سواء انتي اللي تورطتي او احدى معارفك سوت عمليه بأنفها وطلعت جهه غير عن الثانيه والا نحفو الأرنبه والا علوها كثير

طبعاً اي دكتور بتروحين له بيقولك لازم عمليه ثانيه والمطلوب؟؟ هو اكبر كم ممكن من الريالات

وهذا الشيء خطاء لأن مع كل عمليه راح يصغر انف زياده وتنحف ارنبتك ويسير الشكل مثل مايكل جاكسون والأدهى والأمر ان اللي تسوي اكثر من عمليه بأنفها معرض للهشاشه تخيلي يعني ممكن يتآكل انفك بعد مرور السنوات طبعاً حسب اللي انعمل فيها بالعمليات

المهم انا اعرف صاحبتي بالجامعه سوت عمليه صدمتنا انفها كان مابه شيء ولاهو كبير مره

المهم تورطت وسوته كانت تبغى افضل والنتيجه مرعبه الأرنبه كانت مره نحيفه وكان فيه جهه تحسينها اكبر من الثانيه

طبعاً كانت نفسيتها سيئه راحت لدكتورها قال لها لا تخافين اي تعديل تبغينه بأسويه لك بعمليه ثانيه !!

تقول انا بغيت اموت بالأولى مره تألمت والفلوس حقت عمليتي الأولى بالموت جمعتها

وجلست من دكتور لدكتور نفس الحكي لازم لازم عمليه ثانيه

وسمعت بعدين تقول من دكتور تجميل لبناني يقول ممكن نحسن الأنف اذا كان فيه خلل بالحقن

والحقن اذا ما كبر مستحيل يصغر وهذا اللي تحتاجه اللي مسويه عمليه من قبل لأنو لو صغرنا زياده راح تطلع بشعه جداً وشكلها ابداً مو طبيعي

وبالفعل دقت على دكتور وقالتله قال لها طيب ليه ما تسوين عمليه؟؟ انا بأكبره لك بالعمليه تقول كلمته بحزم ما ابي يا تحقنه والا اشوف دكتور ثاني يحقنه قال لها لا انا احقنه قابلته كلمته وفهمته وش تبي بالضبط وبالفعل حقنت وكبرت الجهه السيئه وكبر ارنبتها شوي

طلع انفها طبيعي جداً ما كأنها مسويه عملية تجميل راح التشوه

انا طبعاً ما انصح اي بنت تسوي عمليه بأنفها مهما كان انفك سيء صدقيني انو مافيه انف مجمل بجمال الأنف الطبيعي اياً كان حجمه لكن اللي تورطت اقولها حذاري تكررين تجربتك كذا مره تراك تعرضين نفسك للخطر وعمليات التجميل يستخدمون فيها الالات اشبه ما تكون عملية نجاره او هدم

لأنهم يكسرون شغلات بالأنف الين يضبط الشكل الخارجي وهالعمليه اذا تكررت راح يكون انفك معرض للهشاشه

اذا تورطتي وسويتي الأولى احقني لا تدخلين عمليه ثانيه التكبير ممكن يكون خارجي بدون ما يكون فيه تدخل جراحي