من هو المظلوم المرأه ام الرجل؟ موضوع للنقاش

السلام عليكم ورحمه الله وبركاته
صباح/ مسا الخيرات والدولارات على احلى فراشات
عندي موضوع للنقاش واتمنى الكل يناقش فيه
ليش لما الرجال يكون دائماً مشغول في عمله وما يرجع بيته الا للنوم
نقول الله يعينه مسكين يتعب
ولو زوجته أشتكت انها ما تشوفه او تجلس معاه قلنا لها انتي ما تقدري ظروف زوجك
طيب ليش ما نقول هيا كمان محتاجه مين يقدر ظروفها
انا شفت موضوع من كم يوم واحده حاطه انه زوجها مره طيب وحنون وكويس معاها
وهيا دائماً تخرج مع زميلاتها وأخواتها بس أشتكت انها محتاجه تجلس مع زوجها
اغلب الردود كانت انتي لازم تراعي ظروف زوجك واحملي ربك انك تخرجي مع اهلك وزميلاتك
طيب هيا لو تبي تخرج مع اهلها وزميلاتها بس ليش تزوجت اساساً
كان جلست في بيت اهلها وانتهى الموضوع
ليش ما نقول يا رجل راعي زوجتك انت كمان لانها محتاجه تقضي وقت معاك
مش بس انك تلبي طلباتها وخلاص
أتمني من الكل التفاعل وتقولو رايكم بصراحه
سواء متفقه او مختلفه
وتقولي ايش أسبابك