عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم فراشات
سلامات لكم جميعا
مطبخنا شغال كل يوم اكيد عندنا تجارب كتير نقدر نفيد بعض بيها
وزى ما احنا عارفين شعارنا
نفيد ونستفيد
هنا … ايوه هنا عايزين نتقابل مع بعض كل يوم
ونقول تجاربنا اللى مرينا بيها طوال يومنا اللى فات
اوتجربه تفتكريها تحسى انها حتفيدنا وتقولى لينا عليها
انا ح اسجل ليكو دلوقتى باعتبارى صاحبة الموضوع
نصيحة حلوه سمعتها من خبير تغذية
قبل ماتنامى بالليل افتكرى حتطبخى ايه بكرة وروحى للفريزر
وطلعى اللحمة او الفراخ او السمك وحطيها فى التلاجه
كده افضل بكتير وضعها بالماء للتخلص من التلج
لانها بتفقد الكثير من عناصرها الغذائية
حاجه تانيه لو تحبى تنفذيها
عند وضعك للماكولات بالفريزر يفضل وضعها فى علب بلاستيك
ولتكن كلها بشكل واحد تعطى شكل جمالى رائع وهى مرصوصه
حماتى لما شافت الفريزر عندى بتقولى
هى العلب دى بتيجى مع التلاجه ياسوسو ؟؟
فراشتى العزيزة
اى وقت تفتكرى فيه تجربة مريتى بيها تعالى وسجليها هنا
السجل مفتوح ليكو طوال 24 ساعة
مين فيكم تفتتح السجل يافراشات ؟؟
