عالم البنات النسائي كل ما يخص المرأة العربية من ازياء وجمال والحياة الزوجية والمطبخ
حبيت انقل تجربتي لكل من يعاني من السمنة
اولا قبل كل وجبة اطحن بذور الكتان ملعقة طعام واخلطة مع لبن اكتيفييا سائل او مراعي <انتبهوا انا ركزت على لبن
اكتيفيا بالذات وراح اقول السبب لاحقا> وبعد ما اكل بذور الكتان اشرب كاستين موية وكمان كاسة لين اكتيفيا
او العكس كاسة موية وكاستين لبن اكتيفيا وبعدها اكل من الطعام كل ما لذ وطاب
اصلا يا دوب يبقى في المعده الربع للأكل … ولا تنسوا انه اللبن ثقيل مو زي الموية يعني يشبع بسرعة
يعني انا بصراحة كنت اكل رز مقدار كوبين لكن الأن يا دوب كوب رز واشبع على طول
والعشاء اعمل نفس الطريقة وايضا الفطور
يعني السبب في نزول جسمي هو بذور الكتان ولبن اكتيفيا
اولا بذور الكتان سمعت انه بيحرق الدهون المخزنة في الجسم
ولبن اكتيفيا .. بالذات اكتيفيا لأنه وحدة من صديقاتي بتعمل ريجيم عند دكتور اخصائي تغذية وقال لها اذا تبغي تنحفي
اشربي لبن اكتيفيا لأنه بيحرق سعرات حرارية … وهو خاص للريجيم
يعني لبن اكتيفيا السائل الوسط = 62 سعرة حرارية وهو خاص للريجيم
غير كذا انه اللبن بصفة عامة ثقيل وبيشبع بسرعة ويصير اكلك مرة قليل
وحتى لو رحتى زيارة لأحد اشتري لبن اكتيفيا حق ابو ريالين وخليه في شنطتك مع بذور الكتان المطحون
ولا تستحوا من احد … اهم شيء مظهرنا وما يخرب نظامنا
وهذي صورتة
وهذي صورة بذور الكتان من عند العطار
ولازم بذور الكتان يطحن في نفس اليوم عشان الأكسدة اللي فيها لا تفسد ويروح فايدته
وطبعا هذا النظام اللي مشيت عليه من تفكيري انا وما اخذته من احد وطبعا ناسبني جدا وان شاء الله يناسبكم
ومافي اسهل من كذا
واللي تيغى نتايج اسرع تحاول تخفف اكثر وتعمل رياضة
وبرضة من غير رياضة وريجيم بينزل وزنك … بس انتوا التزموا واصبروا وشوفوا كيف بتنبهروا بأجسامكم
منقول
لا تنسوني من الدعاء بالزوج الصالح الذي يجمع بين كل الصفات الي تمنيتها و بالرزق الكثير الحلال المبارك
