عالم البنات النسائي كل ما يخص المرأة العربية من ازياء وجمال والحياة الزوجية والمطبخ
أهلين حبايبي اعضاء منتدانا الحلو ..
جايبه لكم مواقف إنشاء الله توسع صدوركم وماتكون عليكم ثقيله دم ..
الأول :
قربيتي تقول كنت اطلع انا واختي من الجامعة والذي يأخذنا والدي تقول في يوم من الايام
جاء والدي فركبنا معة تقول وبصفتي الكبيرة اركب في المقعد الأمامي
المهم سرنا ومن عادة والدي يقف عند سوبر ماركت تقول جلست احكي مع اختي وفجأة لاجد احدا يرد
فالتفت وانا اوبخها ليش ماتردين علي؟! فجأة تملكني الصمت فلم أجد اختي !
تقول جلست افكر .. كيف ؟؟ هي طالعه معي ؟؟
وعندما ركب أبي أخبرته أن ساره غير موجودة , الوالد غضب وقال : أقول وش السالفة اليوم خامدات
ولا كل يوم راسي بيطير من سواليفكن!!
تقول رجعنا واختي معصبه ❗ كيف تتركوني والسالفة ان سارة فتحت باب السيارة فوجدت اغراض فأغلقته لتذهب للباب الاخر و الاب الكريم داس وترك المسكينه 😥
موقف آخر :
اختكم ذهبت في يوم من الايام مع أبيها لعيادة الاسنان
وعند الانتهاء كان أبي عند الكاشير فقلت لأبي اعطني مفتاح السيارة لأركب على بال مايخلص الوالد
قال ماقفلتها مفتوحة طلعت وركبت السيارة بكل ثقة تااامة وماأدري الا واحد رايح جاي رايح جاي وينظر في السيارة تملكني العجب فيما يريد؟؟
إذا بالجوال يرن والوالد يسأل أنتي وين ؟؟ قلت في السيارة أنتظر من زمان ليش تأخرت؟
قال: هيء أي سيارة أنتي وين أنا الحين في السيارة أنزلي وشوفيني مشغل فليشر
فلما نزلت عرفت إيش سالفة الرجال الي رايج جاي المسكين مستغرب وش الحرمة الي في سيارتة
اعتذر الوالد منه .. والسيارة كانت نفس نوع سيارة الوالد
بعدها صرت لازم اشوف لوحة السيارة ..
اتحفونا بمواقف توسع الصدر …
😆 🙄
