موضوع مهم …؟؟؟

بدون مقدمات ..
من زمان وانا ودي اطرح هالموضوع .. لسبب واحد ..
انه فعلا أثر فيني …

من طبيعتي اني اول ما افتح النت افتح المواقع الاخباريه واشوف احوال الدنيا .. والناس …
ولي كم يوم او بالاصح كم اسبوع لازم القى شي يخص هالموضوع ..

للاسف ..
هو ..

قتل او محاوله قتل من الابناء للاباء او الامهات ..

والله العظيم شي يبكي .. يحرق القلب ..

اخر خبر واللي اجبرني اكتب الموضوع ..
توني فاتحه جريده خبر .. ولقيت هالخبر اللي من جد جد يغث

حددت محكمة جنايات دبي الأربعاء القادم موعداً للنطق في واحدة من أكثر الجرائم حقارة لشاب قام بمحاولة احراق والده بعدما سكب عليه وقوداً وحاول حرقه قبل أن تمنعه زوجته من الاقدام على تلك الخطوة .

هذا وقد نجح الوالد من الإفلات من ابنه وجرى إلى الشارع مستنجداً بالمارة الذين أوصلوه إلى منزل شقيقه وفي اليوم التالي تقدم ببلاغ إلى الشرطة التي نجحت في القبض على الشاب

يالله …
لهالدرجه ..
يعني مافي قلبه ذره رحمه ..

واللي قبله ضرب امه بالساطور وقسمها نصفين ..
واللي قبله اطلق النار على ابوه وهو يصلي بالمسجد ..
واللي قبله وقبله وقبله ..

يارب رحمتك ..

لهالدرجه وصلنا …
طيب وش السبب ..
نقول المخدرات .. الكحول .. الامراض النفسيه ..
لكن للاسف اللي اطلق النار على ابوه سوو له الفحوصات لقوه سليم 100% ..
وش السبب طيب ..

قسوة الاباء … طيب احنا فطريا سبحان الله تربينا على تحمل قسوة الاباء والامهات ..
يعني فطريا كان ينقال لنا واحنا الصغار امك مهما سوت لك ما تفتحين فمك لها ..
ابوك لو طالع فيك تنزلين عيونك بالارض ..

تلقائيا نحترمهم ونوجبهم ونداريهم ونراعيهم ..
وفطريا نحبهم .. غصب عنا ..

طيب وش السبب .. ؟؟؟؟؟؟؟
ليه يلحأ الاولاد بالذات لهالخطوه القاتله ..
والله يابنات اني احيانا ابكي لا قريت هالاخبار .. واقول بخاطري ليت امه فقدته ولا سوا اللي سواه ..

هل المشكله من المجتمع .. من الاباء والامهات .. من الشخص نفسه .. من التربيه .. عقوبه على عقوق الوالدين لاهلهم بالاساس .. ؟؟؟