عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
ابدخل بالموضوع على طول ..
جارتي انا وهي مثل الاخوات ذاك اليوم تشكي من البتجاز حقها وان زوجها كل مره يقول لها بعدين اشتري لك ومن هالكلام فقلت لها انا اخوي عنده بتجاز جديد استعمال اقل من 6 شهور والحين نقل بيته الجديد وما يحتاجونه اذا تبينه واتفقو على السعر لكن زوجها يقول ماعندي سياره انقله فيه <<< يماطلها بالاصح
والاسبوع اللي فات خرب البتجاز حقها مره ومعاد يتصلح الا وهي تتصل فيا وتقول لي اذا يقدر اخوك يوصله لنا بحق التوصيل قلت لها اشوف ان شاء الله على اساس اهلي عندهم وانيت قالت انا حطيت لك الفلوس تحت دعاسة الباب انا قلت لها طيب
رحت لاهلي ليلة الخميس وقلت لاخوي وقعدت اطلب منه انه والله ماعندهم سياره وهي بنت حلال وجارتي وابي اخدمها قال طيب
يوم الخميس اخوي انشغل ولا قدر وقلت لها والله اليوم اخوي مشغول بكره ان شاء الله
ويوم الجمعه دق اخوي علي ولا رديت كنت نايمة بغى يجيبة بس يقول خفت ما لقى احد من اعطية ؟
ولا صحيت الا العشاء الا وهي جايتني وتقولي هاه اخوك بيجيبة قلت والله كذا وكذا وانا كنت نايمة والحين والله مااعتقد اخوي وراه دوااام وتعرفين مشوار لان اهلي بعيد شوي واخوي وعدني انه بكره يجيبة من العصر قالت والله زوجي زعلان يقول وينهم ما جابوة مو معقول نجلس كذا بدون بتجاز وقال الحين ابروح اشتري واحد ما ابقعد اطرهم ومدري شنو ومن هالكلام
قلت لها والله عاد انا قلت لك اخوي ما فضي واليوم ناوي يجيبة بس كنت نايمة انا مو معقول يرمية عند باب العماره وراحت هي
قمت ارسلت لها وقلت اذا زوجك ما عنده صبر الحين ارسل لك فلوسك والوجه من الوجه ابيض
واخوي ما فضي يجيبة قلت لك الواحد يحترم الناس ويحترم ضروفهم <<<< انتهت رسالتي
انقهرت منها ومن زوجها على بالهم مشترين سواق مو بتجاز ومستعمل بعد:(
قفلت الجوال وعلى الساعه 3 بالليل الا وهي داقة على الثابت مالي خلقها ومارديت عليها
ويم فتحت جوالي الصباح الا وهي مرسله الساعه 3 الفجر
جزاك الله خير زوجي اشترى البتجاز يعطيكي العافية ماقصرتي << انتهت رسالتها
انا انقهرت اشولون توعدني وتخليني اكلم اخوي وبعدين تقول خلاص شرينا ما هي قد كلمتها لا تتكلم
واخذت موقف منها ما انساه كافي موقفي من اخوي
دقيت عليها ما ردت قمت حطيت لها الفلوس تحت دعاسة بابها وارسلت لها رساله وقلت لها
مبروك البتجاز (الجديد)
لو ادري انكم مو قد كلامكم ما تعبت نفسي ونحطيت بهالموقف اللي ماراح انساه
واهم شيء انك الكسبانه اخيرا زوجك تمرجل وجاب لك البتجاز
والفلوس تحت دعاسة الباب
<<< انتهت رسالتي اللي ارسلتها تبريد لحرتي
وافكر اقطع علاقتي بها من كثر ما احرجتني مع اخوي
ادري طولت بالسالفة لجل تكونون بالصوره
وش رايكم بالله
