عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح مساء الخير للجميع
اليوم حابه اعرض عليكم تجربتي في دمج روجين
الطريقه شفتها معروضه اكثر من مره على المنتدى .. Thx Girls
—-
الروج الأول من ديور صارله فتره عندي و مليت منه
و الثاني من سان لوران ابتلشت بلونه , لونه طلع نفس لون الاساس و رقمه 2 !
استخدمة المرطب الباقي من شيسيدو و الكونتينر من دايسو
الدمج بيكون عن طريق تسخين الروجات ويه بعضها و ممكن تستغنين عن المرطب !
استخدمت الملعقه الكبيره اللي تعيرون فيها الطحين حق الكيك! و الله ابتلشت ما عرف شو اسمه !! 🙂
تأكدي انج اطلعين الروج كله و ما تكتفين بالجزء البارز .. !
اكتفيت بجزئ بسيط من الروج البيج .. ما كنت ابي اللون يطله واايد نوود
و المرطب
الحين الخلطه جاهزه
ما عندي غير هالشمعه الحلوه .. خذتها من لايف استايل و كذب ما اطلع ريحه و لا شي !! 💡
الافضل انج ما تحاولين تخلطين الروجات بملعقه لأنها بتلصق عليها او على الجوانب و بيكون صعب عليج تنزلينه مره ثانيه !!
واضح في الصوره !
اول ما يسيح الروج صبيه في العلبه لأنه يجمد بسرعه !
اللون طلع وااايد حلو حبييته من قلبي و ترطيبه رووعه .. لأن مرطب شيسيدو روعه 😛
الطريقه واايد سهله
و ان شاء الله يعجبكم الموضوع
^_^ م.ن
