عالم البنات النسائي كل ما يخص المرأة العربية من ازياء وجمال والحياة الزوجية والمطبخ
للاسف هادا الواقع ودي الحقيقة
تحلي نفسها تسوي لك انها البنت الفلة
حجتهم انهم متفتحين وانهم ياي
حاقدين على المجتمع اللي هما منه
تلاقيهم في كل مكان كفيهات–مطاعم–شاليهات
وعلى النت اوووه مليانين تاجيد–فيس بوك–سكايبي
جربو تدخلو وتشوفو بنفسكم راح تدعو لي
————————
ايش رايكم في الكلام اللي فوق يابنات بلدي؟؟؟؟؟؟
مرة حلو صح؟؟؟؟؟
حلو لمن كلب يجي من برا ويتكلم علينا كده
على الكل طبعا مو معقول حيمسك اكتر من 20 مليون
ويقول لا والله بنات المنطقه الفلانية احسن من المنطقه التانية
لا لا البنات في منطقة كذا فله اكتر جرب وشوف
لا شوف بعد عن دي المنطقه لان صعب الجيتات والخروج فيها
بس يلا يمشي الوضع على الجوال
ايش خلاني اكتب الكلام دا؟؟؟؟؟؟؟؟؟؟؟
من المصايب والبلاوي اللي محطوطه تحت شعار لا اله الا الله
فرحانة كل وحده مسجلة في هادي المواقع وكاتبه انها من السعوديه؟؟؟؟
مبسوطين يعني انكم سعوديات
والله عيب وحرام عيب عليكم اهلكم ونفسكم ومجتمعكم وقبل دا كله دينكم
مافي بنت فكرت في اهلها يعني وفي انهم كبروها وربوها وعملوها بني ادمة
وجابوا لها كمبيوتر ومنه عرفت النت
وايش جزائهم انها تصور نفسها انها ترسل مقاطع انها تسود سمعتها بكل
ما قدرت عليه من قوه وعزم ماشاء الله مصرين انكم تخلوا العالم يقولوا اننا وسخين
لا ثابروا استمروا
غمضوا عيونكم وادانيكم وارموا التربية والدين والحيا على الارض
وجيبوا الكرسي حق المكتب ودوسوا عليها واقعدوا وادخلوا نت
عيشووووووو اتبسطووووووووو
ايش اخدين منها احنا مو كفايه ما نسوق سيارات مو كفايه نمشي بعبي
اها عشان ربي كرمنا وخلانا مسلمين
وكرمنا اكتر ووضعنا في ارحام امهات سعوديات ملتزمات بدينهم وتقاليدهم
احنا نخلع نتجنن
نصور عيوننا وفمنا وشعرنا المستشور وننزلها فيس بوك
ياريت تصوير خشم وفم وخد لاههههههههه
تصوير اشياء تانية ماشاء الله
توريك البنت انها منيكان مدري احتمال حلمها تشتغل موديل
فـ لازم توريك مفاتنها صدر رجل …. اشياء تانية
حسبي الله ونعم الوكيل
اتقوا الله في نفسكم اتقوا الله في اهلكم اعرفوا انكم راح تموتوا كلنا راح نموت
مو كفايه ذنوبنا مو كفايه محنا ماسكين ديننا كويس
ندور على المعاصي ونتفنن فيها
يابنات والله انكم بنات ناس ليش تحطوا نفسكم في موقف بنات شوارع ليش
بنات الشوارع نفسهم مايحبوا يفتخروا بهادا الشي انتو تتفننوا فيه
حتى وان مالك اهل مالك ناس مالك قرايب
راقبي الله في نفسك
اعرفي انك يوم حتوقفي بين يد الله
يااختي فليها بس مو على حساب دينك وسمعت بلدك
بلدك اللي غيرك نفسه يكون منتمي ليها
بلدك احسن واقدس بلد
بلدك اللي دخلتك مدارس ببلاش وجامعات ببلاش واعطوكي مكافئات
وبيقدموا لك على بعث برا ليش
عشان تردي الجميل وتخدميها
هادا هوا جزاءها
حرام عليها انها سعودية وربي حرام
قلبي واجعني وانا اكتب دا الكلام ياريت شوفت صور نصارى ويهود كده لامسلمات
والله ان اغلب النصارى واليهود صورهم عاديه الا فئة طبعا
والفئة هادي كمان منبوذه منبوذه من مجتمع متفتح
اللي انتو فيه دا مو تفتح دا قله ادب قله تربية
حتى ان ماعجبكم الكلام هادا اللي بينقال عنكم من ورا ضهركم وقدامكم كمان
ما يرضيني احد يتكلم عنكم كده حتى وان كان عندكم عادي
فكروا فعلالالالا هل هادا الشي صح؟؟
فكروا بينكم وبين نفسكم هل هادي شخصيتكم من جد؟؟
هل هادا اللي تتوقعه منك بلدك واهلك؟؟
فوقوا يابنات فوقوا الله يسعدكم ويهديكم
لا تخلوا كل من هب ودب يتكلم عنكم
وفي الاخر ابغى اقول
انا آآآآآآآآآآآآآآآآآآسفة لكل وحده فيكم
كلامي زعلها ولا جرحها
اتمنى كلامي يكون زي الكف اللي يصحيكم
بنات السعودية منهم الدكتورة والمدرسة والعالمة والكاتبة
بنات السعودية احلى واحسن بنات من كل النواحي
ان في الحب ان في الدين ان في الاحترام
بلييييييييييييييييييييز لا تدمروا نفسكم بنفسكم
والله لو وحده اقتنعت وفكرت ولقيت كلامي صح انا راح اتبسط
وهيه راح تتبسط لانها حتكون لقيت نفسها
ابغاكم تقولوا الكلام دا لي نفسكم ولبعضكم مو اقولكم اجر ومدري ايش
كل واحد اجرو على الله وكل واحد على حسب نيته
بس ان تبغي بنات بلدك يتغيروا
ان تبغوا ربي يرحمنا ويرضى علينا وينزل لنا مطر
خلونا نخفف معاصي خلونا ننشر الكلام دا
يمكن بنات حالهم يتصلح منه ويارب
يارب تحمي كل بنات بلدي وتهديهم
ونشوفهم نموذج للمرأة السعودية المعاصرة
المتمسكة بدينها
..وبليييز تاني محد يزعل منى لأنو هادا الواقع والله مرره ما اتوقع إنو البنات..
..كدا يضيعو بسبب الفيس بوك وكتيير غيروو..
..الطريقه دي فيلها اشياء غلط كتيييره..
..واتمنى ماتزعلوو مني..
..وانا ماكتبت دا الكلام الا من القهرر.. 😉
..وطبعاا موكل البنات زي كدا..
..ومو بس بنات السعودية كول البنات ..
..تقبلوو كلماتي..( :
..قطرة الندى1..
بناات كل وحدة تدخل تررد تقولي رايها بلييز
