موضوع أحب اعرف رايكم في ياعسولات

اول شي كيفكم وكيف الاجازه معاكم ان شاء الله مستانسين فيها

زي مايقولو الموضوع واضح من عنوانه 😉

أول شي انتو عارفين كيف انو احنا يالبنات نحب الكشخه ونحب نلبس ونوري الناس أنو مافي زيننا 😡 😆 ➡

بس زي مايقولو الشي اذا زاد عن حدو ينقلب ضدوو 😉

بصراحه هذا الموضوع مرره مضايقني انو في بنات خاصة انو دحين هذا الوقت الناس تشتري للعيد وتشتري كل جديد << حركتات وزن وقافيه >>>أقول لقطينا بسكاتك اخلصي 😥

المهم حبايبي انو البنات يكلفو اهلهم فوق طاقتهم هذي جهة ومن جهة ثانيه في بنات عايشين فوق مستواهم بكثيييييييييييييييير يعني لاهم في هالمستوى ولا شي بس تقول للناس شوفي انا عندي مرره مو حلو كذا

وفي بنات عندها الخير والله يزيدها ان شاء الله بس تحب المظاهر يعني بإختصار ماتشتري الا من الغاااااااااااااالي أو من ماركات عالميه عشان ايش عشان اذا سألوني من فين اقولهم من الماركه الفلانيه

أنا ماأقول لا مانشتري من ماراكات ومانشتري غالي بالعكس انا أهوه اشتري من ماركات ومن الغالي بس بحدود في ناس لو مالقيت ماتشترتي من غير الماركات ابدا لو يصير اللي يصير
وي بعدين ايش يقولي عليه الناس ليش فلانه احسن مني لازم اكون احسن وحده ماأختلفنا بس في حدود المعقول ((لا يكلف الله نفسا الا وسعها لها ماكسبت وعليها ماأكتسبت))

انا أسمي هذا الشي عدم ثقه في النفس بصراحه

يعني والله اني أعرف بنات لما أقولهم اشتريت هذا الشي من المكان الفلاني بس مايكون هذا المكان ماركه على طول يغيرو رأيهم في اشي ليش ؟؟؟؟؟ عشان ماركه

والله ماأحد درى انا لابسه من ماركه ولا مو من ماركه ولا تجيكي الوحده اذا اشترت شي تقولك بالله ايش رايك فيه أشتريتو من الماركه الفلانيه يعني شوفي انا أحسن منك أشتري ماركات

ماتصدقو ياحبايبي قد ايش الموضوع مضايقني يعني بالله اذامالبستي من الغالي والماركه بتموتييين

أتمنى تكونو فهمتوني في الموضوع وماأكون طولت عليكم واتمنى أشوف تفاعلكم معايه

أشوف من تأيد انو البنت المفروض ماتلبس الا من الماركه ومين تأيد انو الماركه وغيرها كلو واحد

اتمنى اشوف تفاعلكم معايه حبايبي

أختكم