عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاتهبقولكم وش السالفة بدون ما اطول عليكم والله ييشهد اني ما كتبتها هنا الا وانا حابة الكل يستفيد … اعرف وحدة زوجها مشالله لها علاقة بالشيوخ وكانت دايما تسالني حملتي ولا ولا .. واقولها لا .. وابدأ احكيها رحت المستشفيات وانا سليمة وزوجي سليم .. واستخدمت كلوميد وأبر وانا ماني بحاجة لها.. قالت خليك من المستشفيات .. قالت رقيتي نفسك قلت لها لا .. قالت لي خلاص انا اخلي زوجي يعرف شيخ يجيب لك عزائم وزيت مقري … بس هذا اللي صار .. وانا قاعدة ابحث في النت اكثر كيف استخدمها وكيف استخدامها …واستخدامها يكون انك تحطي العزائم كل يوم وحدة في موية وتشربيها .. والزيت يفضل تدهنيها قبل النوم وتدعي ربك لانه بيده الشفاء والمحافظة على الصلاة .. وان شاء الله تشوفين في المنام من اللي اعطاك عين<<<هذا طبعا لو كان عين … .. المهم وانا ادور في المنتدى لقيت تجربة وحدة وحبيت انقلكم وانا بعد بقلكم تجربتي بس شوفو اول حقت هاذي الحرمة
………………..
السلام
بدخل بالموضوع على طول ….
لي سنتين متزوجة وأنا سليمة وزوجي بعد سليم الحمدلله
جربت حتى الابر وأنا ما أحتاجها ولا صار حمل جربتها مرتين وجربت التمريخ مرتين وغير طبعآ الأعشاب وووالـــــــــخ
الحمدلله على كل حال
حاولت أرقى نفسي بالرقية الشرعية وقرأة سورة البقرة وحلمت أحلام غريبة جدآ أستمر فترة وأقطع فتره
أزعجت خواتي فى المنتدى هنا طلبت منهم رقم شيخ يجى للبيت وما قصروا الله يعطيهم العافية كلهم المهم
مرة قراة لوحدة من العضوات منزلة موضوع أنه يوجد ماء وزيت مقرئ فيه يوزع مجانآ ولا يباع بس والله مو عارفه العضوه مين الله يجزاها خير وذكرت أنه موجود بمحلات عديده منها تسجيلات قرطبة الأسلاميه وطبعآ هذى التسجيلات فروعها كثيره منها بشارع الأربعين إللى بالملز
المهم مالكم بالطويلة… صـــــراحة مو على طول جبته بس أمس قررت أجيبه وقلت لزوجى عنه وراح وجابة المهم
توضيت وشربت من الماء ودهنت منطقة البطن والأرحام وانا على السرير طلبت من الله أنه يشفينى فهو القادر على كل شئ وطلبت منه أن أرئ رؤياء صالحة نافعه باقيه ساره غير ضارة ونمت على طول بدون تفكير …. وطبعآ قراة الأذكار
شوفي أيش حلمت…………………….. ……. 😆 🙂
حلمت إنى انا وزوجي رحنا لشيخ يقرأ علينا وقالى الشيخ يا أختى هذا جن مسلط على رحمك من شخص لقطع الخلفة وقلت أنا حسبي علية قال الجن أصلآ ماله دخل فيك هو فى رحمك لأن مطلوب منه كذا وقالى تبغين تعرفين من إللى ارسله وورانى شخص وقالى أسمه
لـــــــــــــــــــــــــــــ لأســـــــــــــــــــــــــــ ـــــــــــــــف أعرفــــــــــــــــــــــــــ ـــــــــــة
سويت نفسي عند زوجى ما اعرفة ( طبعآ بالحلم )
المهم الشيخ هذا سأل زوجي أنت تجى زوجتك من الخلف قالة زوجى لا الحمدلله أصلآ حرام
المهم الشيخ قال لا بس أنا أسال المهم الشيخ هذا قالى زوجك قبل ما يجيك للجماع ترا هذا الجنى يجي قبلة يعنى يسبق زوجك ووصف لى كيف الجنى يجى وانا جالسة أتحسب وقالى الشيخ أتحسبى على إللى أرسله
وصحيت من النوم على أذآن الفجر سبحان الله وقمت وصليت ودعيت الله هو الشافي المعافي القادر
اللهم أرحم ضعفي حسبي الله ونعم الوكيل حسبي الله ونعم الوكيل اللهم إني لا أسألك رد القضاء أنما أسالك اللطف فية
رجعت حطيت راسي على المخده وبكيت ودعيت الله
حســــــــــــــــــــــــــــ ـــــــــــــــــــــبي الله
المهم هذا الشخص إللي علمنى عنه الشيخ كان بخلاف مع العائلة كلهاوانا أولهم
نصيحتى يابنات أستخدموا الزيت والماء المقرئ أكيد الشفاء بيد رب العالمين بس يمكن كثير منا سبب تأخر حملها عين أو حسد أوسحر والعياذ بالله وهى ماتدرى عن نفسها
وأنا عن نفسي راح أستمر علية بس حطيت فى بالى انى أقرئ زود عن شيخ
والله الشافي …
يعني بصراحة انصدمت وحبيت اذكركم انه الشفاء عند ربي مو كل شي المستشفيات .. ..
انا والله العظيم اني ما ابالغ .. وقبل ما اقرأة تجربة هاذي الحرمة اني استخدمت الزيت والعزائم قبل النوم لانه اصلا من طبعي اتدهن قبل النوم دايما والله اني تدهنت ونمت وحلمت بأعز صديقاتي جاية تحضني وتقولي آآآآسفة واليوم الثاني من يوم جاني الزيت المقري قلت خليني ابحث اكثر وآستفسر.. ولقيت تجدربة هاذي وذكرتني بالحلم اللي شفته ..
وعلى بحثي في النت انك لو شفتي في المنام اللي عطتك عين حاولى تآآخذي اثرها ..وكمان هذا لا يجب ان يسبب بينك وبينها عداوة .. لانه قد يكون عين اعجاب …
وابحثوو انتم في النت ولا تستهينوو بالعزائم
ومو شرط يكون فيك عين فأن أن لا تحملي .. ممكن فيك عين من اي شي ..
