حبيباتي بنات النيل الغاليات

فكرت اني اجمع كل الوصفات اللي شاركت بيها هنا في المنتدى في موضوع واحد
ولو تحبوا اي وصفة من وصفاتي زوروني هنا على موقعي
www.maloka.com

وبالأمانة الوصفات دي كلها غير منقولة
وكلها من مقاديري
وانا اللي عاملاها بايدي

ويارب تعجبكم

المكرونة النجرسكو

المكونات
كيلو مكرونة بن
نصف كيلو صدور فراخ مخلية ومقطعة الي مكعبات
بصلتين
زيتون اسود مقطع ومخلي من البذر
فلفل اخضر مقطع
مشروم مقطع شرائح
جزر وطماطم مكعبات ( حسب الرغبة )
علبة قشطة نستلة او قيمر
مقدار من البشاميل
ملح / فلفل اسود / اوريجانو
زيت زيتون

الطريقة
نسلق المكرونة
نعمل البشاميل
نسخن قلاية عميقة ونضيف لها زيت الزيتون ونضيف البصل ونقلبه لحد ما يدبل
نضيف الفراخ ونقلبها لحد ماتنزل ميتها
نضيف الجزر والطماطم والمشروم والبهارات
نضيف الفلفل
ولما تنشف المية نضيف الزيتون والقشطة وشوية بشاميل صغيرين ونقلبهم
نضيف عليهم المكرونة ونقلب الجميع ونحطهم في صينية ونغطي الوش بالبشاميل وممكن نحط شرائح جبنة موتزاريلا وندخلها الفرن لحد ما تستوي

طريقة البشامل المظبوط
على كل كوب حليب معلقتين اكل دقيق ومعلقتين سمنة

طريقتي في البشامل ( طعمة اوي )
على مقدار الصينية دي

لترونصف حليب ويفضل الحليب البودرة (زي النيدو مثلا لانه بيكون دسم وحلو ) احط عليه باكو مرقة كنور الفورية
في الحلة احط السمنة وشوية زيت و3 مغارف دقيق كبار واقلبهم الى ان يصفر الدقيق وبعدين اضيف الحليب
واضيف عليهم ملح وفلفل اسود وعلبة جبنة كرافت مبشورة وافضل اقلب بالمضرب السلك الى ان يغلظ قوامه

نصيحة

عند شرائك الجبنة الموتزاريلا خلي الراجل يقطعها لك شرائح بتتفرد على الصينية احلي من غير ما تستهلكي كمية كبيرة منها زي ما بتكون مبشورة
كمان اول ما تشتريها لفي كل شريحة في بلاستيك وحطيها في الفريزير لحين استخدامها
والهنا والشفا ويارب تعجبكم الطريقة

*************************

بودنج الشوكولا

المقادير :
3أكواب حليب
3ملاعق ونصف كبيرة نشا
3 ملاعق كبيرة كاكاو
نصف كوب سكر
الطريقة :ا
خلطي كل المكونات الجافة مع بعض على ان تتم اضافة الكاكاو بواسطة مصفاة لازالة الكتل وتقلب جيدا ثم تتم اضافة الحليب ويقلب الجميع الى تمام الذوبان على البارد
ضعيهم لى نار هادئة مع استمرار التقليب الى ان يغلظ القوام
صبي في كاسات أو قالب كبير
زيني الوجه بعد ان يبرد بالشكولا المبشورة او الفستق المطحون
وبالهنا والشفا…

**********************

البيكاتا

المقادير

لحمة بتلو شرائح او صدور فراخ او صدور ديك رومي
بصل – فلفل اسود – مستردة – مشروم
دقيق
زبدة صفراء
عصير ليمون – زيت
كيس مكرونة فيتوشيني

الطريقة

تتبل اللحم البتلو بالملح والفلفل و المستردة وعصير الليمون.
تغمس في الدقيق
تحمر اللحمة فى مقلاة بها زبدة وزيت الى ان تتحمر ثم يوضع عليها المشروم الفريش المقطع لمدة دقيقة واحدة ثم يوضع عليهاربع كوب كريمة لباني وتترك لمدة دقيقة اخرى..
وتجمل بقليل من البقدونس المفروم الناعم

المكرونة
تسلق المكرونة مع ملح

في مقلاة يوضع زبدة وزيت وتوم مفروم وملح وفلفل وقطع من الفلف الاحمر والاخضر والاصفر ويقلب الجميع مع ملاحظة ان لا تتركي الفلفل يذبل
ثم تضيفي المكرونة ويقلب الجميع

تغرف المكرونة في الطيق وبجانبها البيكاتا وتجمل بالبقدونس
وبالهنا والشفا

**********************

أطباق متنوعة من الشوفان
انا حطيت لكم رابط الموضوع عشان تحملومنه الكتيبات

http://satfrequencies.com/girls/alfrasha129/thread1201799/

**********************

الاسكا شوكولا

اولا اعملي كيكة شوكولاتة عادية بس تكون في صينية مدورة وكمان ساعات اعملها من بيتي كويكر ( كيكة بودرة جاهزة اخلطها مع ماء وزيت وبيض بتطلع حلوة وهشة وطرية ) ولما تبرد اقطعها مثلثات زي التورتة.
ثانيا اعملي ايس كريم شكولاتة وممكن تشتريه جاهز من باسكن روبنز مثلا او الايس كريم البودر وتخلطيه بالمضرب مع الحليب وبعدين تحطيه بالفريزر .
ثالثا : في صوص شكولاتة بيتباع جاهز او ممكن تعمليه تجيبي كسرولة وتحطي فيها مكعب زبدة ونص كوب سكر و2 ملعقة كبيرة كاكاو غير محلى واحلى نوع هو كادبوري وملعقتين ماءأو حليب وتقلبيهم على نار هادئة لحد ما تطبخ الشكولاتة وتسبيها تبرد خالص
التقديم
تجيبي طبق لفرد صغير وشيك تحطي مثلث الكيك وجنبه بولة ايس كريم الشكولاتة وفي الجنب التاني تجيبي موزة كاملة تقشريها وتحطيها في الطبق وتقطعيها ترانشات وفي النص ممكن تحطي ترانشتين كيوي وفراولةوبعدين رشي عليهم كلهم صوص الشكولاتة رايح جاي تخيلي الوان الطبق روووووووووووعة ده غير ان طعمه خطيييييييييييييروبالهنا والشفا

**********************

السوكسيه

المقادير :
3ملاعق كاكاو
نصف كوب سكر
200 جرام زبدة
فنجان ماء او لبن
2 بيضة
2ـ3 باكو بسكويت سادة ماري مثلا

الطريقة :
في كسرولة حطي الزبدة والكاكاو والسكر والماء وعلى نار هادية قلبيهم لحد ما تتطبخ الشكولاتة
سبيها لما تبرد خالص ضيفي عليه البيض واضربيهم جامد اوي
بعدين كسري البسكوت على اتنين وضفيه على الشكولاتة لحد ما البسكوت يغطي كل كمية الشكولاتة
وقلبي بخفة عشان البسكوت ما يتفرفتش وبعدين حطيهم في كيس بلاستيك او ورق فويل ولفيهم زي الاسطوانة
حطيها في الفريزر من 4ـ5 ساعات وبعدين وقت التقديم طلعيها وفكيها وقطعيها ترانشات ورصيها في طبق طعمها تحفة وشكلها شيك
ودي شكلها بعد العمل والتقطيع
وبالهنا والشفا

**********************

الكشري المصري

1. اولا انقعى العدس ابو جبة وكل ماتنقعيه اكتر يستوي معاكي بسرعة
2. ثانيا انقعى حمص الشام الكامل وليس الأنصاف وممكن عشان تخفي الغازاتوالانتفاخات حطي على كل واحد فيهم ربع ملعقة بيكربونات الصوديوم اثناء النقع
3. ثالثا احرصي على ان يكون استخدامك للزيت فقط وماتحطيش سمنة او زبدة خالص على ايمكون من مكونات الكشري
نيجي لوقت التحضير
1. اشطفي العدس والحمص واسلقي كل منهم على حدى وحطي عليه بصلة كاملة وشوية ملحوفلفل وشطة بسيطة وبعد السوا صفيهم من الماء
2. اسلقي مكرونة مع شوية ملح وانا بحط صنفين مكرونة مع بعض عقل واسباجتي وصفيهاوبعدين رجعيها الحلة تاني مع شوية زيت وملح خفيف وقلبيها
3. اعملي ارز بالشعرية ولسان العصفور بالطريقة المعتادة ( تحمير الشعرية ولسانالعصفور ولو عندك تروس ودوائر ضيفي كمان عليهم وبعدين ضيفي عليهم الارز لحد مايتشرب ميته وضيفي الملح والماء وغطيه لحد مايستوي )
4. قطعي بصل كتير شرائح واقليه في زيت غزير ولما يتحمر خالص طلعية على مناديلالمطبخ
5. الدقة البيضاء : هاتي الخلاط وحطي فيه نصف راس ثوم وقرنين فلفل اخضر ونصف كوبخل وملح وشطة وممكن كمون وشوية زيت واضربيهم مع بعض وحطيهم في زجاجة واتركيهم يهدو .
6. الدقة الحمراء : حمري كام فص توم مفروم وضيفي عليهم برطمان صلصة وشطة وفلفلوكمون وملح وماء وخليها تغلي كويس وتكون سميكة
وقت التقديم
في طبق عميق حطي الارز وبعدين المكرونة وبعدين العدس ورشي صلصة حمراء وبعدين الحمص والآخر البصل وطبعا كله في طبقات
وبالهنا والشفا

**********************

اطباق من البطاطس

الطبق الأول
بطاطس بالسدق ( السجق)

المكونات
4 حبات بطاطس
2حبة بصل
3 فصوص ثوم
2 حبة طماطم
2 فلفل اخضر حامي بدون تقطيع
نص كيلو سدق بدون تقطيع
كمون / شطة/فلفل اسود/ملح
2كوب صلصة او عصير طماطم
زيت

الطريقة
في صينية كبيرة تقطع البطاطس والبصل والطماطم والثوم الى شرائح
يضاف اليهم السدق والفلفل والبهارات ويقلب الجميع
تضاف الصلصة والزيت وتدخل الفران الى ان تستوي

وبالهنا والشفا

الطبق الثاني

بطاطس مشوية في الفرن
جربوها رووووووووووووووعة

المكونات
بطاطس مقطعة مكعبات
ربع كوب زيت زيتون
ربع كوب حليب
عصير ليمون
ملح / زعتر بيتزا / ريحان مجفف / نعناع مجفف / كمون/ فلفل اسود
ممكن فص ثوم مبشور حسب الرغبة

الطريقة
تخلط جميع المكونات مع بعضا وتدخل الفرن

ساعات بضيف معاها مكعبات صدور الفراخ كمان بيكون طعمها حلو اوي

الطبق الثالث
الفراخ بالبطاطس والمشروم

المكونات
زيت زيتون
3 فصوص توم
صدور فراخ مقطعة مكعبات
مشروم مقطع شرائح
بطاطس مقطعة مكعبات
شوية مية
ملح / فلفل اسود

الطريقة
تسخن القلاية وبعده نضيف زيت الزيتون والثوم
نضيف الفراخ ونفضل نقلب يها لحدما تنزل ميتها
نضيف البطاطس والمشروم والبهارات والمية
نقلبهم ونهدي النار ونغطيهم لحد ما يستوي

وبالهنا والشفا

الطبق الرابع
بطاطس بالبيض
(طبق خفيف )

المكونات
2 حبة بطاطس مقطعة مكعبات صغيرة جدا

6 حبات بيض او اكتر او اقل حسب العدد

ملح فلفل اسود
سمنة

الطريقة في قلاية كبيرة نحط السمنة ونضيف البطاطس ونقلبها ونسيبها لحد ما تتحمر
نضيف لها الملح والفلفل الاسود ونسيبها شوية تتشرب الملح
نكسر عليها البيض ونقلبه لحد ما يستوي
تتاكل بالعيش او ممكن تتعمل سندوتشات بتبقى حلوة اوي في الرحلات

وبمناسبة الرحلات

الطبق الخامس
بطاطس بالعصاج

المكونات
طاطس مسلوقة
زبدة
شوية حليب صغيرين
ملح / فلف اسود

كمية من اللحمة المعصجة

الطريقة
نهرس البطاطس وهي سخنة ونضيف له الزبدة والحليب والملح والفلفل
نجيب العيش الفينو ونحط طبقة من البطاطس وعليها طبقة من اللحمة المعصجة

طعمها حلوة اوي
وبالهنا والشفا

الطبق السادس
البطاطس باللحمة

المكونات
نص كيلو لحمة مقطعة مكعبات صغيرة
3 حبات بطاطس مكعبات
سمنة
ثوم
ملح / فلفل اسود/ مستكة / حبهان

الطريقة
تقدح السمنة في حلة ويضاف لها المستكة والحبهان ولما تسيح المستكة يضاف حوالي لتر ماء

لما يغلي تضاف اللحمة وتترك لحد ما تقرب تستوي

نضيف البطاطس والتوم والملح والفلفل ونقلبها ونسيبها لحد ما تستوي
في الاخر نضيف حتة سمنة او زبدة

ممكن تتاكل بالعيش او بالارز الابيض

وبالهنا والشفا

الطبق السابع

صينية بطاطس بالعصاج والجبنة

المكونات
بطاطس مقطعة شرائح
مقدار من العصاج
علبة جبنة كرافت مبشورة
كوب حليب
ملح وفلفل

الطريقة
تسلق البطاطس وهي مقطعة نصف سلق
ترص نصف كمية البطاطس في قارب ويفرد فوقها العصاج ثم النصف الاخر
يبهر الحليب بالملح والفلفل ويصب فوق الخليط وتتدخل الفرن

لما تقرب تستوي وتنشف السوائل تضاف طبقة كبيرة من الجبنة المبشورة وتدخل الفرن مرة اخرى
لما يحمر الوش طلعيها
وبالهنا والشفا

الطبق الثامن
بطاطس محشية

المكونات
بطاطس
عصاج
عصير طماطم
ملح زفلفل
سمنة

الطريقة

انا بحب في الوصفة دي البطاطس اللي حجمها كبير اوي وبقطع كل خبة 3 بالعرض
اخد كل جزء وبواسطة ملعقة صغيرة اقورها

اجيب قلاية كبيرة واحط فيها السمنة وقلي كل البطاطس من كل الجوانب
بعد ما تتقلي كلها اقلي الاجزاء اللي طلعت من التقوير واقطع معاهم بصلة كبيرة مكعبات وممكن فلفل اخضر وملح وفلفل

اخد الخلطة الاخيرة دي واحطها في قاع القارب وارص عليها البطاطس واحشيها بالعصاج
اصب فوقها عصير الطماطم بعد ما اسبكه شوية على النار ومعاه ملح وفلفل وبعدين ادخلها الفرن

كمان ممكن احط معاها كوسة واحشيها تو باذنجان صغير وكلهم بنفس الطريقة
بتتاكل مع الارز الابيض

وبالهنا والشفا

الطبق التاسع
البطاطس بالكفتة في الفرن

المكونات
للكفتة
لحمة مفرومة
ملح / فلفل
بصلة

بطاطس مكعبات
ثوم
عصير طماطم
ملح / فلفل

الطريقة
تقطع البطاطس مكعبات وتقلي في الزيت الى ان يحمر لونها
في هذه الفترة تبشر البصلة ناعم وتخلط مع اللحمة المفرومة والملح والفلفل وممكن نضيف ملعقة نشا او دقيق وتكور كور صغيرة

تحمر الكفتة في الزيت

في قارب ترص البطاطس المحمرة والكفتة المحمرة

في قلاية يصفر الثوم المبشور ثم يضاف اليه عصير الطماطم والملح والفلف ويترك يتسبك قليلا
يصب فوق البطاطس والكفتة ويدخل الفرن

وبالهنا والشفا

الطبق العاشر
كبة البطاطس بالجبنة والعصاج

المقادير
للكبة الخارجية
كوب ونصف برغل ابيض ناعم
نص كيلو بطاطس
2 بيضة
زبدة
كمون/ كسبرة / ملح / فلفل
زيت

للحشو
عصاج
علبة جبنة كرافت

الطريقة

ينقع البرغل في ماء مغلي ويترك نص ساعة لحد ما تكبر حبات البرغل
تسلق البطاطس مع الملح وتهرس الى ان تصبح ناعمة
يفرم البرغل في الكبة ثم يضاف اليه البطاطس وتعجن باليدونضيف البيض والبهارات ونتركهم يبردو خالص
بعد ما تعملي العصاج وبعد ماتتطفي عليه النار حطي الجبنة وقلبيها لحد ما تسيح

تقسم البطاطس الى كرات وتحشى كل كرة بمقدار من العصاج
تقلى الكبب في الزيت الغزير الى ان تصبح ذهبية اللون

ممكن كمان نحشي كل كرة من البطاطس ببيضة مسلوقة وتقلى عادي

وبالهنا والشفا

الطبق الحادي عشر
كفتة البطاطس

المكونات
فرخة مسلوقة ومخلي عظمها
3 حبات بطاطس مسلوقة
بقدونس مفروم ناعم
بصل اخضر مفروم ناعم
1بيضة
1 كوب بقسماط مطحون
ملح / فلفل اسود

الطريقة

يفرم لحم الفراخ في الكبة

تهرس البطاطس ويضاف لها الفراخ والبيض والبقسماط والبقدونس والملح والفلفلوالبصل
تشكل على شكل اقراص وتغمس في البقسماط المبهر ( فلفل اسود / بابريكا / بقدونس ناشف / ملح ) مع الضغط عليها وترص في صينية
دخليها الفريزير ربع ساعةحتى تتماسك
طلعيها اقليها في زيت غزير

وبالهنا والشفا

الطبق الثاني عشر
البطاطس المخبوزة

جيبي البطاطس بقشرها واغسليها كويس ولفيها بفويل ودخليها الفرن لحد ما تستوي

لما تتطلع شقيها شق بالطول وبواسطة بولة الايس كريم حطي فيها كورة زبدة وكورة لبنة

وبالهنا والشفا

ممكن بعد ما تتطلع تهرسيها جامد بالزبدة والحليب والملح والفلف الاسود

بيقدمو مع اللحمة المشوية والخضار السوتيه

الحواوشي

مقادير العجينة
كوب ماء دافئ.
1/2 كوب زيت ذرة او زيتون .
1كوب بودرةحليب ( نيدو ).
2ملعقة كبيرة خميرة فورية .
2ملعقة كبيرة سكر.
1ملعقةصغيرة ملح.
2ملعقة كبيرة ممسوحة بيكنج بودر .
4 كوب دقيق .
الطريقة :
1. نضع الماء ونضيف اليه الحليب والسكر والملحوالخميرةونقلب حتى تمام الذوبان بالمضربالسلك .
2. نضيف الزيت ويقلب الجميع .
3. يخلط البيكنج بودر والدقيق ثم يضاف للخليطالسابق .
4. تعجن العجينة فترة طويلة وكلما عجنت اكثر كلماحصلت علىالنتائج المطلوبة ويكون ملمسها قطني وناعم ( ملحوظة : بعد العجن يكون العجينة طريةجدا لاتقلقي ولا تزودي الدقيق )
5. تغطى العجينة وتترك لتخمر في مكاندافئ .
6. بعد ان تخمر يرش السطح بالدقيقوتغمس الايدي في الدقيقوناخذ قطعة من العجينةونرشها بقليل من الدقيق ستلاحظين انها طرية وناعمة .

للحشو
اولا اللحمة المفرومة
مقدار من اللحمة المفرومة
بصل اخضر مقطع
بصلة مبشورة
فلفل اخضر مقطع
بقدونس وشبت ( حسب الرغبة )
ملح / فلفل اسود / جوزةالطيب

الطريقة

تخلط جميع المكوناتوتقسم الي كور وتفرد العجينة وتفرد بداخلها وتقفل من الحواف ونقوم بغرز الشوكة فيهاويدهن الوجه بالحليب وتخبز بالفرن

ثانيا حشوة السدق ( السجق)

يقطع السدق والبصل والطماطم والفلفل الأخضر ويتبل معمراعة عدم الزيادة لان السدق اساسا به بهارات ويفرد داخل العجين ويخبز بنفسالطريقة

ثالثا حشوةالجبنة الرومي والبسطرمة
تفرد العجينة وترص طبقات من البسطرمة والجبنة الرومي وتقفل وتخبزبالفرن بنفس الطريقة

وبالهنا والشفا

الكشك
الكشك الصعيدي

بتجيبي الكشك المكور وتشطفيها وبعدين انقعيها في شوية لبن لحد ما تبوش خالص
هاتيشوربة وحطيها تغلي على النار وعدين ضيفي ليها الكور عد النقع وزودي ملح وفلفل وشطة
وسبيها تغلي لحد ما يستوي وبعدين جيبي حوالي ملعقتين دقيق كبار ودوبيهم في شويةلبن وحطيهم عليهم مع التقليب المستمر لحد ما يبقى زي الكاستر
وتكوني محمرةبصلتين كبار في السمنة وتنشلي شية منهم تصفيهم وتحطيهم على جنب وباقي البصل بالزيتتحطيه على الكشك وتقلبيه وتصبيه في اطباق وبعدين ترشي البصل المحمر على الوش

في الكشك العادي اللي مش صعيدي
في كوبين ونصف شوربة حطي معلقتين رزوخليهم يغلو لحد الرز ما يستوي وبعدين ضيفي حوالي كوب ونصف لبن مع ملح وفلفل وممكنتزيدي مكعب ماجي وتظبطي طعمهم
بعدين هاتي حوالي ملعقتين دقيق كبار ودوبيهم فيشوية ماء وحطيهم عليهم ولفيهم لحد مل يمسكو
وتكوني برضه محمرة البصل وتعمليهبنفس الطريقة اللي فاتت

كمان احلى شوربة يتعمل علليها الكشك هي شوربةالحمام ويليها شوربة الفراخ

فيه كمان الكشك بالجمبري
الطريقة

نضع كمية من الزيت ونضع عليه البصلةحتى تصفر ثم نضيف الثوم المدقوق بالشطة والكمون والملح حتى يحمروا ثم نضيف الطماطمونتركهم حتى يتسبكوا ثم نضيف 2 كوب ماء والجمبري ومعلقة الرز ونتركهم حتى يستويالجمبري ونظبط الملح والفلفل حسب الرغبة بس الطبق دة يحب الشطة وفى كوب نضع الدقيقونصف كوب ماء ونقلبهم ونصفيهم ونضيفهم على الوصفة ونقلب حتى يتخن شوية زى المهلبيةونضعه في الأطباق ونحمر بصل على الوش

البيتزااااااااا والفطائرالمقادير :
1. 2كوب ماء دافئ.
2. 1/2 كوب زيت ذرة او زيتون .
3. 1كوب بودرة حليب ( نيدو ).
4. 2ملعقة كبيرة خميرة فورية .
5. 2ملعقة كبيرة سكر.
6. 1ملعقة صغيرة ملح.
7. 2ملعقة كبيرة ممسوحة بيكنج بودر .
8. 4 كوب دقيق .
الطريقة :
1. نضع الماء ونضيف اليه الحليب والسكر والملح والخميرةونقلب حتى تمام الذوبان بالمضرب السلك .
2. نضيف الزيت ويقلب الجميع .
3. يخلط البيكنج بودر والدقيق ثم يضاف للخليط السابق .
4. تعجن العجينة فترة طويلة وكلما عجنت اكثر كلما حصلت علىالنتائج المطلوبة ويكون ملمسها قطني وناعم ( ملحوظة : بعد العجن يكون العجينة طريةجدا لا تقلقي ولا تزودي الدقيق )
5. تغطى العجينة وتترك لتخمر في مكان دافئ .
6. بعد ان تخمر يرش السطح بالدقيق وتغمس الايدي في الدقيقوناخذ قطعة من العجينة ونرشها بقليل من الدقيق ستلاحظين انها طرية وناعمة .
للبيتزا :
افرديها بصينية مدهونة زيت واتركيها لترتاح قليلا ثم عاودي الفردستجدينها فردت معك وغطت كامل الصينية
احشيهابالحشوات التي تريدينها بعد تخريمها بالشوكة
طريقة لصلصة البيتزا :
في مقلاية سخنة اضيفي 1/4 كوب زيت زيتون ثم بصل مقطع شرائح ثم ثوممفروم وزنجبيل طازج مفروم وعندما يذبل البصل ضيفي الملح وزعتر البيتزا وقليل منالقرفة والكركم والفلفل الأسود وجوزة الطيب والبهارات التي تحبينها ثم اضيف مقدارالصلصة وشوية ماء واتركيها تتسبك وبعدين افرديها على العجين تحت الحشوات المختلفةبتكون طعمها رااااااااااائع

للفطائر :
افردي العجينة على اللوح بواسطة النشابةثم قطعيها دوائر متساوية بواسطة قطاعة او كوب ثم احشيها ب عصاج او سبانخ خضراءمخلوط عليها بصل وملح وسماق أو لبنة عليها زيتون مقطع او جبنة عليها نعناع أو( فلفلاخضر مقطع صغير وزيتون وجبنة رومي وبسطرمة ) أو اتركيها دوائر ورشي على السطح خليطمن الزعتر وزيت الزيتون أو اعمليها بيتزا صغيرة
وبعد ما تضعي الحشوات اقفليها على شكل هلال أو مثلث او مربع وادهنيالوجة بالحليب ورشي عليه سمسم او حبة البركة

شوربة العدس الأصفر

اولا بجيب حلة واحط فيها ماء واحطها على النار تغلي وبعدين اضيف مجموعة خضروات مقطعة ( كوسة بطاطس وبصل وفصين توم وطماطماية مقشرة وجزر ) والعدس وشوية ملح ولما الكل يستوي اطخنهم سواء في الحلة بطحنة الشوربة او في الخلاط
ثانيا جيبي حلة اخري حطي فيها زيت وحتة سمنة وابشري بصلة وفصين توم وقلبيهم واول ما تصفر ضيفي مشروم مقطع سواء فريش او معلب وشوية شعرية صغيرين وكمون وملح وشطة ولو في بهارات اخري بتفضليها ولما كله يتحمر ضيفي عليها العدس وممكن باكو كنور ( المرقة الفورية ) او ممكن ماتضفيش شعرية ومرقة وتضيفي باكو كنور شوربة الشعرية وقلبيهم على نار هادية ولما يغلي غلوتين اطفي عليه
ومع الأكل ممكن تحمصي عيش في الفرن او تحمريه في السمن
وبالهنا والشفا

**********************

فاهيتا الدجاج مع الارز الابيض

المقادير:

1/2 كيلو صدور دجاج مقطعة شرائح رفيعة او مكعبات ومبهره
(البهارات هي ملح + اورغانو + مسحوق الثوم + بهارات دجاج او مشكلة + فلفل اسود + ملعقة صوص صويا حسب الرغبة + شوية زيت + بابريكا )
بطاطا مقشرة و مغسولة و مقطعة مكعبات
زيت نباتي للقلي +القليل من الزبدة او المرجرين
حبة طماطم + بصلة كبيرة + فلفل رومي اخضر او الوان مقطع شرائح
عصير 1/2 ليمونة
ارز بسمتي ابيض مفلفل حسب طريقتك

الطريقة:

نضع القليل من الزيت وقطعة صغيرة من الزبدة او المرجرين في مقلاة غير لاصقة ونضيف الدجاج ونقلبه قليلا ونغطيه ختى يتشرب ماؤه ويتحمر
نضع البطاطس المقطعة في مقلاة اخرى مع القليل من الزيت ونقلبها قليلا على نار هادئة ونغطيها ونتركها حتى تقارب على النضج ونحركها بخفة حتى لا تتهرس معنا وتحافظ على شكلها مع اضافة الملح والفلفل الاسود لها
وعندما تقارب البطاطس على النضج ويحمر الدجاج قليلا نضيفهم الى بعض التالية ونحركهم بخفه
بعد ذلك نضيف لهم شرائح البصل والفلفل الرومي والطماطم على سطح المقلاة ولا نحركهم وممكن اضافة الفلفل الحار ونضيف عصير الليمون
ونغطيها ونتركها من 5 _10 دقائق على نار هادئة ثم نطفئ النار
وعند التقديم نحركهم بلطف وتقدم مع الارز

وبالهناء والعافيه

**********************

عزومتي في موضوع فراشة فيي المطبخ

أولا : الديك الرومي فيالفرن
(( شكله بيكون شيكأوي على السفرة ))

في البداية انا جبت الديك وزنه حوالي 7 كيلو وغسلته كويس أوي بالملح والدقيقوالخل

وعملت له تتبيلة ودي طبعا كانت قبل العزومة بيومكامل

مقادير التتبيلة
بصل مقطع شرائح رفيعه – عصير 5 ليمونات – عصيربرتقاله – 4 فصوصمستكه – 4 ورقات لاورو – 5 فصوص حبهان – ملح – فلفل اسود – نصفملعقه صغيرةقرفه

الطريقة

ندعك البصلالشرائح مع الملحوالفلفل والقرفه جيدا ونضيف عصير الليمونوالبرتقال
ناخد الديك ونتبله منكل الجهات وبينالجلد واللحم فى الصدر ومن قلبه …نضع داخله ورقتين لاورووفصينمستكه و3 فصوصحبهان
نضعه فى وعاءعميقمقلوب على وجهه يعنىالصدرلاسفلليتشرب جيدا منالتتبيله

ثانى يوم
نشيل الديك منالتتبيلهونصفيه منالسوائل
ونشيلكل البصل اللى على جلدة منبرة
فى صينيه واسعهنسخن سمن ومعه فص مستكه لتشويحالديك
نبدانشوح الديك فى السمنمن كل الجهات ومنعند الرقبه
بحيث ياخد لون جميلمنكل الجهاتبالتساوى
الخطوةدى مهمه جدا جدا فىقفل مسام الديك والحفاظ على طراوة لحمه فى السوا فى الفرنوايضابتخلى مافيش اى زفارة ولا اى شىء مش مرغوب يطلعمنه

نحضر صينيه الفرناللىهانسوى فيهاالديك
تكونصينيه حجمها مناسبوعاليه الحواف
نبطنهابالفويل
نضع فيها فصينمستكه وفصين حبهان وورقتين لاورو وبصل مقطع شرائحومدعوك بالملحوالفلفل والقرفه وعصيرليمون

نضع فوقها الديك بعدماشوحناهمهم جدا ان الديكيستوىويفضل سليم من برة …لا يتكسر من الوسط ولاجلدةيتقطع

نضع نصف كوب ماء فىالصينيهونغطى الصينيه بالكالملبالفويل
نضعها على البوتاجاز لتبدجاتغلى
ندخلها الفرن علىحرارة 220 مئويه اسفلالفرن

مهم جدا
علشان نعرف سواالديك
كل كيلو جراممنالديك محتاج نصف ساعه سوا فى الفرن
يعنى الديك اللىوزنه 7 كيلوجرام محتاج 3 ساعات ونصف فىالفرن

كل نصف ساعه نفتح علىالديكونشربه من السوائل اللى بتنزلمنه…..ليه؟
اولا: علشان يفضل لحمه طرى وجلدةمايتقطعش
ثانيا : علشانيتشرب بالطعم منالسوائل دى ويكتسب لون جميل .

بعد مرور ساعتين ونصف
نكشف الفويل من علىالديك
نتركه يكمل نضجهفىالنصف ساعه الاخيرة وهومكشوف
الخطوة دى مهمهعلشان جلدة يبقى كرانشى ولونه محمروجميل
بعد نهايه النضجممكن تفتحى لهالشوايه على خفيف لزيادة تحمير الوجه حسبرغبتك

طلعيه من الفرن
انقليه بحرص علىصينيهتانيه

غطيه على خفيف بالفويلوثقبى الفويل ثقوب كتير بالسكين علشان البخار يطلع علشان ما الديك يبطلنضج وكمانيحافظ على جلدة كرانشى … واتركيه يهدا منحرارةالفرن

الديك الرومى لا يقطع ابداااااوهو ساخن حتى لاتخرج منه سوائل ويجف لحمه

ننتظر الى ان تفتر حرارة الديكيعنى ممكن نضع يدنا عليه يكونفاتر

ثانيا (( انا بحباحط الديك على سدر كبير فيه رز بالخلطة ))

المقادير
بصلة صغيرة مبشورة – حبة طماطم واحدة مبشورة من غيرالقشر – ارز- سمن – شوربة دسمة – نصف ملعقة صغير قرفة – ملح وفلفل اسود – زبيب – مكسرات محمصة – حسب الرغبة كبد وكلاوي فراخ أو الديك مستوية

الطريقة
يصفر البصل في السمن ثم يضافغليه الطماطم والملح والفلفل ويقلب
يضاف الزبيب والقرفة حتى ينتفخ الزبيب
يضاف الارز ويقلب
تضاف الشوربة
قللي النار وغطيه حتى تمام النضج
وقت التقديم
يفرغ الارز فيالسرفيس الكبير وترش فوقه المكسرات والكبد والكلاوي

حمام محشي

ممكن كمان نفس الطريقة بعملها مع الفري اوالسمان

الحشو
كوبان منالفريك
بصلةمبشورة
مستكة
ملح وفلفل اسود
سمن
كبدة الحمام والقوانصوالقلوب

طريقة عمل الحشوة
تصفرالبصلة في السمنة وتضاف المستكة ويوضع عليها الكبدة والقوانص والقلوب وتقلب حتىتنزل المية
نضيف الفريك بعد تنقيته وغسله جيدا ثم الملحوالفلفل
يقلب الجميع وتضيفي حوالي كوب ماء وزيدي كلما احتاجالأمر
يغطى ويترك على النار حتى تمامالنضج

يغسل الحمام جيدا ويصفى
يحشى بالحشو ويقفل من اسفل بواسطة خل الاسنان

فيحلة كبيرة نضع قطعة من السمن وننسيح فيه 3 فصوص مستكة و3 فصوص حبهان وبعدين نضيفالماء وبعد الغليان نضع الحمام ويسلق
نضيف ملح على الشوربة
بعد النضج ينشل الحمام ويحمر جيدا

طعبا وإذا وجدت شوربة الحمام لابد أنيوجد
الكشــــــــــــــــــك

في كوبين ونصف شوربة حطي معلقتينرزوخليهم يغلو لحدالرز ما يستوي

وبعدين ضيفي حوالي كوب ونصف لبن مع ملح وفلفل وممكن تزيديمكعب ماجي وتظبطي طعمهم

بعدين هاتي حوالي ملعقتين دقيق كبار ودوبيهم في شويةماء وحطيهم عليهم ولفيهم لحد ما يمسكو

وتكوني محمرة بصلة في الزيت وتنشليجزء من البصلة على جنب وتضيفي الباقي بالزيت على الكشك وتقلبيهكويس

يغرف في اطباق ويرش فوقه البصل المحمر

كمان فيه حاجة انا بحباعملها أوي في العزايم

الكبـــــــــــــــــة الشـــــــــــــــــاميالمقلــــــــــــــــية

الكبة دي علمتهالي واحدة جارتي كانت لبنانية بس طريقتها مضمونة 100% وانا جربتها كتييييييييييييييير

المقادير
للغلاف الخارجي
1 كيلو برغل احمر ناعم جدا
نصفكيلو لحمة هبرة حمرة
2 ملعقة كبيرةنشاء
2ملعقة كبيرةملح
2 ملعقة كبيرة بهاراسمه السبع بهارت
بس انا بستعيض بدل منهبكمون وقرفة وبهار لحمة وفلفل اسود بيدي نفس الطعم تقريبا واهم حاجة الكمون والقرفة
الحشو
عصاج لحمة بس الفرقفيه
تحمير البصلة جدا وبعدما يستوي اضافة قرفة وسماق ودبس رمان
كمان ممكن تخطي فيه فستق وصنوبر وعين جمل حسبرغبتك

الطريقة
يغسل البرغل وينقعلمدة ساعة
في الكبة تفرم اللحمةناعمة جدا جدا تكون زي المية
يصفى البرغل ويعصر جيدا ويفرم فيالكبة
تخلط اللحمة مع البرغلويضاف الملح والبهارت والنشا وتدعك جيدا واهم حاجة ما يكونش فيها مية كتير ولوحسيتي ان فيها مية او اتفتت في القلية ضيفي نشا للعجينة دي واعجنيها تاني

يمسك كورة صغيرة منالعجينة وتخرم وتلف لحد ما تعمل زي القرطاس وتحشيها بالعصاج وتقفليهاكويس

اعملي كام واحدةواقليها عشان تشوفي العجينة مظبوطة ولا ايه وبعدينكملي
المهم انك تغطيالعجينة كويس عشان ماتنشفش
كمان أنا مانستش أصناف الخضار

الملوخية الخضراء

طبعا طريقتها سهلة

اناالصراحة هنا بجيبها مجمدة ونوع مصري حلو اوي اسمه جيفركس

بجيب كوبين من شوربة الفراخ واحطهم على النار
بعملخليط من التوم والكسبرة الناشفة والملح والفلفل الاسود والشطة وافرمهم كويسواخدمنهم حوالي معلقة صغيرة احطها مع الشوربة وهي بتغلي

بعد ما تغلي احط فيها كيس الملوخية واوطي النار واقلب بالمضربالسلك لحد ما حتبدا تغلي اطفي النار عليها
اعمل التقلية باني احمر الخليطالتوم في السمن واحطها على الملوخية وماتنسيش بسم الله
افتح عليها النار الهادية مع التقليب لحد ما حتبدا تغلي
اطفي المهم انها ماتغليش

**********************

طاجن البامية باللحمة في الفرن

المقادير
كيلو بامية زيرو
نصف كيلو لحمة مكعبات
عصير طماطم
ملعقة صلصة
سمن
بصلة مبشورة
قرفة حسب الرغبة
ملح وفلفلاسود
قرنين فلفل اخضر
توممفروم
ليمون

الطريقة
تصفر البصلة في السمن ثم تضاف مكعبات اللحمة وتقلب ولماتنزل ميتها نقلب فيها لحد ما تشربها تاني

نضيف عصيرالطماطم والصلصة ونغطيها لحد ما تدخل اللحمة في السوا

نضيف البامية والفلفل الاخضر والملح والفلفل ونتركها غلوتين ونزود المية لواحتاج الامر

نصبها في الطاجن وممكن نرش عليها شوية قرفةوندخلها الفرن لحد ما تتسبك وتستوي

وقت التقديم
نفرم التوم ونحط عليه عصير ليمون كتيير ونحطه في طبق جانبيونرش على البامية من فوق وقت الاكل _( كل واحد يرش على طبقه )

طبعا وما فيش عزومة تخلو من ورقالعنب
[
الحشو
صطاطم مبسورة
بصلمشور
بقدونس وشبت ونعناع مفروم
كوبين ارز
ملعقتين صلصة
باكومن كنور المرقة الفورية
ملح وفلفل اسود ونعناع ناشف

الطريقة
تخلط جميع المكونات
يلف ورق العنب ويرص في الحلة او الصينية
هاتي كوبين شوربة وضيفي عليهم ملعقة صلصة وملعقة صغيرة ملح الليمون وشويةملح صغيرين وفلفل اسود ودوبيهم وحطيهم على ورق العنب
وملعقةسمن على الوش وغطيه وحطيه على النار لحد مايستوى
اقلبيه فيسرفيس

ممكن لو عندك شرايح لحمة بتلو رفيعة رصيها معشرائح بصل وتتبيلة بالملح والفلفل والليمون ورصيهم في قاع الحلة ولما تقلبي ورقالعنب بيكونوا على الوش
واخر حاجة بس اناماكنتش عملاها كنت عاملة بدلها كرنب

**********************

المكرونة بالبشاميل

المقادير

كيلومكرونة بن
ونصف كيلو لحمة مفرومةمعصجة
للبشاميل
لتر ونصف حليب ويفض يكون بحليببودرة
باكو مرقة كنورالفروية
علبة جبنةكرافت
3مغارف دقيق كبار
ملحوفلفل
الطريقة
اولا اسلق المكرونة مع شويةملح بس وبعدين اصفيها
ثانيا في مقلاية غويطة احطشوية زيت واقلي بصلة كبيرة مفرومة لحد ما يحمروبعدين احط اللحمة وافضلاقلبها من غير ماء لحد ما لونها كله يتغير واضيفعليهافلفل اسود وشوية جوزة الطيب وملح وبعد الكل مايتجانس اضيف كوب ماء واغطيها واسيبهالحد ما تستوي وتتشربخالص
ثالثا احط معلقة سمنة كبيرةوشوية زيت في حلة وبعديناحط عليها 3 مغارف دقيق كبار لحد مايصفر واكونمحضرة الحليبواحط عليهشويةملح وكيس المرقة واضيفهم على الدقيق واكونكمان باشرة علبةالجبنةواضيفهاعلىالبشاميل واقلب لحد الجبنة ما تسيح والبشاميليجمد وبعدين اجيب نصف المكرونة واقلبعليها شوية بشاميل واحطهاكصف اول وبعدين احط العصاج وارش علية شوية بشاميلحلوينوبعدين اخلط باقي المكرونة مع شوية بشاميلواحطهم واساويهم وبعين احط باقي البشاميلعلى الوجه وادخلهاالفرن
على فكرة انا مابحبش البيضفي البشاميل والجبنة طعمهااحلى منه ولو بتحبيه ضيفي بيضةواحدة

كمان ممكن اضيف شرائح جبنة موتزاريلا على الوش

بالنسبة للسلطات
سلطة خضراء متبلة بالسماق ودبس الرمان والخل والليمون وزيتالزيتون والملح
وسلطة زبادي بالخياروالنعناع

كمان انا بحب احط مع الاكل عصير بس يكون ليموناو برتقال

وانا بحب مع الاكلة دي عصير الليمونبالنعناع

وكفاية كدة عليكو عشانالريجيم

واستنوني في الحلو

__________________

الصنف الاول
كاسات المانجو

المقادير
بجيب شرائح مانجو امريكانا المجمدة واخد نصف الكيس حوالي نصف كيلو
باكو كريمشانتيه
علبةقشطة
ظرفينجيلاتين

بسكوت سادة
قطعة زبدة
قطعمانجو
كريمةللتزيين

الطريقة
في نصف كوب ماء بارداضرب كيس الكريم شانتيه والسكر واضيف عليهم شرائح المانجو واضربهمكويس

افرغهم في حاجةغويطة واحط عليهم علبة القشطة واكون دوبت كيسن الجيلاتين في شوية مية سخنةواضيفهم
اضرب كله لامضربالسلك

اجيب البسكوتواطحنه في الكبة مع الزبدة

اجيب الككاسات واحط طبقة من البسكوت واضغطعا واصب عليها الخليطالسابق

احطها فيالتلاجة لحد ما تجمد
ومشبتكون جامدة اوي
وقتالتقديم ازينها بالكريمة وشرائح المانجو

الصنف التاني وده لزوم القهورالعربي
حلا كريمالكراميل بالكاكاو
المقادير
2كوب حليب
علبة كريم كراميل
ملعقة كبيرة نسكافيه
علبة قشطة
باكو بسكوت سادة
زبدة

الطريقة
احط الحليب على النار واضيف باكو الكريمكراميل
وبعد ما يخلصاطفي عليه النار واضيف النسكافيه والقشطة واضربهمكويس

اضرب البسكوتوالزبدة في الكبة
افرغهمفي صينية مستطيلة واكبس البسكوت كويس واصب عليه الكريمكراميل

ادخلهالتلاجة وبعد ما يجمد ارش على الوش طبقة سخية من الكاكاو واقطعه مكعبات صغيرة واحطكل مكعب في ورق بليسية وارصه في صينية تقديم كبيرة
طعمه حلو وشكله احلى

وطبعا متنسوش طاولة نرميناليومية
وهي عبارة عن

صينية فيها اربعترامس 2 كبار فيهم شاي وقهورة عربي و2 صغييرين فيهم نسكافيه وحليب وطبعا فنجاينصغيرة للنسكافيه وفناجين القهوة واستكانات للشاي

غير طبق النعناع وفنجان الماورد وممكن لو فيه كيك اوبيتي فور لزوم الشاي

كمان الشكولاتة والتمر وممكن حلا كريم الكراميل بالكاكاو لزوم القهوةالعربي

وما يمنعش منوجود طبق فواكه

ان شاء الله اصور لكم طاولة بكرة

فيه كمان حاجةسريعة بعملها للطاولة دي هي مش صنف حلو بس طعمها حلو معالشاي

**********************

عيدانالبف باستري

بجيبعلبة بف باستري واقطع الشرائح الى شرائح اخرى صغيرة وابرمها واكون حاطة على الطاولةكمون او زعتر او حبة البركة او سمسم وده طبعا بعد ما ابلها بشوية مية او حليبواحطها في الفرن

بتتطلع مقرمشة وسريعة طعمها حلو

**********************

عزومة سمك

يالا نبدأ باسم الله

الصنف الأول
طاجن سبيط

المكونات : بصل مقطع – طماطم مقطعة – بقدونس وشبت مفرومين ـ ارجل السبيط – ملح – فلفل – كمون – شطة – صلصة طماطم – زيت
الطريقة :
نضع الزيت في مقلاية عميقة ونحمر البصل لحد ما يكون لونه ذهبي غامق
نضيف عليه الطماطم ونقلبها لحد ما تتدبل شوية بس من غير ما تتهري
نضيف السبيط والتوابل ونقلبهم لحد مكا ينزل المياة بتاعته
نضيف الصلصة ونقلبها
نضيف البقدونس والشبت وتقلية واحدة على الماشي ونسيبه دقيقتين
نفرغ المقدار كله في طاجن فخار وفارب بيركس وندخلها الفرن لحد ما يتسبك ويستوي

الصنف الثاني
سمكك هامور مقلي بصوص الزبدة والليمون
نجيب السمك ويكون مقطع ترانشات بجلده وعظمه وحتى الراس مش مشكلة ونغسله كويس
في قالب غويط نضع عصير ليمون كتييير وملح وكمون وشطة وكام فص توم مفرومين ناعم ونص كوب حليب ونقلبهم على بعض ونتبل بيهم السمك ونتركه ساعة على الأقل في التتبيلة
بعد كدة ناخد السمك ونغمسه في الدقيق ونقليه قي الزيت كويس ونرصه في السرفيس التقديم ونجمله بالبقدونس
نجيب زبدة ونحطها في قلاية ونحط عليها كام فص توم مفرومين ناعم جدا ولما يصفر نضيف عصير ليمون كتير وشوية ملح ونقلبهم كويس ويترك شوية على النار وبعدين نحط ملعقتين كريمة لباني او حليب ونرشهم على الوجه

الصنف الثالث
طاجن سمك الوقار
بعد ما نقطعه ترانشات كبيرة ونغسله نتبله بالملح ونتركة نصف ساعة
ونعمل الطاجن زي طريقته بتاعت السبيط بس بد ل ما نضيف السبيط نضيف السمك بعد غمسه في الدقيق وقليه ونقلبه معع الخلطة وندخله الفرن

الصنف الرابع
سمك البوري الصينية
نجيب سمك البورة ونفتح بطنه ونعمل فتحات بالورب على الناحيتين ونغسله ونتبله بالملح
نجهز الحشوة وهي عبارة عن توم وبقدونس مفروم مضاف اليه ملح وكمون وليمون
نحشي البطن والفتحات اللي عملناها على جسم السمكة
نجيب حبتين بطاطس نقشرهم ونقطعهم ترانشات ونتبلهم بباقي خلطة السمك ( البقدونس والتوم ) ونرص البطاطس في القارب وبعدين نحط فوقهم السمك ونرش زيت على الوجة وشوية ماء صغيرين اوي ونغطيهم بالفويل وندخلهم الفرن
بعد ربع ساعة نشيل الفويل ونسيب السمك يكمل السوا ويتحمر من الوش

الصنف الخامس
سردين مقلي
نشتري السردين اللي حجمه كبير شوية وبعد ما ننظفه ونفتح بطنه ويتغسل كويس
نتبله بالملح والكمون والشطة والليمون ونتركه لمدة نصف ساعة على الاقل
نغمسه في الدقيق ونقليه عادي جدا ونقلي معاه فلفل اخضر وشريحتين ليمون
يرص في السرفيس ويجمل بالفلفل المقلي والليمون والبقدونس والمهم في الموضوع انك تعصري عليه ليمون كتييييير اوي بيديله طعم رااااااااائع

الالصنف السادس
جمبري
المكونان : فلفل ملون ( احمر واصفر واخضر ) مقطع مكعبات – ليمون-كسبرة حضراء متقطفة – توم – زيت زيتون – جمبري مقشر ومتنظف
نجيب مقلاية عميقة ونسخنها كويس ونضع فيه زيت الزيتون والتوم
قبل ما يصفر التوم نضيف الفلفل الالوان
نقلبهم كويس وبعد دقيقتين نضيف الجمبري ونقلب لحد ما ينزل ميته ويشربه ( مش بياخد سوا كتير ) ونحط الملح والكمون
لما يستوي الجمبري نضيف ليمون كتير والكسبرة الخضرار ونطفي النار على طول

الصنف السابع
كابوريا في الفرن
نجيب الكابوريا ونظفها بحيث اننا نشيل الرجلين ونفتح الصدفة ونرميها والجزء اللي فيه اللحم نغسله كويس ونشيل منه الحاجات اللي لونها اصفر والزعانف البيضاء
بعد الغسيل نرصها في صينية الفرن والرجلين نرصها في صينية أخرى
نحضر الخلطة وهي عبارة عن توم مفروم وليمون وخل وملح وكمون خفيف وشطة وممكن فلفل اخضر مفروم ناعم اوي وزيت
نحلط كل دول وبالملعقة نحط في كل حبة كابورية شوية وطبعا نسقي بيها لحم الكابوريا ونحطها في الفرن لحد ما تستوي
اما باقي الخلطة نزودها شوية ماء ونخلط بيها الرجلين ونحطها هي كمان في الفرن

الصنف الثامن
سمك فيليه مشوي مع الخضار

نجيب اي نوع سمك فيليه نغسله ونتبله بالملح والكمون والشطة والتوم والليمون ودبس رمان ونتتركه لمدة ساعة
نجيب مجموعة خضروات ونقطعها شرائح ونتبلها بتتبيلة زي بتاعت السمك ونتركها شوية ( بطلطس – باذنجان – فلفل الوان – كوسة – جزر – بصل – مشروم – ثوم – طماطم )
ممكن كمان كحلو جنب المشاوي دي تشوي اناناس وتفاح وبعد الشوي رشي عى الوش عسل ابيض
بتجيبي الشواية سواء كانت كهرباء او على البوتاجاز وتدهنيها زيت زيتون او لو عندك بخاخ زيت الكانولا بيبقى حلو في الشوي وتبدأي بشوي الخضار واللي يطلع ترصيه في سرفيس كبير
وبعدين تشوي السمك وترصيه معاهم في نفس السرفيس
وترشى على الوش ليمون

الصنف التاسع
ملوخية بالجمبري
بعد ما تجيبي الملوخية وتقطفيها وتغسليها وتنشفيها وتخرطيها او لو كانمت مجمدة
بتجيبي الجمبري تقشريه وتغسليه كويس وتسلقيه نصف سلق في الماء
بتنشليه من الماء وتاخدي الماء ده وتحطي فية شوية من تقلية الملوخية النية ( توم وكسبرة ناشفة وفلفل وملح وجوزة الطيب ) وتسبيها تغلي معاه وممكن تضيفي معلقة صلصة
بعد كدة تتضيفي الملوخية وتقلبيها كويس على نار هادية وترفيعها من على النار
تعملي التقلية في شوية سمنة بس اول ما تحطيها وتبدأ ريحتها تتطلع ضيفي ليها الجمبري وافضلي قلبي لحد ما التقلية تتحمر ( المهم يكون الجبري متصفي كويس وناشف مفيهوش ماء )
طشي التقلية على الملوخية وقلبيهم على نار هادية واول ما تبدا ح تغلي اطفي النار المهم ماتخليهاش تغلي

الصنف العاشر
سبرينج رول بالبحريات

المكونات : باكو سبرينج رول – سمك مقطع – جمبري مقشر – سبيط مقطع – فلفل الوان مقطع مكعبات صغيرة – جزر مبشور-0 بصلمفروم – جنزبيل مفروم – توم مفروم – ملح وفلفل وبهارات
الطريقة
في مقلاية كبيرة حطي زيت واقلي فيه البصل والتوم والجنزبيل ولما يصفر ضيفي الجزر والفلفل الالوان
ضيفي السمك والسبيط والجمبري والبهارت وافضلي قلبي لحد كا يستوى وما يبقاش فيه ماء خالص
جيبي كل شريحة من السبرينج واخليها بالوري واطوي الزاوية على شكل مثلث وحطي ا?