طيف خلي زارني بيـن الحلـوم… وانتفضت وعفت لذات المنـام
زراني يحمـل تباشيـر العلـوم… يعلها في كل حول وكـل عـام
من عرفته دايم ٍ قلبـه رحـوم… قلب صافي ما حمل لوم و ملام
المنتّب لي تحـدّر مـن قـروم… لي قبض خطم المعاني بالزمـام
المحب اللي سكن ف القلب دوم… حايز ٍ كـل الغـلا بـد ّ الأنـام
حيث حبه ف الحشا سوى وسوم… وآزم الخفاق في بُعـده حطـام
له أسوم العمر يا العربان سـوم… عمرنـا فانـي و لله الــدوام
و آخر الأبيات يا خيـر الغيـوم… اهطلـي ف دار عاليـن المقـام
بلغي المحبوب ما بي من هموم… واجبري كسر الخواطر يا حرام
بشريه أني على عهـده لـزوم… حافظ للعهد .. لـزم ٍ والتـزام