عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انزين انا على حظي شغلت ال Symantic gohst 8.3
بس المشكله انه ما يشتغل اللا لما اسوي رستارت يعني ادخل من واجهة الدوس فقط …
المهم ما علينا
لما تدخل البرنامج بتحصل عدة اختيارات
بيكون قدامك قائمة شرات قائمة ال Start اللي في ويندوز
وداخلها بتحصل كلمة local
وداخل لوكل بتحصل قسمين مهمين اللي هم Disk و Partition
تستخدم الديسك اذا بتسوي الجوست من او إلى جهاز كامل
وتستخدم البارتيشن اذا بتسوي الجوست من او إلى بارتيشن .. يعني مثلا مقسم الكمبيوتر لعدة بارتشنات C,D,E
تسوي صوره من بارتيشن وتنسخه على الثاني او حتى من بارتيشن في جهاز للثاني
انزين اذا بتسوي الجوست من جهاز لجهاز مباشره تختار disk-disk
واذا من جهاز لصوره تخزنها مثلا تختار disk-image
والاختيار الاخير الي هو image هذا تختاره لما تكون خلصت الجوست وتريد تنقله من السيدي مثلا او من السيرفر وتسويه على الجهاز
اممم … لين الحين معاي ولا ضعيت
ونفس الشي بالنسبه للبارتيشن نفس الاختيارات
اممم شو بعد
هيه انتبه لما تختار من او إلى
وحدد الهارد ديسك اللي بتنقل له الصوره
وسلامتك
بياخذ وياك خمس دقايق لين عشر وممكن دقيقتين حسب الجهاز
اهم شي تعرف تحدد من و إلى
لانه اذا غلطت في هالشي عادي انك تلغي الملفات اللي انت اصلن تريد تنسخها
