منها لله الأخت لمـــآآر وامثالها من فصيلة عديمى الحياء

السلام عليكم يافراشات
حسبى الله ونعم الوكيل فى العضوه لمـــآآر لأن كل مواضيعها اللى هنا مخله بالآداب فانا ارجو من المشرفات انكم تحذفو عضويتها وتحذفو مواضيعها لن للأسف انا كنت فى قسم العنايه بالشعر ووجدت كل مواضيعها مخله ايضا وكل اللى محذوف منه هو موضوع واحد فقط فللأسف مواضيعها انتشرت فى قسمى العنايه بالشعر والعنايه بالبشره
السؤال ليكم يامشرفات احنا بعد كده هنعمل ايه
هل ياترى بلاش ندخل الموقع بسبب عضوه زى دى ؟
ولا امى لما تكون قاعده جنبى وانا بتصفح صفحات هذا الموقع المحترم وتجد مواضيع ليس بها حياء مثل هذه ماذا سوف افعل انا فى هذا الموقف ؟
ولا لما كمية العضوات المشتركين بموقعنا الكريم يقل عددهم وميدخلوش الموقع ده تانى بسبب عضوه ولا اتنين ممن ليس لديم حياء ولا ادب ماذا سوف يفعل الموقع حين ذاك
هل سيقبل هذه النتيجه المخزيه بسبب بعض العضوات عديمى الأدب ؟
وانا اريد ان اسأل ماموقف المشرفات من مثل هذه العضوات عديمى الحياء ؟
انا اريد ان اخبركن بأن هذه ليست اول شكوى منى انا شخصيا وان هناك الكثير من العضوات المحبات لهذا الوقع اشتكين من مثل هؤلاء العضوات ولكن دون جدوى ودون فائده
اليس وجود المشرفات هنا دائما فى هذا الوقع الكريم يكون لمثل هذه الأفعال
ام ان المشرفات هنا يكون تواجدهن لحذف المواضيع المكرره فقط اما المواضيع المخله بالآداب مباحه ومحدش بيقدر يحذفها؟
وليه دايما اسمع انهم حذفو العضوه فلانه او علانه بسبب انها ردت مجرد رد جارح لإحدى العضوات الفضليات او غلطت فيها انما لما يكون فيه عضوه حاطه موضوع وقح وغير محترم بالمره بيتركوها وشأنها؟
يامشرفااااااااااااااااااااات خلى عندكم ضمير الكلام ده انتم المسئولين عنه وانا بحملكم المسئوليه
لأن بصراحه وبعد كل المواضيع اللى انا يوميا بدخل وبشوفها وبقرف وبتكسف انى ادخل الموقع ده تانى اسمحولى اقولكم ان وجودكم زى عدمه لأن فيه صغار السن بيدخلو الموقع ده وفيه ناس محترمه بتدخل الموقع ده وفيه ناس ملتزمه بتدخل الموقع ده
يعنى بصريح العباره الموقع ده متعملش للجنس وقلة الأدب المكتوبه دى
وارجو انكم متزعلوش منى لكن انا فى ساعة غضب ودى مش اول شكوى منى وكمان فيه كتير قوى من العضوات الفضليات اشتكو من المواضيع دى وانتو ولا انتو هنا
والكلام ده انا هتحاسب عليه علشان كده انا بخلص ذمتى
ألا قد بلغت اللهم فاشهد