عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته ..
أنا مو عارفه كيف ابدا بس بقولكم كل اللي بخاطري واتمنى منكم انكم تساعدوني وتعطوني مشورتكم .. لاني مااقدر احكي احد عن اللي بداخلي ماعندي خوات لو حكيت امي بتعصب وبتجيني من ناحيه انها امي ولو حكيت صحباتي بيجوني من ناحيه عاطفيه وانا ماابغى الا المشوره الصح 🙂
بحكيكم قصتي من البدايه للنهايه وبحاول اختصرها .:
أول شي انا كنت مملكه من قبل من شخص وربي كشفو ليا الحمدلله وفسخت وبعدها بسنتين تقدم لي شخص ثاني وهالشخص من غير كذب اخلاق وطيب ويحبني مرا الحمدلله ألمهم هالشخص كان عايش بكندا لفتره تقريبا 11 سنه وابوه متوفي وهو مسؤؤل عن اهلو تقريبا 9 اشخاص 6 بنات و 3 اولاد لما تقدم لي ماكان موظف وقتها وعلى اساس نسافر كندا ونستقر هناك فتره بس بعدها تغير رايه عشان اهلو مايقدر يسيبهم وانهم يحتجوه ويبغى يكون قريب من امه وانا ماتفرق معايا اعيش بكندا ولا السعوديه اهم شي اني اكون مرتاحه وانا بجد حبيت فيه اهتمامو لاهلو لان اللي مافيه خير لاهلو اكيد مالو خير فيا بعدها حددنا الزواج على اساس بيكون بعد 6 شهور من ملكتنا بس صارت ظروف ولا قدرنا نسوي الزواج لانه سافر فتره اظطراري وهو مو موظف بعدها حددنا الفرح عشان يكون بعد مايرجع من السفر ب 6 شهور وقتها بيكون مر على ملكتي سنه و 5 شهور وانا استعديت للفرح من كل النواحي حتى الفستان بديت افصلوو وهو حجز القاعه على اساس بيرجع من السفر وعلى طول بيتوظف ونستاجر الشقه ويتم الزواج لما بقي على الزواج 3 شهور جلس يقولي انو مايقدر يسويلي الفرح كبير وانو عندو ظروف وانا يابنات وربي مابتفرق معايا بس امي لاني وحيدتها زعلت مني وماصارت تكلمني وانا بجججججد كنت بضغط نفسي وقتها لاني ادري انو لسه ماتوظف ولا ابغى اضغط عليه وعندو ضغط اهلو وكذا بعدها بااسبوع قلي خلاص انا ولد عمي عندو شقه مفروشه بنسكن فيه 6 شهور لين نلقى شقه نظيفه وعلى قدنا انا وقتها زعلت تخيلو الشقه زززززباله مراا قلتلو افكر واردلك كان زواجي 12 – 6 طبعا فكرت بس ساعه حسيت الدنيا ظلمت بعيوني قمت اتصلت من غير اي استشاره من اهلي قلتلو وش رايك الفرح يتاجل ؟؟ قال من جدك وليه واهلك قلت لا كذا اريح واهلي بقولهم وبيتفهمو بدل مايعرفو موضوع البيت ويصير كلام ثاني قال طيب واجلنا الفرح لـ 4 -11 طبعا انا اجلت الفرح لاني ابغى اكون مرتاحه قلت يتوظف يجهز الشقه والامور تضبط بس يابنات مااشوف اي شي يتقدددددددم هو زي ماهو احسسو بارد وحاليا يضبط ببيت اهلو هو داخل بمشروع صغير يجيه دخل يادوب يكفي مصاريف اهلو طبعا انا دحين مملكه ليا سنه و 6 شهور كل لما اقولو قدم وظايف يقولي ااخلص بيت اهلي الاول واحسو يستثقل لما يكون شي يخصني ويخصه بس لاهلو عادي انا مااقول ماابغاه يعمل لاهلو بس دحين انا اولى انو يضبط شقتنا وبعد مايخلص يبداا باامور اهلو لما اتكلم معاه يقولي انا مابغى اصرف عليكي من فلوس اهلي ابغى من دخل شغلي ؟؟ طيب هو لين دحين ماتوظف ولا سووى شي والايام بتعدي وماما تبغى اشياء معينه بالفرح وهو يقلب وجهو لما افتح معاه دا الموضوع يقولي ماعندي انا من فين اجيب طبعا مايصرف عليا وقت الملكه حتى هدايا مافي مع اني دايم اهديه بس اصبر نفسي اقول حرام مو موظف حتى الاهتمام مافي نتكلم باليوم دقيقه دقيقتين ونقفل بس احس نفسسيتي بدات تتعب اذا هو لين دحين ماتوظف ولا تقدم اي خطوه تتوقعو لين يوم الزواج بيتحسسن شي ؟ بجد انا مو عارفه ايش اسوي واكتبلكم وانا مو قادره اجمع الي ببالي واللي افكر فيه انصحوني ايش اسوي اوكل الامر لامي هيا تتفاهم معاه لان اهلو مو متدخلين بشي وبجد انا مريحتو من كل حاجه بسس صرت استحي من اهلي 💡
قوليلي بليز كيف اتصرف لاني مو عارفه افكررررر
اسفه اني طولت عليكم بس جد مالي بعد ربي غيركم 
