عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ودي اطرح مشكلتي لاني جدا محتاره وودي احد استشيره ويساعدني انا متزوجه من خمس سنوات وكنت ساكنه في مدينه بعيد عن اهلي واهل زوجي والحين جينا واستقرينا ومن هنا بدت المشكله الي حصل ان حمولتي يعني اهل زوجي يبغوني اسكن معهم لان ولدهم الكبير معزم يطلع وراحت خالتي الله يهديها وبطرق غير مباشره تقنع زوجي انها بحاجتنا ويمكن تموت من الوحده علما ان خالي ابو زوجي موجود وكذلك عندها بناتها ولها عالمها الخاص وغير كذا هم راعين مشاكل يعني زوجه ولدهم الاول طلعت بزعل ونكد المهم ان حياتي انقلبت وعلاقتي بزوجي تدهورت تصدقون انه مره ضربني لاني قلت له بالعربي سكن مع اهلك مستحيل وبعدين بديت احاول افهمه ان عيشتنا بعيد اريح للجميع وهو اساسا فاهم بس مسكين وش يسوي المهم خالتي المحترمه بدت تمارس الضغط علي بطريقتها الخاصه صارت تجي عندي كثييير الاسبوع فيه سبعه ايام هي تجي وتجلس اربعه ايام وتروح وش بقى كان كملت الثلاثه :0144: وماادري الى متى واذا كلمت احد وانا اسمع قالت الله يفرج لي انا كل يوم في بيت :0148: طيب ليش ماتجلسين في بيتك وش الي يمنعك ويوم حاولو يحلون مشكلتها قالو نشتري بيت ويقسمونه بيننا وبينها وانا عارفه تماما لو حصل ذا انا المتضرره لاني بكون بالوجه ومتاكده ان حالتي بتكون زي الي ساكنه مع الحموله يابنات ارجوكم لا حد يلومني لان خالتي من النوع الي تحب تعرف كل شيء بحياتي وتموووت وتعرف كيف علاقتي بزوجي وتتدخل حتى بتربيه بنتي والي قاهرني انها ماتتحمل لوبناتها صار لهم نفس الشيء يعني للاسف تكيل بمكيالين اخيرا انصحوني وش اسوي لو حصل وسكنت فوقهم ابي تجاربكم لاتبخلوون
عن Rogerrush
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …