منقول :تورتة بطوط لعيون عبودى وملك ركن للاطفال فقط .. متجدد

يلزم لعمل تورته كيك حجم كبير صنيه مستطيله بطول الويفر

و ممكن تكون كيك بالفانيليا او كيك بالشيكولاته و ممكن الاثنين معا

و تعالووا نشوف الفكره بسيطه

ممكن اى كيك معتمد لديكى

ح ستخدام صنيتين مستطيلتين صغيرتين و ان لم يتوفر نعمل الفكرة دى

ممكن صنيه كبيره مقاس 43 فى 29 و اقسمى الصنيه بورقه كرتون

مغطاه بالسليفر و ضعيها فى وسط الصنيه المبطنه بورق الزبده

دخليها فى فرن سخن درجه حرارته 180 حتى تنضج – خرجيها على شبك

او منخل و شيلى الورق من الجناب و سبيها تبرد

حنلاحظ ان الكيك انفصل من النصف بين الكيكتين ده عادى لان الكيك

لما يستوى يترك الجوانب

لما تبرد نظبط الكيك بالسكين ليكون متلاصق و نقسم كل كيكه الى 3 اجزاء

و نجهز صنيه او خشب بمقاس مناسب و نغلفه بالسليفر و ممكن نضع مفرش

ورق تجهيزا لتزيين التورته

( التورته كبيره الحجم و تحتاج خشب او صنيه ليسهل حملها )

نبدأ فى اعداد الكريمه – ممكن كريم شانتيه بالكريمه اللبانى

نصف كيلو كريمه لبانى

نبدأ الان فى فى تزيين التورتة هنا بالفاكهه حسب رغبتك و يفضل دائما

الخوخ والاناناس لتوفرهم

و الكيك الشيكولاته يوجد من يفضله بالفاكهه و من يفضله بالمكسرات

وهنا الزينة بطريقه ترضى الجميع

ويجب تزينها بطريقه تكون سهله فى تقطيعها كشكل قطع الجاتوه

التزيين فى التورته البيضاء

التزيين فى تورته الشيكولاته

زيينى جناب التورته البيضاء بالاناناس و جناب تورته الشيكولاته بالبندق

المفرى مع جوز هند حسب الرغبه طبعا

بعد الانتهاء من التزيين ضعى التورته بالتلاجه حتى تبرد

ثم لمعيها بملمع الفاكهه ويمكنك استخدام الجيلاتين الملمع على البارد

فلا يحتاج ان يوضع على حمام مائى بل يستخدم مباشره

و لعيون حبايبنا الصغيرين عبودى واخواته البنات و نرضيهم و نفرحهم

ح نحط صوره بطوط بعد قص جزء منها ليناسب حجم التورته

التورته كبيره و شهيه ترضى الجميع كبار و صغار

اترككم مع بعض الصور