عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اكييد كلكم شايفين برنامج صدى الملاعب اللي صار اللحين اصداء العالم وشايفين مهازل هالمذيع وحركاته اللي خلاااص لاعاد يستحي ولاعاد يشيل هم شي
تغزل ,,,مدح ,,, وتبسم وكل يوم جايب له وحده ولاااااا منقي بعد اللي يتفصخون وقليلات الحيا
اصلن انا ابي افهم شي واحد !!وش علاقة هالحريم باخبار الرياضه وكأس العالم !!
انا بصراحه مصدومه من اللي قاعد يصير ؟؟مولهالدرجه !!
امس جالسه وحاطه عالام بي سي ماكنت مركزه الا اشوف مقاطع من اغنيه لفنانه لبنانيه تتفصخ وتتسدح والله العظيم حركات جنسيه واضحه استغربت ان هالدعايه كانت تخص برنامج صدى الملاعب وانها بتكون ضيفتهم الحلقه الجايه!!!
يعني لهالدرجه!!!!!!
خلاص ماعاد يستحي ؟
محد يتابع برنامجه يعني عشان كذا يسوي هالحركات والا هالواطي مستغل الفرصه عشان كل يوم يتغزل له بوحده
جاب منى امارشا قليلة الحيا وطول الوقت تغزل فيها مايستحي اخر البرنامج تجي تجلس جنبه على نفس كرسيه !!!
يقول للمتصل من احلى صوتي والا صوت منى؟؟؟قال المتصل المسكين كلكم
قام رد عليه المذيع ايه ماتبي تقول منى خايف من زوجتك ياجبان!!!
انا ابي افهم شغله ؟؟المرجله صارت بنظرهم قلة حيا ومغازل!!!
يعني الرجال اللي يراعي مشاعر زوجته ويراعي ربه ويحترم نفسه يصير جبان
هذا مفهوم الشجاعه عنده ؟؟؟؟
البرنامج والله ماينسكت عنه وهالمذيع بجد ماعاد يحشم احد احس عيب والله احد يقعد من المراهقين او الاطفال يناظرون برنامجه مع انه رياضي لاحظو!!
وش الهدف من انه يجيب كل وحده ويغازلها عالملاء وكل دقيقه والثانيه يقول يارب مرتي ماتحضر الحلقه!!!
الله يعين مرتك عليك ياواطي
انسان بجد همجي !!وغير محترم
يغازل الضيوف اللي يجيب كل يوم حرمه
ويغازل المراسلات
ولاسوت المراسله لقاء مع وحده متينه او موحلوه يقول لاااا نبي من هذول يقصد رشيقات وحلوات
هذا انسان مايحتر المرأه ابد قليل حيا
كل هذا وانا مااشره عليه لانه واطي وهذا مستواه
اشره عالقناه اللي ماوقفته عند حده ولااحترمت مشاهدينها
اعلانات للفنانات وهم باوضاع والله اغراء وقلة حيا وينقيهم نقاوه عشان يتغزل طول الحلقه فيهم ويمدح فلانه صوتها حلو وشكلها حلوووووووووو ونظراااات وقلة حيا
لاحول ولاقوة الا بالله
لجين العمران لبسها يفششششششل جينز ضيق لدرجه انه كنها مولابسه وانواع المسخره
هذول مايخافون ربهم !!!!
انا نفسي المهزله هذي تتوقف مع ان هالواطي بيستمر باللي يسويه لكن القناه لازم تفرض عليه وتحترم مشاهدينها
مايصير احس الوضع كل ماله من سيئ الى اسوأ
ماصار برنامج رياضي صار اغراء وتغزل وقط كلام وفيديو كليبات هابطه!!
والله الموضوع وصل حده وزياده
وهالمتندي لازم يوقف عند حده مايجوز اننا نسكت
اسفه عالاطاله بس بجد وصلت حدي وقرفت
