موضوع الشذوذ يقلقني!!

وطبعا كانت صدمة ليا عشان اخواني حيشوفوا الهبالة حقته وماراح يعجبهم ..الحمدلله اخواني ماعندهم الكلام هذا وكبار ماشاءالله وعاقلين ..
بعد اسبوع بالزبط حذفهم وهو من نفسه بدون ماأقول له شي ولا أصلا بينت له اني قاعدة أتابعه أو عندي نية اكلمه ..
المهم الهرج هذا كله عشان أبين لكم انه عنده سوايق مع بنات وقد كلم ..

نجي للصدمة ..هذه المرة انا بالعنية نويت اني أفتش ماسنجره ..
طبعا لقيت ايميلات بنات بالهبل بس كلهم حاذفهم بس يطلعوا في قائمة الاتصال ..
مدري كيف أفهمكم المهم انهم في صفحة الماسنجر الأساسية مايطلعوا لأنهم محذوفين
بس لما أفتح نفس الهوتميل واروح لقائمة الاتصال ألاقي كمية مهولة من اللي كانو زمان موجودين ..
ولقيت ايميلات كثيرة غريبة .. وصرت انسخها وأروح للفيس بوك احطها في محرك البحث اللي فيه ويطلع لي هذا حساب مين ..

والله يابنات حوالي 5 ايميلات من اللي شفتها كانت لأولاد شواذ!!! ياالله ياكبر الصدمة ..!! ايش يبغى فيهم وليش مضيفهم !!

فيه شي من الايميلات حقتهم قديمة ومو موجودة في قائمة الاتصال الحالية ..
وفيه ايميل لما دورت عليه في الفيس بوك لقيته وكان كاتب كلام يوضح انو هو شاذ وقرف زي كذا يارب لك الحمد ..الله لايبتلينا ..

بس في ايميل موجود في الصفحة الرئيسية للماسنجر وفي حق العائلة كمان ..!!!!! مااعرف هل يتكلموا أو لأ ..
وهذا الولد مو باين عليه شي بس انا عررفت انو شاذ لأنه مضيف بس 8 اولاد ودخلت على حساب كم واحد
باين من صورهم انهم شواذ ومضيفين شواذ وصورهم المقرفة..

على فكرة أنا كم مرة سألت اخواني عنه ومرة يمدحوا فيه..
وحتى زوج اختي اللي برضو قريبي وقريبه يمدح فيه وماقد احد من قرايبنا قال عنه شي
او حتى شككني فيه ..
وأنا يابنات باقي لي سنة بس في الجامعة والزواج بعدها وماأبغى اتورط معاه ..
علما بأنه يحبني من وأنا صغيرة في المتوسط الى الآن وهو أكبر مني بسنة وأنا احبه كمان ..
وامه ماخلت أحد ماقالت له انو ولدي يبغى فلانة ..
وكل مايجي لازم يفتح الموضوع مع الوالدة ..

ايش أسوي يابنات ؟! تتوقعوا يكون شاذ !!
ايش أسوي !! وكيف أتحقق من الآدمي هذا وهل هو فعلا شاذ او ليش يسوي كذا !!
وهل ممكن انو يحب البنات والأولاد في نفس الوقت !!
تفكيري انشل تماما ..