عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اهلن اهلن 
بصراحه انا ناويه اسوي رجيم من السبت الجاي لان حالتي جداً مو راضيه عنها
وجربت كل الرجيمات مانحفت مادري البلا من ارادتي ولا تحطمت لاني مو قادره انحف بسرعه
بصراحه ارادتي ضعيفه نوعاً ما او اضعف اذا شفت الاكل
عزمت ان شاءالله ابدا من الاسبوع الجاي الرجيم ويا انا يالسمنه
من غير كذب انا اعتبر قاسيه السمن مع اني مو كبيره
انا طولي 168 ووزني 95 ولازم انقص كثير لاني ناويه اطلع بشكل جديد للناس طفشت وانا ادور مقاسات كبيره بكل المحلات وتعبت من كثر ما اقول بسوي رجيم وما اطلع بنتيجه وانقهر من نفسي ومن شكلي ومن البنات اللي بمرحلتي يدخلون محلات بناتيه وانا ادخل محلات للسمنه
انا قررت وان شاء الله ما اتراجع عن قراري مدحولي بنات رجيم الفصائل وقالوا وحده نحفت 15 كيلو الى 20 بشهر وكيف انه يناسب وبصراحه غروني
انا فصيلتي 5+ وقلت بجرب ومابيساعدني غيركم خصوصاً ان عندكم تجارب ومن هالشي ..
بكل امانه ابي وحده مجربه رجيم الفصائل وفصيلتها مثلي ونحفت 15 كيلو الى 20 بالشهر
والله بحاجه مساعدتكم وما انساكم من الدعاء والله والله والله تأزمت واللي راح تساعدنني بكون نحفت من عند الله ثم هي .. امنيتي حالياً بس انقص 30 كيلو عالاقل لازم يوصل وزني لـ 70
مابنساكم من دعائي صدقوني كل مانحفت كيلو راح ادعي لكل وحده ساعدتني بالشي اللي تبيه وتتمناه وبالتوفيق والرزق .. ابي وحده مجربه الرجيم وتكتب لي رجيمها لاتكتبون المسموح والممنوع لاني شفتها بمنتدى ثاني ابي جدول رجيم لي بالاسبوع والنتيجه كم كيلو بالاسبوع وهل هي رجعت او لا للسمنه وكم نحفت كيلو بالشهر
ماشاءالله
( الله يوفق اللي بتساعدني ويحقق لها ماتتمناه وينولها اللي في بالها ويريح لها قلبها ويخليها لاهلها ولاحبابها ولا يحرمها من احد ) ماراح انساكم من دعائي كل ما انقص كيلو بدعي لكم بس ساعدوني ولاتتركوني كذا ميؤؤؤسه من حالتي
وشكراُ مقدماً .. 
