مملكة وحصلت لي مشكله مع سلفتي

والله اني من يوم ماملكت وانا في مشاكل انا ليا 6 شهور مملكه وياقي على زواجي 8 شهور

المهم في البدايه كانت المشاكل بيني وبين زوجي كل ماصارت زعله بسيطه يقطع بالاسابيع

يعني وصلت معاه مرة لمده شهر مايكلمني ياريت الزعله علشان شي كبير

اغلب زعلاته تكون علشان غطاي مو عاجبه او العبايه مو عاجبته او يكون زعل من حاجه سويتها

المشكله انو مايقولي ليش زعلان الا بعد طلوع الروح يعني اخرج معاه يكون سااااااااااكت زعلان

اقولو حبيبي ايش فيك فس شي مزعلك انا زعلتك قول يمكن ما اقصد

ولا يتكلم بعد ما يوصلني البيت مايرد على اتصالاتي بالاسابيع وبعدين يرجع يتصل عادي ولا كانه في شي

اساله ايش فيك يقول علشان كدا وانا هنا ازعل ليش ماتقوووول من الاول انا انحرق عليك وازعل لانك ماتتصل وما اعرف انك زعلان

وغير كدا مررررررررررررررررررررررررررررة بخيل من اكتر من موقف يعني مو موقف واحد الل يخلاني احكم عليه

بس اخر موقف الل يمن جد زعلني كنا في المول اشترى لي وجبه وقلت له وانت قال شبعان لما جا طلبي اكل معايا مو بس نقنقه لا اكل اكل ماشاء الله عليه

واخوايت اللي اصغر مني الثنتين كانو معايا خيلو ماسالهم تبغو تاكلو ولا اي شي انا طلبت لهم وانا اعطيتهم فلوس

وبعدين جيت اطلب ايسكريم وقلت له اطلب لك كمان قال ما ابغى ماليا نفس ولما اخدت ايسكريمي قعد ياكل معايا

انا ماعندي مشكله انه ياكل معاي بس المشكله انو ليش يبخل على نفسه واللي يقهر انو قال مايبغا ياكل ايسكريم

هذ كلو كنت مستحمله واقول ممكن يتغير ممكن يتعدل

بس اللي مرررررررررررررررررة قهرني سلفتي

سلفتي كنت كل ما اشوفها تتكام في اهل زوجي وانا اقلها لاتتكلمي فيهم لا تخلينا نكسب ذنوب في جلستنا هذي

وكمان كانت تحذرني منهم ومن زوجي وتقولي اتطلقي منه لانو فيه ويخطيه الحقي نفسك قبل ما تجيبي منه عيال

انا كنت اسمع واطنش وعلشان اسكتها قلت لها طلاق مني متطلقه انا مرتاااااااااحه واصلا الوالد ماراح يرضى اني اتطلق <<<< علشان تسكت قلت هالكلام

المهم بعد اسبوع ام زوجي اتصلت على الوالده وقالتلها نبي نجي عندكم اليوم امي قالتلها الله يحييكم
ووقتها كنت انا وزوجي مانكلم بعض لينا 3 اسابيع امي جا على بالها ان ام زوجي تبغى تصالحنا

جات ام زوجي ومعاها اصغر بناتها اللي اصغر مني بسنه وامي استقبلتهم وانا كنت نااااااااايمه <<<< علشان اول ايام الدورة ومررررررررة مو قادره اقوم

ولانهم جو في نفس اليوم ال يكلمو فيه الوالده يعني كلموها الظهر وجو العصر وانا نايمه

المهم اختي الصغيره جات تصحيني تقولي ياااااااا فلانه الحقي

<<< قمت من النوم مفجوعه

اختي :: امي وام زوجك في الصالون ومعاهم اخت زوجك وما ادري عن ايش يتكلمو بس سامعه امي بتقول لا بنتي ما تقول كدا لا بنتي ماتسوي كدا

انا قمت اكيد في هرجه كبيره قمت بدلت ملابسي وحطيت بلاشر علشان لايبان التعب عليا <<< مع الدورة الوجه يصير اصفر

المهم دخلت سلمت عليهم وطلع انو وصلهم من اخو زوجي انو زوجته قالت له اني انا اتكلمت فيهم واني قلت عن اخت زوجي انها تكلم وتخرج مع شباب
<<<< انا انفجعت

المهم يعني سلفتي راحت قالت لزوجها كل الكلام اللي هيا قالته عندي بس قالت لهم انو انا اللي قلته

يعني ضربني وبكى سبقني واشتكى

انا قلت لهم ان الكلام دا ماصار وانها بتفتري عليا وانا كيف راح اتكلم عنكم او عن اخت زوجي واحنا مكلمينكم على اساس نخطبها لاخوي <<<< كلام كان بينا وبينهم اننا ناخد اخت زوجي لاخوي بس قلنا ماينفع علشان لا تصير مشاكل بعدين

المهم الام قالو خلينا ننادي سلفتك وتواجهيها هنا احنا مصدقينك بس نبغى نوقفها عند حدها لانها دايما تتكلم عننا بالسوء ودايما ولدي يسمع لها

وقالت انا ابغى ولدثي يسمع ايش زوجتو بتقول عننا

المهم جات سلفتي ودخلت من غير ماتسلم على احد ومن يوم مادخلت الين ماخرجت وهيا تصرخ وما اعطت مجال لاحد انو يتكلم

وكمان زوجها دخل بعد ما اتغطينا كلنا على اساس انو امو كانت تبغاه يشوف كيف زوجتو قاعده تغلط على امه

بابا كان في الصاله لما سمع انو سلفتي قاعده تصرخ ناداني انا وامي وقالنا اقعدو هنا لا اشوفكم تدخلو الصالون

هدول مو جايين يتفاهمو هدول جايين يغلطو عليكم

المهم والله يابنات اني مرررررررررررررررررررررررة انقهرت وقعدت ابكي لاني ما قدرت اتكلم لما كانت سلفتي قاعده تصرخ اول شي احتراما لزوجها اللي موجود واحتراما لام زوجي

وكمان اللي مرة قهرني انها قعدت تسب فيا وتقولي انتي شر…. وقـ….. جيت اصرخ عليها قلتلها كلن يرى الناس بعين طبعه الا زوجها صرخ عليا وقال لو سمحتي اسكتي مالك صلاح

انا مررررررررررررررررررررررررررررررررررررررررررررررررر ررررررة انقهرت قلتجايين يغلطو عليا وانا في بيت اهلي

وفين زوجي ماجا يدافع عني جا بس حط اهله وراح وجا اخدهم وراح

والى الان ما اتصل ولا ارسل رساله اعتذار على اللي حصل ولا شي

انا مرررررررررررررررررررررة مقهورة

كل اللي ابغا اسالكم هل قراري صح لاني كلمت الوالد قلت اني خلاص ما ابغاه

لانو ماعبرني ولا اتصل ولا اي شي وغير كدا ما اتصل يعتذر لامي او ابوي على اللي حصل في البيت

والله ياناس اني خلاص شلته من راسي ووالله اني ماراح ارجع له لو ايش مايصير

انا عمرو مافي احد غلط عليا وانا في بيت اهلي

يجو اهل زوجي يغلطو علي