ملكتي ع شاطئ جدة وفي النهار ان شاءالله

ماشاءالله تبارك الله ولاقوة الا بالله

طبعا أكيد مستغربين في أحد يعمل ملكتو في الشاطئ و على البحر وفي النهار كمان

ايوه اناااااااااااااااا ( ان شاءالله ) ماشاءالله تبارك الله
انا طول عمري كنت اقول لماما انا ابغى فرحي في النهار تقولي يابنت بلا جنان ايش الكلام دا 😛

بس فكرت فيها ;)صعبة فرح اعملو كدا طبعا

بس جات صدفة اني ماراح اعمل ملكة قلت لماما ماابغى نفس الروتين، المكياج التقيل وفستان منفوش حق الملكة ومصوراتيه وكوشة وزفه وبريستيج والزحمة دي كلها نفس زحمة الفرح يعني نفسها نفس الفرح بس هنا لابسه فستان ملون وهناك فستان ابيض ماابغى البومين صور ونفس الحركات والمنظر الرسمي يعني خساير فلوس ع شي متكرر عشان كدا قلت لماما ماني عاملة ملكة ➡

بعدين قلت لازم اعمل حفلة حتى لو صغيرة وفجأة جاتني فكرة الشاطئ (الحلم الي دايما كنت أتمناه يصير) اني اعمل ع الشاطئ وفي وضح النهار وعند البحر وبفستان ناعم ومكياج بارد وناعم واتصور هناك صور عادية من غير برستيج ورسميات

حيكون غيــــــــــــر

ماشاءالله تبارك الله لا قوة الا بالله 😆

والحمدالله خطيبي انبسط من دي الفكرة مرةماشاءالله تبارك الله لا قوة الا بالله وعجبتو وقالي خلاص اوكي

بس أنتو اخواتي الفراشان قلتلكم طبعا لأنكم ماتقصرو وحتساعدوني

( ادعو لخطيبي الله يرزقو ويفتحها بوجهو وتسهل كل امورو عشان تصير الملكة بأقرب وقت طلبتكم أمانة )

أبغى أطلب منكم طلب;) أنا حكيتكم قصتي عشان انتو ماشاءالله ماتقصرو تدعولي و تساعدوني بافكاركم الحلوة والرائعة ➡

ايش ممكن اعمل ع الشاطئ افكار او حركات ؟؟

ومين تعرف مصوراتية تجي لين كباين درة العروس انا ان شاءالله حااخد قصر مصغر هناك حق واحد أمير

وأعمل فيها الحفلة دي

أنا حقلكم ايش عندي افكار وانتو قولولي ايش رأيكم ونوروني بأفكاركم وارائكم الحلوة

اول شي شكلي ابغى اعمل شعري ويفي البعيد عن بعضو كل شعري عشان يعطيه غزارة وشكل لايق وحلو مع البحر انه مموج وأحط وردة وحدة من ع الجمب نفس لون فستاني وطبعا كل شعر مفرود 👿

تانيا مكياجي حعملو ناعم ممكن بصالون لمسات واذا عندكم رأي اعملو بصالون تاني ناعم ولبناني قولولي الله يسعدكم ؟؟؟

تالتا فستاني أبغاه يكون ناعم بس مو مرة ناعم بنفشه شوية ويكون من الصدر زي كانه توب ع شكل قلب من غير اكمام ولا رقبة فاهمين قصدي ➡
ابغى لونو يكون لايق مع البحر خوخي أو لون المحيط الأكوا اسمو الي هوا لون البحر الصافي الي لاهو ازرق ولا اخضر بينهم زي لون عطر لاكوست الي في الاعلان الرجال الي ع الشاطئ ينطنط ع السور ولون تي شيرتو نفس لون عيونو نفس لون العطر طفشتكم هههههه بس ان شاءالله عرفتو ايش اقصد 😉

ابغى اعمل ع الشاطئ تيازير من الجمبين عشان لحد يكشف علينا لو كان في فلل قريبة بس مااتوقع 😉

لأنه شاطئ القصر دا بعيد عن الفلل والبيوت كلها لانه حق امير ع قولة الي جبلنا هيا بواسطة وبالقوة عاد مادري انا لين دحين ماشفتها

فكرت اعمل ع الرملة برا قريب من الشاطئ ارص كراسي من الجمب اليمين جمب بعض وكراسي من الجمب اليسار وبينهم جلالة بيضة نحيفة وطويلة الممر الي انا وزوجي حنمشي عليه ونوصل لين نهاية السجادة قريب البحر نعمل ستاند كوشة بي الورود ناعمة فكرت انه يلبسني الخاتم ونشرب العصير ونقطع الكيكة وخلاص مادري ايش رايكم في شي تاني نعملو ؟؟ 😎

ملكتي ان شاءالله حتكون زي زواجات الافلام الأجنبية الي اسمها beach wedding 😛 الافراح الي ع الشاطئ

فكرت الورود تكون الزهره المشهورة فيجزيرة بالي البيضة مادري ايش اسمها ❗

ايش ممكن اوزع لضيوفي هدايا اشياء تليق للبحر نفسي بشنطة فيها الله يكرمكم شبشب البحر ومنشفة عليها اسمي واسمو او اذا ببالكم شي تاني قولولي ايش اقدم هدية ؟؟؟

وقلت اتصور في العصر قبل ما الناس تجي للالبوم وكمان اتصور لمن انزف وبعد مااخلص كل شي

أو

اعمل دي جي مني دارية ايش رأيكم ؟؟
❗
خصوصا هيا مش كبيرة ترى شي صغير وبس اهلي المقربين وصحباتي المقربين فقط 😆

قولولي بالله افكاركم لو شفتو فلم فيه حركات حلوة وأفكار او حضرتو مناسبة زي كدا او سمعتو عن وحده عملت زي كدا أماااااااااااااانة لا تبخلو عليا ياأحلى فراشات 😐 😛

أنا أنتظركم 💡

ولا تنسو تدعولي