مو بكيفكم تدخلوا ولا وا تدخلوا………….لازم تدخلوا وبسرعه

السلام عليكم ورحمة الله وبركاته

اخواتي الحبيبات لو جاتك وحدة وقالت لك انتي ما شاء الله عليكي كامله والكامل الله بس في شي حبيت انبهك عليه وقالت لك اللي عندها تقبلي كلامها ولا لأ؟؟؟؟؟؟؟

من هذا المبدأ ومن مبدأ يا بخت من بكاني وبكى علي

اكتب كلماتي هاذي

من البدايه اصرح ……..ما قصدي احد معين ولا قصدي اجرح ولا قصدي والله العظيم الا الخير لي ولكم

اتمنى كل من تقرأ كلامي تقراه بقلب مؤمنه محبه لأختها المؤمنه…………..

الموضوع ومافيه اني لاحظت ان للأسف عندنا عنصريه في المنتدى من بعض الاخوات وانا اقول بعض مش الكل

طيب ليه ؟؟؟؟؟؟؟؟؟

ليه كذا والى متى نظل على هذا الحال

اختي في الله اذا كنتي مسلمه واذا كنتي مؤمنه بالله ربا وبمحمد نبيا فخلي في بالك ان كرهك او تمييزك لاي جنسيه هذا ضد الايمان

انا ما افتي عشان ما تجي وحدة تتفلسف عليا

انا اذكرك بس

ما قال الرسول (لا فرق بين عربي ولا عجمي الا بالتقوى)

ما قال الرسول (المؤمن للمؤمن كا البنيان يشد بعضه بعض)

اخواتي ……الى متى راح نظل على حالنا… هذا جنسيته كذا وع…..هذا ما ادري ايش فيه …..هذا كذا وهذا كذا

انا ما ابغى انزل ردود بعض الاخوات لأنها ورب الكعبه تجرح

بس انا بقول لكل وحدة في المنتدى حطي نفسك مكان الناس اللي انتي جالسه تجرحهيم بكلامك ايش راح يكون موقفك؟؟؟؟؟؟؟؟؟؟؟؟؟

لو احد تكلم على جنسيتك بكلام بايخ تزعلي ولا ما تزعلي

اصلا فكري با العقل منين جاتنا هذا التفرقه مش المستعمرين هم اللي وصلونا لهذا الحال؟؟؟؟؟؟؟؟؟؟؟؟

عمرك سمعتي صحابي قال لصحابي ثاني انت اصلك وفصلك!!!!!!!!!!!!!!!!!!!!!!!!!!!!!!!

الرسول عليه الصلاة والسلام قال(دعوها فانها منتنه)ويقصد العصبيه القبليه

طيب فكري معاي شوي.يا اللي شايفه انك فوق البشر

يوم القيامه راح تكوني واقفه انتي واهل بلدك على جنب من بد البشر؟؟؟؟؟؟؟؟؟؟؟؟؟؟؟؟؟؟؟

راح تتحاسبوا قبل الناس وتدخلوا الجنه قبل الناس؟؟؟؟؟؟؟؟

ضامنه الجنه اصلا؟؟؟؟؟؟؟يمكن الناس اللي تتكلمي عنهم وتغلطي فيهم هم عند الله افضل منك ومكانتهم اعلى منك

ياناس يا عالم ………كلنا من تراب وراجعين للتراب

ليش التفرقه وليش التعصب اللي ماله داعي

انا ما اقول ما ننتقد الاخطاء لكن لو شخص من مكان معين ارتكب خطأ هذا ابدا ما يعني ان كل اهل هذا البلد فيهم نفس العيب

لازم ننتقد ونحاول نصلح الأخطاء ونقول للمخطئ اخطئت لكن مش با التجريح وكاننا ما صدقنا لقينا فرصه وهاتك يا سب ويا شتم

وبعدين الارزاق كتبها رب العالمين لما تجي وحدة وتعترض ليش جوا عندنا واخذوا رزقنا

مين مقسم الارزاق؟؟؟؟؟؟؟؟؟؟؟؟؟؟؟مين اللي كتب ان الشخص هذا رزقه في المكان هذا ؟؟؟؟؟؟؟؟

لما تعترضي وتغلطي فكري شويه انتي جالسه تعترضي على مين وتغلطي على مين

ترى الارض ارض الله والرزق رزق الله
والله هو اللي خلاكي في المكان هذا وغيرك في مكان ثاني
ان لقيتي خير احمدي الله ولا تكون النعمه اللي اعطاكي اياها رب العالمين سبب في غضب الله عليكي

حطي نفسك مكان اي وحدة تكلمتي على اهل بلدها با العاطل لو هي اللي كتبت الكلام ردة فعلك ايش حتكون؟؟؟؟؟؟؟

اخواتي ……..انا من هنا اقولكم خلونا ننبذ العصبيه القبليه المنتنه

خلونا من اليوم ننسى كلمة سعودي ومصري ويمني وسوداني وووووووووووو………….

خلونا من اليوم نبدأ نقول انا مسلم من امة محمد كل مسلم على وجه الارض اخ لي يسعدني اللي يسعده ويوجعني اللي يوجعه………

خلونا نزرع في اولادنا اخوك هو اللي مسلم زيك

خلونا نشيل الحدود اللي فرضها علينا الاستعمار

خلونا نرضي حبيبنا عليه الصلاة والسلام ولو بشي اقل من القليل ….

خلونا يوم القيامه لما الرسول ينادي امتي امتي نكون فعلا امة واحدة ما بيننا كره ولا حقد ولا تكبر……..

اقسم بالله العظيم اني ما كتبت ولا كلمة واحدة الا من حبي لكم وخوفي عليكم ………………..

اختكم المحبه لكم :ام سيف