(من يقول الحب .. مــآت) روآيتي الاولى والحصريه على موقع الفرآشه ..

..( من يقول الحـــب … مــآت )

الكاتبه : عيون تذرف دمعها ..
/
/
//
/
/
……….”*”……….

قبل آن آبدآ :
تعمقوآ في هذآ الشعــــر ..

مـن عـز نـومـي صـحـيـت وشـفـت فـي عـيـنـي
دمـع تـهـادى عـلى جـفـنـي وأنـا غـــــــــــــافـي

سـتـرت دمـعـي بـكـمـي قـبـل يـغـريـنــــــــــــــي
وأخـذت هـذا الـجـسـد مـن بـاقـــــــــي لـحـافـي

وسـريت تـايـه ورى خـطـوات رجـليـنــــــــــــي
لا الوجـه وجـهي ولا أوصافي هي أوصــــافي

أمـشـي وأقــــــــــــــــول لـطـريـقـي لاتـوديـنـي
لـعـيـون نـاس تـبـي تـدري عـن الـخــــــــــافـي

أمـانـتك .. خـلـها مـابـيـنك وبـيـنـــــــــــــــــــي
خـابـرك يـالـدرب خـوة عـمــر وســــــــنــافــي

مـاودي الـنـاس تـدري وش يـبـكـيـــــــــــــنـي
كـرامـة الـنـفـس ورث أبـوي وأســـلافــــــــي

أمـشـي وأحـس الـخـنـاجـر فـــــي شـرايـيـنـي
والـبـرد يـمـشـي وراي ويـنـهـش أطــــــرافـي

وحـيـد والـلـيـل بـردونـه يـغـطـيــــــــــــــــــنـي
تـقـول كـن الـبـلد روح بـهـا الـســـــــــــــافــي

إلـيـن مـاأوحـيـت لـي صـوت يـنـاديـنــــــــــــي
صـوت أعـرفـه مـثـل ما أجـهـل وش خـلافـي

قـمـت أتـلـفـت وأنـادي ………… لاتـخـلـيـنـي
مـاغـيـره الـصـوت .. هـذا صـوتـه الـدافـــــي

ولـمـحـت زولـه مـن أقـصـى الـدرب لافـيـنـي
مـدري وش أقـول لـكـن حـي هـا الـلافــــــــي

تـعـال .. شـف غـيـبـتـك كـيـف أثـرت فـيـنـــــــي
تـعـال .. شـفـنـي وأنـا أغـرق عـقـب مـجـدافـي

تـعـال.. خـذنـي ورحـبـي مـن عـنـاويـنــــــــي
تـعـبـت أعـدي عـلى جـمـرك وأنـا حـافـــــــي

تـعـال وإقـطـف بـصـوتـك زهــــــرة سـنـيـنـي
كـل الـمـواعـيـد عـقـبـك شـمـعـــــــهـا طـافـي

تـعـال وإزرع خـصـل شـعـرك بـكـفــــــــــيـنـي
بـضـمـهـا لـيـن أحـس بـلـيـلـك الـظـافـــــــــــي

تـعـال وش فـيـك خـايـف ؟ أنـت نـاسـيـنــــي ؟
قـطـعـت صـوتـي عـلـيـك وطـال مـيـقـافــــــــي

حـتـى بـديــت أشـعـر إن الـحـب مـعـمـيـنـــــــي
وإن أنـت حـلـم عـثـى فـيـنـي وأنـا غـافــــــــي

لـكـن أمـانـه تـرى الـلـي فـيني كـافـيـــــــــنـي
إن رحـت مـنـك كـذا مـارحـت مـتـعـافــــــــــي

بـصـّدق الـحـلم وأحـذر لا تـصـحــــــــــــــيـنـي
فـي خـاطـري كـلمـتـيـن وإن قـلـتـهـا كـافـــــي

أمـانـة الـلـه عـلـيـك إن غـبـت عـن عـيـنــــي
لا يـكـون قـلـبـك مـثـل قـلـب الـزمـن جـافـــــي

مـع كـل دمـعـه تـذكـر رعـشـــــــــــــــة يـدينـي
ومـع كـل ضـحـكـه تـذكـر قـلـبـي الـوافــــــــــي

الشخصيات ..:.,,

الاخ الكبير : ابو عبدالله ( حمد ).. وام عبدالله ..( نوره )
عيالهم ..:
لينه 47 سنه متزوجه
عبدالله 47 سنه ( هو ولينه تؤام ) متزوج من بنت عمه نوف وعياله { سلطان 25 سنه – جاسر 23 سنه – مرام 18 سنه – منار 16 سنه – علي 12 سنه – سعد 9 سنين – هنادي 7 سنين }
فيصل 39 سنه متزوج بنت خالته شوق وعياله { حمد 10 سنين – رهام 8 سنين – مها 5 سنين – محمد سنه }
دينه 37 سنه متزوجه
وافي ( من ام ثانيه ) 31 متزوج ريم ” بنت جيرانهم وماتجيب عيال ”
فهد 29 سنه خاطب بنت عمه ريميه
لافي 28 سنه خاطب بنت عمه عبير
فارس 25 سنه
مزنه 24 سنه
مشاعل 18 سنه ..

,,,,,,,,,,,,,,,,,,,,,,,,,,,,,,,,
,,,,,,,,,,,,,,,,
,,,,,,

الاخ الثاني : ابو سعود ( حمود ) .. وام سعود ( منيره )
عيالهم :
سعود 41 سنه متزوج بنت عمه دينه عياله { منال18 سنه – حمود 17 سنه – حمد 16 سنه – لمياء 14 سنه – خلود 10 سنين }
نوف 39 متزوجه عبدالله
مطلق 38 سنه متزوج بنت خالته سماح وعياله { ريما 8 سنين – موسى 6سنين – اشواق 3 سنين – سعيد سنه }
طلال 35 سنه متزوج بنت عمه تهاني وعياله { منيره 6 سنين – مشاري 4 سنين – مشاعل سنتين }
وضحه 33 سنه متزوجه
خالد 30 سنه
ضحى 28 سنه متزوجه
ريميه 26 سنه مخطوبه
نجله 24 سنه ..

,,,,,,,,,,,,,,,,,,,,,,,,,,,,,,,,
,,,,,,,,,,,,,,,,
,,,,,,

الاخ الاصغر : ابو مشعل ( محمد ) .. وام مشعل ( الجازي )
عيالهم :
مشعل 37 سنه متزوج وضحى بنت عمه وعياله { الجازي 7 سنين – الهنوف 5 سنين – البندري 3 سنين – بندر سنه }
العنود 34 متزوجه
مساعد 31 سنه متزوج وضحه بنت عمه وللحين ماجابوا عيال
تهاني 28 سنه متزوجه
ماجد 27 سنه متزوج غدير وعياله } محمد 3 سنين – الهنوف سنه {
عبير 24 سنه مخطوبه
غلا 22 سنه
حلا 20 سنه
ساميه 18 سنه ..

,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,
,,,,,,,,,,,
,,,,
,,,
”
/
/
“

البـــــــــدايه ..
الجزء الاولـــــــ ..,,
بسم الله الرحمن الرحيم
الساعه 30 : 10 م
كانت جالسه بالمطبخ ومعها منال بنت اخوها تساعدها علشان تسوي فطاير ..
انتبهت منال ان عمتها سرحاااااااااااااانه ..:: عمه وش فيـــــــــتس ؟؟
نجله : لا ابد … وش سويتي بالبيتزا لايكون نسيتيها بالفرن ..
منال : ماعلييتس من البيتزا .. قولي لي وش فيتس …؟؟
نجله : ضحى معوره قلبي … كل اسبوووع مسافره هي ورجلها علشان الحمل .. سبحان الله صحيح الله يعطي شي وياخذ شي جمال ومال ومهم قادرين يجيبون عيال .. الله يرزق وخيتي ..
منال : يابعد عمري ياعمتي قبل اسبوعين اتصلت عليها تقول الطبيب اللي بلندن معطيهم امل ..
نجله : الله يرزقهم ..
منال : عمتي ماتشمين ريحـــــــــــه ..
نجله : هههههههه الحقي على البيتزا بسرعه لايهاوشنا خالد اذا شافها محترقه ..
……: وشي اللي محترقه ..
نجله: هههههههههههههههههههههه اسأل منال ..
خالد اللي جاي ومعه جالكسي مثل ماقالت له منال : منال وش سويتي بالبيتزا حقتي ..
منال تطلعها من الفرن وهي متفحمه : ابد ياعمي شف طالعه تجنن …
وتلحق تاخذ كيسه الجالكسي قبل لايشوف خالد البيتزا ويغيره رأيه .. بس بحركه سريعه يسحب خالد الكيسه ويرفعها : اول وريني البيتزا ..
منال : عمي عطني الجالكسي تعرف اني مقدر اعيش بدوووووووونه ..
نجله : ههههههههههههههههههههه وهذا واضح ..
خالد : هههآآآآآآآآآي لأ اول البيتزا عقب نتفاهم على اللي بالكيسه ..
منال بزعل وهي توريه الصينه : هاه ارتحت الحييييييييييييييين يالله عطني الكيسه ..
خالد بأستغراب : ول ول ول بالله وينتس عنها وهي سودا وفحمه ..
منال : عمممممممممممممي ..
خالد : اقول يالله مناك اليووووم انا اللي باكل الجالكسي مو انتي اللي روحتي علي بيتزا كنت منتظرها اسبوعيـــــــن اخ يالقهر …..
نجله وهي جايه ومعها صينيه بيتزا : افأ ياخلوودي اخو المزيوووونه نجووووووول ..
خالد : اخص يالثقه الزايده هالايام .. وش عندتس ؟؟؟؟
نجله : احم احم .. لاداعي شكرا .. المهم تتوقع اني بخلي منال هذي النفره (( وتأشر عليها ))هي اللي بتسويلك البيتزا .. خذ حبيبي هذي هي البيتزا اللي على قولتك كنت منتظرها بس على شرط تعطي منال الكيسه ..
خالد بفرررررح : ابشــــــــــري المهم البيتزا ..
منال : مع ان فيهااااا نفرهـ بس يالله نمشيها علشااااان الجالكسي ..
نجله : المووووووهيم .. رح المجلس وشغل الفيلم وانا جايه بالبيتزا والبطاطس ..
خالد : ولاتنسين الفشار ..
نجله : والبيبسي بعــــــــد …..” والتفتت على منال ” وانتي روحي نادي ريميه واتصلي ببيتكم على حمود خليه يجي ..
منال : لييييييييييييييييش ؟؟؟
نجله : وهالاكل اللي وراي من ياكله ..
التفت خالد للطاوله لقى انواع المأكولات (( مكرونه بالباشميل – بيتزا – سلطه – كيك – انواع العصيرات ))
خالد : ما شاء الله متى امداك تسوينهم ..
نجله بفخـــر : الله يخلي الشغالات .. وبعدين نسيت ان اليوم الخميس .. فلم الاسبوووع وهذي مو غريبه علي احم احم ..
خالد : ماشاء الله عليك يالنونو .. مضبطتها ..
نجله : خلووووووووووووود متى يجي اليوم اللي تنسى فيها كلمه نونو ..
خالد وهو طالع : لما تنسين كلمه خلوووووووووود ..
نجله تضرب براسها : هههههههههههه يرفع الضغط ..
منال تاكل الجالكسي : هاه عمتي اتصل بحمييييييييييد والا ارسل الشغاله ترى على فكره بيتنا بجنبكم ولا بعد ماراح تضطر تطلع بالشارع .. على ما اظن ابوي حط باب بالحديقه ..
نجله : وش له هالمحاظره الطوييييييييله ..
منال مندمجه مع الجالكسي : بغيت اعطيتس خبر بس ..
نجله وتقرص اذنها : يالدبه بسرررررعه نادي اخوتس ..
منال : طيب طيب طيب خلاص هذاني رحت .. ياشينتس اذا عصبتي .. شرسه ..
نجله : ههههههههههههه منال بسرعه ..
منال : طيب .. سي يوووو ..
نجله : باااااااااااااااااااااي …
نادت الشغالات علشان يشيلون معها .. عقب راحت لأبوها اللي كان جالس بغرفته هو وامها .. وكالعاده يافاتح التلفزيون على قناه شعريه او فاتح النت على الاسهم ..
نجله : يبه ..
ابو سعود التفت عليها وقصر على التلفزيون : ابوي انتي ..
نجله : يبه طقيت ابره السكر ..
ابو سعود : افأ عليك من الساعه 6 ..
نجله : هههههههه شاطر ..
ام سعود : يعجبــــــــــــتس ..
نجله : هههههههههههههههههه طيب اكلت ..
ام سعود : ايه تعشى هريس مسويته انا ..
نجله : حركااااااااااااااااات يمه وصرتي تسوين لابو سعووود عشا .. من قدك يابو سعوووود ..
ابو سعود : شفتي شلووووووووووون ..
نجله : اجل انا اتركم .. تصبحون على خير ..
ابو سعود : وانتي من اهله .. لاتسهرووووووووووون ..
نجله : ان شاء الله ..

//
//
//
//
//
//
تجمعواااا الشباب كلهم مع البنات .. طبعا انضم لهم حمد النشبه على قوله حمود ..
كااااااااانت السهره مررره حلوووه ضحك وسوالف وتنكييييت وبعد ماخلصوا فلم شغلوا لهم مسرحيه.. انواااااااااااااع الضحك بالمجلس .. استانسوا حيل ولما جت الساعه 3 كلن راح لسريره وهو تعبااااااااااااااااااااااااان من الضحك .. منال راحت تنام مع عمتها لانه مثل ماتقووول تخاف تطلع للحديقه بالليل وتروح بيتهم .. جلست نجله تتقلب على السرير ومنال عافها النوم فجلست على النت .. ظلوا على هالحاله لين الساعه 7 الصبح .. عقبها كل وحده ضمت مخده وناااااااامت ..
//
//
//
//
//
الساعه 6:00 م ..
في بيت ابو عبدالله .. كان ابو سلطان اللي هو عبدالله جاي مع اهله يتعشووون عند جدهم ابو عبدالله .. الرجال بالمجلس يتقهووون والحريييييم بالصاله ..
سلطان : مزيييييييييييييين ..
مزنه اللي كانت بالصاله عند الحريم بس تطالع التلفزيون : هاه وش تبي .. وبعدين ماتستحي انت .. ورى ماتناديني عمتي ..
سلطان بأستهزااااء : تكفييييييين عاد مابيني وبينك الا 3 سنين ..
مزنه : وهذا كفيل بأنك تناديني بعمتي ..
سلطان : اففففف طيب طيب … مزنه ..
مزنه : شف عااااااااااااد ترى زودتها ..
راح يمها وشالها بكل يدينه ..: سلطااااااااانوه نزلني .. يممممممممممااااه ..
ام عبدالله : يابعد روحي سلطان نزلها ..
ام سلطان : ياولد نزل عمتك .. عييييييييييييب ..
مزنه : يماااااااااااااااااااه يبااااااااااااااااااااااااااااااااااااااه .. والله العظيم ان مانزلتني لا اعلم عبدالله ..
سلطان اللي خاف ونزلها : لا تكفين الا القوااااات المسلحه ..
ابو سلطان : وش فيهم القوات المسلحه ..؟؟؟؟؟؟؟؟
مرام وهي جايه من المطبخ : مافيهم الا العافييييييييييييه بس في ناس ….
وتطالع في سلطااان ..
سلطان : قصدها في ناس تكن لهم كل الاحترام والتقدير ..
الكل : ههههههههههههههههههههههههههههههههه
مزنه تمسك اذن سلطان وتهمس فيها : انت هالحين وش تبي يالدب ..
سلطان : عمتي ابيك بسااااااااااااااالفه ..
مزنه : وش ذا السالفه المهمه ..
سلطان : مقدر اقولها هناااااااااااااااااااااااا …
مزنه : امش تعال نطلع الحديقه ..
سلطان : اوكي ..
\
\
\
\
\
\
\
بعد ماطلعواااا وجلس على وحده من الطاولات .. سلطان ماكان عارف وشلوووون يصارح مزنه .. مايدري ليه ؟؟؟؟؟؟؟؟؟؟؟؟؟ ووش السبب اللي مانعه ؟؟؟؟؟؟؟؟؟؟؟؟؟؟؟// لا ليه ما اقولها؟؟؟؟؟؟؟ ايه هي بتساعدني .. وبعدين ذي عمتي اللي اثق فيها واللي مافي بالدنيا اللي اقرب مني لها وهي كذلك .. بس والله صعبه ..لا ياسلطان اجمع قوتك وصااااااااااااااارح عمتك …. ايه صح …… يعني وش ممكن تسوي ؟؟؟؟؟؟؟؟… وبعدين يالغبي ذي عمتك .. ايهه…………… اجل .. اجل ليه كل هالتردد ؟؟؟؟؟؟؟؟؟؟؟؟؟ يووووووووه ياربي ساعدني بتكلم وامري لله ..:: عمتي انا وبكل صراااااااااااااااااااااااااحه ابي اتزوج ..
مزنه وفجأه : ههههههههههههههههههههههههههههههههههههههههههههههههه
ههههههههههههههههههههههه
سلطان : عمتي مافي شي يضحك ..
مزنه : هههههههه اوه اسفه وربي اسفه ..
قام سلطان بعد ضحكه عمته .. بس بسرعه جت مزنه وسحبت يده ..
مزنه : خلاااااااااااااااص وربي اسفه ماكان قصدي بس ابدا ماتوقعت ..
سلطان بعصبيه : عمتي ما اظني قلت شي يستدعي انك تضحكين .. ولا اظني قلت شي غلط انا من حقي انا اطلب اني اتزوج وانتم لازم تزوجوووووووووني .. وانا والله ودي اكمل نص ديني .. بس للاسف ماتوقعت القى منك هالضحك وانتي اقرب الناس لي ..
مزنه تقرب منه وتحب راسه : وربي اسفه سامحني .. ومين سعيده الحظ ..
سلطان : مااااااااادري ..
مزنه : اجل مين بتتزوج ..
سلطان : شوفي عمتي انا بقولك سر بس توعديني تحافظين عليه ..
مزنه : وش دعوووى سليطين .. ماهقيت هالكلام منك ..
سلطان : طيب اوعديني ..
مزنه : اوعدك ..
تنهد سلطان وقال : انا حبييييييييييت وحده بمعنى الكلمه ومازلت احبها ويشهد علي ربي .. وكل هذا من نظره ..
مزنه بعصبيه : سلطاااااااااااااااااااااااااان ..
سلطان : طيب اسمعيني للأخر ..
مزنه : افففففف يالله تكلم ..
سلطان : طيبببببب … وربي اني ما اعرفها ولامره كلمتها .. بس شفتها كلها نظره وربي نظره .. بس يشهد علي ربي اني ابيع عمري لجل شوفتها .. والله ياعمتي اني متعذب وما عاد فيني قدره تحمل .. صبري على بعدها محوووووود ومهو من صفاتي الصبر .. ساعديني ياعمه .. تكفين ..
مزنه : طيب من هي ؟؟؟
سلطان اللي حط يده على راسه : هذي المشكله …. اني ما اعرف من هي …
مزنه اللي حست بألم سلطان : طيب ماتعرف اسمها .. او على الاقل وين شفتها ؟؟
سلطان : تذكرين خطوبه لافي ..؟؟؟؟؟؟
مزنه : ايه اذكرها وش فيها …
سلطان : كل اللي اذكره انها كانت لابسه احمر ..
مزنه بقهر : ما استفدنا ..
سلطان : لييييييييييييييييييييييييه ..
مزنه : اكثر اللي بالحفل كانوا لابسين احمر ..
سلطان : عمتي وش السواااااااااااااااااااااااااااااااااه ..؟؟
مزنه : وانت شلون شفتها ؟؟
سلطان : كانوا مرسليني الحريم اجيب حلوياااااااااات .. يوم دخلتها المطبخ شفتها ياعمتي .. آآآآآآآآآآآآآآآآآه .. شفت العيون اللي سحرتني ..
مزنه : ياويل حااااااااااااااالي الولد استخف ..
سلطان : عمتـــــــــــــــــــــــي ..؟؟؟؟؟؟؟؟؟
مزنه : طيب ..مدامها دخلت المطبخ اجل قريبه حيييييييل .. منال بنت سعود ونجله بنت عمي وساميه وحلا خوات عبير وكلهم لابسين احمر بس المصيبه وشلون نعرف اي وحده فيييييييييييييهم ..
سلطان : تكفيييييييين عمتي ..
مزنه : خلاص سلطان خل الموضوع علي ..
سلطان قام وحب راس عمته : مشكووووووووره ..
جات مشاعل : اهليييييييييييييييييين وش جابكم هنا ..
سلطان : مزين حبت تغيير جوووووو ..
مزنه اللي نزلت راسها بعصبيه : ياربي وش قلنا قبل مشوي … عمتي تكفى قلها ..
سلطان : هههههههههههههههه عمتي عمتي عمتي .. ارتحتي ..
مشاعل : وانا ؟؟؟؟؟؟؟
سلطان : انتي يخب عليك شعوووووول ..
مشاعل بعصبيه : هييييييييين يا سلطان ..
جلس يركض لي دخل البيت وهي وراه تلحقه .. اما مزنه فجلست تفكر .. الحين وشلووووووون اطلع ذي البنت اللي مطيحه الولد ؟؟؟؟؟؟؟ وربي صعبه … بس مو عليك يامزين بأذن الله .. وهالسلطان ذا ما يستحي هههههههه … يا حياتي طلع يعرف يحب …. لازم اطلع البنت … ايه انا لازم اطلعها ذا ولد اخوووووووي ومايهون علي يتعذب وانا جالسه اطالع ………عقب تذكرت انها بالحديقه لحالها قامت تركض من الخوف لين دخلت ..
//
//
//
//
//
//
//
//
//
//
//
//
حست ان راسها حييييييل يعورها … ماتدري ليه اول مره يجيه الالم ذا … مو قادره اتحمل …. الالم فظييييييع .. بروح عند امي يمكن القى عنده حبه مسكن … وين راح؟؟؟ اذكر اني البارح حطيته بالدرج ..شافت الساعه لقتها 6 المغرب …ههههه قصدي قبل البارح …نزلت تحت لقت منال بالمطبخ تاكل سندويش : منوووول ما شفتي امي ..
منال : الا راحت عند امي بالبيت متجمعين عندها الجيران ..
نجله : طيب والريمي ؟؟؟؟؟
منال : راحت معه ….
نجله : تكفين ياقلبي روحي يمه وقول له وين حطيتي المسكن ادول ..
منال : عمتي طيب وقفي لي اخاف اروح بلحالي ظلام ..
نجله : طول وعرض وتخافين ..
منال : ايه اخاف ماتذكرين يوم طلعت اجيب شنطتي من السياره سمعت احد يناديني عاد انتي شوفي غبرتي هههههههه
نجله : هههههه ايه اذكر بس عاد وش دعوى هذا هو البيت من بعده يعني .. كله خطوتين والا اقولتس خوذي المفتاح اللي فوق التلفزيون وافتحي الباب اللي بين البيتين ..
منال : هذي اشين واشين .. كله واحد ظلام ..
نجله : على الاقل ماتطلعين بالشارع ……….ورجعت تمسك راسها اللي زاد فيه الالم ..
منال زاد فيها الخوف : عمتي .. وش اللي يعورتس ؟؟؟؟؟؟
نجله اللي تطالع بنت اخوها .. يابعد روحي والله اني احبتس ياعين الغالي انتي اقرب وحده لي وتحس فيني : ابد راسي يعورني ..
منال : أفأ وانا بنت ابو لحيه الحين يجيتس دواتس ياعمه ..
نجله ضحكت من قلب على منال : كم مره قايلتلس لا تقول ابو لحيه لو سمحتى الحقوق محفوظه لشايبنا ..
نجله ومنال : ههههههههههههههههههههههههه ..
راحت منال طبعا بعد ماسحبت شغالتهم وياها وجابت المسكن اللي عطته ياها امها لان جدتها نست وين حطته … رجعت لنجله وعطته ايها وجابت لها قلاص ماء .. بعدها راحت نجله لغرفتها وحاولت تنام ولحقتها منال وناموا ..
//
//
//
//
//
//
تحاول تشوف لكن مو قادره الظلام غطى على عيونها التفتت لقت منال بجنبها تبتسم وتمسح على شعرها ووافي جاي من بعيد ….قامت وراحت تبي تسأله انت ليش ماتحبني لكن وافي ماعطاها فرصه ارتمى بحضنها وجلس يبكي ويبكي ويبكي ..نادتها منال ……عمتي نجله .. عمتي ……………….نجله …..نجله ؟؟ نجله ؟؟……:: يمه نجله قومي ..
نجله مفزووووعه : بسم الله الرحمن الرحيم …
ام سعود : بسم الله عليتس … خير يمه وش فيتس ؟؟؟
نجله بعد ماقامت (( ياربي وش ذا الحلم ووش دخل وافي .. خلاص انا نسيته وربي نسيته وهو بعد نساااااااني وتزوووج .. ليه احلم فييييه ؟؟؟ ليييييييييه ؟؟)): ابد يمه مافيني خلاف …………وتطالع الساعه لقتها 9 : وش اللي جايبتس يمه هالساعه ..
ام سعود : تقول منال راستس يعورتس ..
نجله : وينهي منال ؟؟؟؟؟؟؟
التفت لقت منال بجنبها وحاضنه المخده و……بسابع نومه ..
نجله : ايه والله بس الحمد الله الحين خف كثيييير ..
ام سعود: الحمد الله طيب قومي صلي العشاء لاتفوتس الصلاه ..
نجله : ان شاء الله …
طلعت ام سعود من الغرفه وقامت نجله بسرعه وراحت تبي تدخل الحمام بس رجعت وباست منال على خدها ..: الحلوه قومي صلي ……..ههههههههه مافي فايده لازم لعب بزارين ..
اخذت المخده وسحبتها هالشي اللي خلى منال تقوم مفزوعه : خير وش فيه ….عمتي من مات ..؟؟؟؟؟
نجله : هههههههه فال الله ولا فالتس … قومي صلي العشاء ..
منال : يوووه ياعمتي نسيتي اني قلت لتس ما اصلي ..
ضربت نجله راسها : يابعد رووووحي والله نسيت .. يالله ارجعي نامي هههههههههه ..
ماصدقت خبر منال ورجعت تسحب المخده ونامت نووووم عميق ..
ونجله دخلت الحمام وتوضت وطلعت نشفت عمرها وخذت الجلال تبي تلفه عليها الا تسمع طق الباب ….: ممكن ادخل …
نجله : اكييييييييد الشيخ مايبيلها استأذان ..
مطلق : اممممم السلام عليكم ..
نجله : وعليكم السلام …… انتظر شوي بصلي …
مطلق : اوكي …
كبََرت نجله وجلست تصلي وطبعا مطلق ماترك عادته جلس يتعبث بألبوووم الصور اللي موجود على التسريحه ومره يبخ من العطر هذا ومره من ذاك ولازم تصير شويه شقاوه ويلعب بأعصاب منال ويرفع ضغطها وهي نايمه .. وشوي يجلس يغني بعدين يتذكر ان نجله تصلي ويرجع يقول استغفر الله وشوي يناقز على السرير ويرافس منال ………: السلام عليكم ورحمه الله …….لعنبو الشيطان ماتخلص حركاتك الصبيانيه ذي متزوج وعندك اربع عيال وولحين ماتغيرت ..
مطلق : ههههههههههه كيفي مزاج ..
نجله تسفط جلال الصلاه وتحطه على الطاوله : الشكوى لله ..
مطلق : عاد انتي وش فيتس معصبه ..؟؟؟؟؟؟؟؟؟؟؟؟؟؟
نجله : مو معصبه بس راسي يعورني ..
مطلق :سلامتس ..
نجله : الله يسلمك ..
مطلق : يعني راحت الطلعه ..
نجله : أي طلعه ؟؟؟؟؟؟؟؟؟؟؟؟؟
مطلق : كنت ناوي اطلع انا وسماح نتعشى برى ونترك عندتس سعيدوووووه ..
بس عاد يوم قلتي راستس يعورتس مافي داعي وامي نايمه وريميه ماتعرف له اخاف يصيح تقوم تكفخخه .. على العموم ارتاحي ..
تنهدت نجله وقالت : مطلق رح جب سعيد اصلا انا مشتاقه له ..
مطلق : لا مافي داعي ارتاحي ..
نجله ابتسمت : يووووه يا مطلق تراه فرصه ماتجي الا مره بالعمر الحين انا ودي فيه مو تجي بعدين اذا ما بغيته تقول امسكيه … يالله بسرعه روح وهاته ..
مطلق قام وركض وحب راس اخته : الله مير يعطيتس العافيه يا وخيتي ………وطلع من الغرفه وجاب سعيد ياحليله عمره سنه مثل القمر … وراح هو وسماح وكنهم ماصدقوا احد يمسك ولدهم ……………….. نجله اللي دقايق ونام سعيد بأحضانها فرشت له بالزاويه فراش خافت تخليه بالسرير تتسفل فيه منال …
وجلست هي على النت نص ساعه عقب طفته وراحت قدام المرايه وحطت كحل وروج خفيف وجلست تفكر بالحلم … ياربي ليييييه للحين وافي ببالي .. ووش تفسير ذا الحلم معقوله للحين متعلقه بوافي ؟؟؟؟؟؟؟؟؟؟؟؟؟؟ اصلا خلاص انا اكرهه ………. ايه .. ياربي ارحمني انا وش سويت في دنياي عشان الله يعاقبني بهذا العقاب…… ما اقول الا استغفر الله العظيم ….. 4 سنين وانا انتظر وافي اللي انا ….. ايه انا ………كنت محجوزتن له من يوم كنت صغيره عقبها يتركني وبكل سهوله علشااااااااااااااان ريم !!!!!!!!!!…… مستحيييييييل ليه؟؟؟؟؟؟؟؟؟؟؟؟ وانا وش قاصرني ؟؟؟؟؟؟؟؟؟؟؟؟ لا يانجله ماقاصرتس شي … وافي ما يحبتس …. والدليل انه خذا ريم بدالتس .. وخلى الناس يشفقون عليتس …. لا بس انا مو محتااااااااااااجه شفقه .. انا كرامتي فوق كل شئ… ماني مخليه حد يدوس عليها بعد هذا العمر …. ها أي عمر يانجله العمر الي راح كله وانتي تنطرين وافي النذل … العمر اللي رديتي فيه كل من جاااااااااااااتس ؟؟؟؟؟؟؟؟؟؟؟؟؟…….. آآآه خلاص ضاع كل شيء من ايدي……. بس كرامتي هي الشيء الوحيد الي ما راح اخلي حد يضيعها مني .. بس انا توني صغيره ….. وحلووووووووه .. والكل يتمنى طرف ثوبي .. ايه يا نجله … الكل يبـــــــــــيتس بس انتي وش تبين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياحيلة الله وش أسوي بالأقدار… مالي على رد المقادير قوه
//
//
//
//
//
*:*
“
/
/

منتظـــــرهـ ردودكم الصآدقــه علشـــآن آكمـــل ..
لآهنتوآ لاتحرموني منهآآ ..