ماتطلع ثقيله
وبديت استخدمها برضوا من 3 ايام
وعلى فكره الاخت صاحبة الخلطه قالت على نوع معين من زبدة الكاكو
اللي هو كوكو كير بس انا ماحصلته وشريت زبدة بالمرز
طبعا احط الخلطه قبل ماانام وادهنها كويس عشان يمتصها الجسم
ولما اصحى مااغسلها ولا شي
بس قبل مااحطها اغسل المنطقه بمويه دافيه عشان افتح المسامات
خلطة لتفتيح الركب والاكواع
انا يابنات عندي مشكله محد عند مثلها……… اتحدى
وحده من ركبي في لون جسمي والثانيه غامقه شوي
خخخخخخخخخخ….. حشا مو بني ادم
المهم شريت جلسرين سائل وليمون
وخلطت تقريبا 4 ملاعق كبار من الجلسرين السائل
وعصرت عليهم نص ليمونه
وحطيتهم بالثلاجه
وهالخلطه استخدمها مرتين في اليوم
وبرضوا بديت فيها من 3 ايام
وبس يابنات
هذا اللي راح اجربه ولمدة شهر بالتمام والكمال
عدى من الشهر 3 ايام باقي 27 يوووووم
وراح استمر لاني من النوع اللي اذا حطيت شي براسي لازم اسويه
وراح اخبركم عن النتايج اول باول
في هذا الملف
وادعوووووووولي
تشااااو
