ملكتي طلعت جوناااان وكله بفضل الله ثم بفضل أحلى فراشات- تعالو احكيكم

تعالو وهات الشاي والقهوه واحكيكم ايش سار بملكتي وكيف انتهيت بحمد الله في فتره قياسيه وتوفقت… 😥
اول شي قولو ماشاء الله وادعولي ان ربي يبارك لي انا وزوجي… 😡

تجهيزاتي كانت كالتالي:
– الفستان- كان لونه وردي فاتح مع ذهبي فاتح وفصوص كريستالات سوارفسكي.. نزلت موديله قبل كذا بمواضيعي السابقه… كان منفوووش ومعاه جاكيت حركته رهيبه واقف احلى من السواريه طلع مميز وغريب وموديله يشبه فساتين ديمتريوس.. سويته عند مصمم صيني وبصراحه ابداع.. الفستان الكل مدحه وعجبهم محد توقع اسوي ذا اللون لان موضة الورد الفاتح انقرضت… وكان ناعم وكأنه باربي حسب كلام اغلب المعاااازيم
– مسكتي كانت روز وردي مزين بالتل الذهبي بلمعة وشريطه وردي اورقنزا ناعمه.. زي مسكات الاجانب.. سويتها في لمى للزهور بحي الصفا فناااااااااااااااان الفلبيني واسعاره جونان.. بس الفرق اني انا جبت الورد من نفس الموزع الرئيسي بمنطقة جده في حي الهنداويه اسم المحل سما للزهور اللي تبغى رقمه بأعطيها… تروحي لهم تلاقي ثلاجه كبيره خرااااااااافيه فيها جميع انواع الورد ويعطيك الورد بسعر رخيص جدا لانه هو المورد الاساسي لكل محلات الورد بجده… اللي ينصبو علينا ويعطونا الشي باسعار دبل…
– مكياجي وتسريحتي وكل برنامج العروسه عملته عند المقينه… بصراحه ارتحت راحه عجيبه لهذا الصالون ويستاهلو كل ريال اخذوه..
بس نصيحه مكياج اعملو عند فتوو.. مكياجها جونااااااااااااااااااااااان وطلع في الصور خيال.. عملتلي فوشي ووردي فاتح وذهبي… خيال خيال خيال
وشعر عند كوثر فناااااااااااااااااانه عملت شعري فير مكسر بطريقه فنانه واضافت لي شرايط وكلف طلبتني ياها من العيسائي اللي بمجمع الشرق مع بروش ذهبي انا كنت جايبته من ماليزيا والتسريحه على قد ماهي ناعمه على قد ماهي فخمه وغريبه ولا استخدمت اي توصيلات… ماشاء الله خيااااااااااااال والكل عجبهم حتى زوجي
– الطقاقه جبت وحده بس بـ 3 الاف ريال وكنت خايفه ماتهيص لي الحفله بس يابناااااااااات هيصت لي الحفله وزياده وكانت روعه روعه… معاها جهاز فيه الايقاعات والدف جاهزه بس هي تغني.. اسمها ام وجدان واللي تبغى رقمها تراسلني ع الخاص… اخلاقها عسسسسسسسل وتعاملها يجنن…
– الحلى اللي على الطاولات كان من المهاوي رووووووووووووووعه والكل عجبه
– البوفيه جبت من فرح جديد وكان روووووووووووووعه مره مره مره.. بس اللي تفكر تسوي بوفيه روعه واحلى تجرب الدار البيضاء كمان روعه
– المصوره كانت عزه دريم بشارع صقر قريش بجانب فندق الدار البيضاء بحي السلامه اللي تبغى رقمهم تراسلني برضو تصويرها روعه وتجيك ع الموعد بس خليك مهتمه ودقيقه معاهم.. بس تصويرهم روووووووووووووووووووعه… ومبدعين…
– زفتي عملتها بمحل استريو بوطني كانت بسيطه وسيمبل مره كلفتني 300 ريال بس
– القاعه كانت قاعة السولتير بشارع التحليه صح صغيره بس حلوه للي ملكتهم عائليه زيي.. بس انا صدقوني احسها تكفي لاني عزمت ماشاء الله 130 شخص وكفتهم.. طبعا هي بس حريم مافيها رجال.. والمسؤولة اللي في القاعه زي العسل.. وتخلي كل شي يمشي زي الساعه.. ذووووووووووق مره
كوشتي انا رحت اشتريت جميع مستلزماتها بنفسي من الهنداويه من الاستانداتوالتل والستان والللولو والكريستالات واعواد الريش وكل شي.. وعملت بوكيهات الورد في لمى للزهور وبس جبت فلبيني يركب الاشياء تحت اشرافي طبعا واخد مني 200 ريال بس….. احسن من اجيب واحد يعمل لي كوشه مافيها شي بـ 3000 ريال…
الحمدلله كانت ملكتي رووووووووووووعه ودعيتلكم وانبسطت وكل شي….
والان مشغوله باختباراتي بس اخلص واحكيكم عن تجهيزاتي للزواج واستشيركم ونتحكى عن كل شي..