من وســط النزيـف أخطهـا لكم (( ابغي بس دعوه في ظهر الغيب))

تــعالي ومتــأكده انها راح تفرج بس أحتاج دعوتكم والله اني احتاجها لأن دعوتكم لها أثر عجيب

ويمكن أي أحد يدعي لي تصدف لحظة استجابه ..

وربي انها تكفي انها منكم واللـه يهدي جميع المسلمين و يهدي عيالنا وابآئنـا وامهاتنا ويبعد عنهم

عيال الحرام وفعل الحرام .. اللهم امين ..

الله يسعدكم بــس بتكلم شوي وبفضفض شــوي .. الانسان كائن غـريب مدرى يا بنات بقولكم شيء

انا افتخر بأبوي .. اأأأخ بس لو يترك هذا السم .. بنات والله ان قلبه ابيض .. صح انه السنين الي راحت

بهذلنا لأقصي الحدود ونزلت موضوعين فضفضت فيها والحمد لله علي كل حال .. تدرون ايش صار ..

أبـــوي (( انكســر ـ انطعــن_ انجرح )) والله ورب البيت اني ما رضيتها عليها صح انه في سيئاااااااااااااااااااات

بس فيه كم حسنه والله خفت انه بسبتي صار له كذا يمكن احد دعي عليه بقلب ..

1..طعنته..

بابا عنده حلال بس عشان اخوانه الغير اشقاء ما رضي يقسم الورث عشان لا يخسرهم يقولنا انا انسان

سيء صح بس الواحد ما يخسر اهله ..كنا عايشين مستورة وكانوا يرسلون الايجارات كل سنه ..

بس عشان احطكم بالصورة هم عايشين بقصور وعندهم سيارات ويسافرون واحنا والله ساكنين

بايجار وحيلتنا بس هالمزرعه الي ابوي شراها من حلاله الي جمعه مو من حلال ابوه ..

بنات بس قال ابغي حلالي بشتري بيت لعيالي من قبل لا اموت ..

النتيجه من أخوانــه (( قاطعونا _ قالوا عنه سكير _ ما عطوه الاوراق الي تثبت الاملاك_ وجرجروه بالمحاكم))

وتعرفون المحاكم ., تخيلوا بس الايجارات يمكن بس 600 ألف كنا نأخذ 15 ألف ونسد فيها الايجار

الحمد لله احسن من غيرنا بس ابوي انطعن في اخوانه كان مستأمنهم وطعنوه حسبي الله ونعم الوكيل

والي بقول هو ما يدرى ترى مالنا بالسعوديه الا 5 سنين وكان يقول (هذول اخواني ..!) وندم ..!!

2-.. انكساره..

باختصار زوجنا اختي لواحد يقرب لنا قلنا منا وفينا .. قبل الزواج بشهر جاء ابو الولد (المعرس)ويشكي الحال

عطاه أبوي ((سلف)) مبلغ وقدره يعني جامد شوي .. تقريبا شلنا الزواج

وتعرفون مشااااااااااااااااااكل

ابوي اخوانه قطعه عنــه الايجار ((حسبي الله عليهم)) قام طلب ابو المعرس

فلوسه قاله سلامات

((هذه مو عينيه )) بعدين تبغون تعرفون ايش النهايه تنكروا قالوا عن ابوي سكير

وعن أمي الفاضله

الصابره انها مجنونه ( يعز مقدارك عنهم كلهم ) تدرون قاطعونا وبهذلوا اختي

ليش اختي ما ترجع

عشان بطنها صارت قدامها وابوي دري بطقطة سوالف ما علمته امي بكل شيء عشان لا يذبحهم

الحق ينقال ابوي يغسل شراعنا بس ما يرضي احد يهيننا أقول ايش الي يكسر الظهر انهم اهل امي

حييييييييييييييييل قريب منها ..! انكسر ابوي وأمي تخيلوا موقفها بس من اهلها (( الله

3-..انجرح..

ابوي تعلم اقوي درس في حياته وعرف انه ما يحبه غير عياله الي هم احنا وزوجته الي هي امي

تعرفـون المثل ( الي ما معاه ما يلزمك) هذا صار فينا الاقارب والاحباب

والاصحاب والي نعرفه والي

ما نعرفه تركونا معد احد يتصل ولا يسأل وقاطعونا والله ما ابغي اقول كلام يفشل ..

ابوي جاه الدرن وشكله انتشر بجسمه ما يقدر يقعد علي ظهره ما هو راضي يروح المسشتفي

يخاف يموت وهو ما اشتري بس بيت يسترنا بنات صار يبكي واستسمح منا وندم وتغير ..

بنات ابوي مرييييييييييييييض جهز كفنه ووصنا انه ما نتنازل عن ريال وجاه اكتئاب ومصدوم والمحكمه

لهم سنه بس يأجلون وما سمعوا شيء ومحد راضي يحضر الجلسه اعمامي الي في باريس وجنيف

يصيفون ابوي صار يشرب عشان يسكن ألمه ..

انا مو مجنونه بس احبه ابوي مهما كان سيء مالي غيره يا بنات ابغاه هو الي

يزوجني وهو الي

يحضر حفل تخرجي وهو الي يروح معاي بعثه ..

ابغي ارفع راسه ابغي يقولون هذه بنته بنت المدمن بنت السكير عرف ابوها يربيها ابغي

انا بنت من ظهر رجال ابغاه يعيش ويشوف بعينه هو سندي وتاج راسي مهما كان الانسان

قاسي

بس ما يرضي علي عياله اسمعوها يالي تشكون من اهلكم هو وامي جنتي وناري ..

بنات تكفون ادعوا له هو وامي ادعوا لهم بالفرج والنصر ورفعة الراس وطوله العمر وان الله يشفهيم وما

يشمت فيهم أحد ..

والله ان دموعي ما وقفت لها فتره واني اصلي وادعي بس تعبت ..

يارب يآخذ من روحي ويعطيه ويآخذ كل صحتي ويعطيه ويأخذ كل سعادتي ويعطيه ويجعل كل دموعه

وتناهيده طعون في قلبي ولا اشوفه يتألم ..

الحمد لله علي كل حال وتراني والله الشاهد اني ما ابغي اسوي لا المضحيه ولا البنت المثاليه

ولا قصة دراميه ..تكفون بس ادعوا لنا ..

ملاحظه

ولو بتقولوا مستشفي الامل بقولكم عليه مشاكل وما يجرون الواحد جر .. والمشايخ كلمت مشيء

الحال فتره بس يقولون لازم برضاه ..وهو يبطل شهر ويرجع شهر من حر ما فيه قاعد يحاول انه يكون