السلام عليكم ورحمة الله

أنا من حوامل الرياض في شهري الخامس وبكرية
أول حمل لي الله يحفظه/يحفظها لي يارب

أنا حاليا بمستشفى المملكة وأتاابع عند د.ألكسندرا الخاطر ووودي أحول لوحدة ثانية أشطر
أنا تأميني سابك مميز VIP.. وعندي أسئلة

– هل أقدر أطلب غرفة ؟؟؟ والا على حسابي راح يكون ؟؟
واذا ما بطلب غرفة كيف الغرفة راح تكون ؟؟ كم وحدة معايا ؟؟
– كيف الولادة والعناية في مستشفى المملكة؟
– هل فيه حضانات للخدج في حالة الولادة المبكرة؟؟
– خياطة عادية ؟؟ او تجميلية ؟؟ وايش الفرق بينهم ؟؟ ومتى تسويه ؟؟
– هل بالهم طووويل والا ممكن لمن أطول بالطلق يقولون لازم قيصري ؟؟
– هل وقت الطلق لمن يقيسون الرحم ؟؟ تدخل يدها الدكتورة والا عن طريق جهاز مطور ؟
– هل يوفرون كمامة أو إبرة للورك ؟
– هل مسموح للزوج يدخل وقت الطلق بس .. بعد ما يبدأ الرأس يخرجونه ؟
– هل فيه شيء اسمه خطة ولادة أحط فيها شروطي وقت الولادة ويكون بملفي ؟؟ مثلاً تولدني حرمة مو رجال ..الخ من الشروط

أبغى أي وحدة جربت تولد فيه تسدح تجربتها مع هالمستشفى
وتجاوب على أسئلتي اللي فوق لو مرت فيهم…
أو لو عندها موضوعها تحط لي رابطه وأروح أقرأه
واذا تنصحوني أغير المستشفى قولوا لي علىه وعلى تجاربكم فيه

هل فيه قروب على الواتس خاص بحوامل الرياض ؟؟
أنا بولد في الرياض وماعندي بعد الله غير زوجي …
أهلي في ينبع الصناعية وأهله من جدة
هل تشوفونها مخاطرة ؟؟ خصوصا انها راح تكون أول ولادة لي
الله يعدي هالأشهر على خير