عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
اخواتي انا جديدة بينكم واستفدت من مواضيعكم جدا
بس ليا اسئله ياريت الاقي لها الاجابه منكم وياريت الاخت بنت النيل تجاوبني والله بدعيلها من قلبي علي مجهودها الرائع
1- انا قريت في موضوع لبنت النيل ان الغسول مضر ومش لازم نستعمله دايما طب في نهايه الدورة نستعمل ايه للتنظيف بديل للغسول مادام مضر يعني بعد اخر كل دورة نستعمل ايه للتعقيم والتنظيف
وانا بتجيني حكه قبل الدورة وفي نهايتها ولازم استعمل لغسول وقريت هنا انه مش صح طب انا احترت استعمل ايه؟؟؟؟؟؟؟؟؟؟؟؟؟
والحكه دي نتيجه التهاب وكشفت عند دكتورةومافيش فايدة رجعت تاني وكشفت تاني وخدت علاج كان شديد لاني اخذت مضاد حيوي وكان في رمضان ,والالتهابات عندي من سنه يعني بتعالج منها وبترجع تاني في الاول سكت عليها شهرين وكنت محروجه موت اني اكشف بس لما زادت وكنت بهرش بشكل فظيع خفت ورحت للدكتورة والي الان مازالت بتروح وتيجي بس عدا عليا دورتين مرتاحة من الحكه ورجعت الحكه تاني بعد الدورة التالته وبحط مرهم لوكاستين اول مااحس بيها لان الدكتورة كانت كتبالي عليه والوقت بااستخدمه من نفسي كل مااحس بالحكه
عايزة اعرف ايه السبب ان الالتهابات مش بتروح مني مع اني ملابسي قطنيه وبنشف بعد الحمام علطول
3_الهوا انا بنت لسه ماتزوجت واعاني من الهوا بشكل فظيع فظيع الدكتورة قالتلي من الالتهابات وبيخرج الهوا بشكل يومي وكتير جدا جدا والله حالتي النفسيه زي الزفت حاسه اني كلي مدمرة
ايه الحل للهوا دا وبيخرج بشكل مستمر يعني مش برتاح منه يوم كل يوم وبشكل كتير ايه الحل وانا لسه ماتزوجت بنت النيل ردي عليا وطمنيمي
