عالم البنات النسائي كل ما يخص المرأة العربية من ازياء وجمال والحياة الزوجية والمطبخ
زي ما هو مكتوب لكم فراشات بالعنوان
من تاريخ 16/ 10 الى 1/12
اي 6 اسابيع باذن الرحمن
راح اتحدى نفسي و انزل كل الزيادة اللي عندي
مهو مو معقولة هضيع السنة كلها برجيمات
من يوم ما اتزوجت و انا طول الوقت رجيمات × رجيمات
الناس تنزل في السنة فوق ال15 كيلو
و انا اللي نزلتها فقط 10 كيلو و يمكن اقل كمان
يعني خلصت السنة و انا حتى ما شميت ريحة المثالي
و انا عملت التحدي دا اولا عشان نفسي
و ثانيا عشان الهدية اللي ماما وعدتني فيها لو وصلت لوزني المطلوب خخخ:D
و رجيمي في اول 3 اسابيع راح يكون التمر و اللبن باذن الله
و اذا مليت راح اعمل السوائل
و اخر 3 اسابيع راح استخدم رجيم عذاري ان شاء الله
بجد اتمنى من الله اني انزل الكيلوات اللي باقيتلي
و ياااااارب اثبت على الرجيم دا و اما اخبص
لاني بجد مليييت من الحالة دي
ابغى ارتاح و اوصل للي ابغاه في وقت قياسي
ما ابغى اضيع عمري كله في دايتات
و اللي هتقولي انتي الكيلوات اللي زدتيها
ما زدتيها بيوم او يومين زدتيها بشهور
هقولها كلامك على عيني و على راسي
بس انا زيادتي كانت بسبب اني قبل لا اتزوج اخدت كورتيزون
و انا باخر حملي اخدت ابريتين كورتيزون
سو الزيادة جات في اسابيع
عشان كدا هنزلها في اسابيع
طبعا هيكون في خلطات تنشرب مع الدايت
زي مثلا شاي الضيافة و الشاي الاخضر
زي مشروب الزنجبيل و القرفة و الشمر
و طبعا لا ننسى الرياضة انا مبدئيا هبدا بنص ساعة عالاوربت تراك
و نص ساعة رقص و تمارين
و بعد كدا هزيد الوقت ان شاء الله
و اللي حابة تتحداني حياها ما امانع ابدا
و اتمنى انكم تدعموني و تشجعوني ^_^
