عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السسسلام عليكم
شخباركم بنات ..؟
انا قد قلتلكم مشكلتي من يومين في هالموضوع
http://satfrequencies.com/girls/alfrasha12/thread1022957/
المهم صار فيه تطورات جديده انا قلت بسوي زي مانصحتوني ..
بس يوم راح لهم زوجي امس انقلب كل شيء ..
يوم راح لهم فتحو السالفه معه ..وقالت اخته انت وش فيك متغير وانت كنت لمى يجون خالاتي تجي
قال انتم مادعيتوني وبعدين لو جيت وين اقعد عند البنات قالت مادعيناك خفنا حرمتك تكذب علينا قال وش هي قايله ..؟ قالت ابد اول مرره تقول اني تكلمت عليه وثاني مره تقول اني تكلمت عليك وعليها قال انتي الكذابه انا موجود يوم تقولون هالكلام وحافظ كلامها زين ..قالت اروح اجيب لك القران قال لاتجيبين شيء واصلن انتي بنات خالاتك حاشية مخك صح والا حرمتي مصفيه النيه وكانت بتجيكم اليوم
ونزل من عندها وراح لخالتي مدري والله وش قالت له قالت هي تعتبرك زي امها قالت حتى انا اعتبرها زي بنتي بس اختك مانامت كل امس تفكر فيك وتقول انك متغير انت وش فيك حتى خالاتك ماجلست معهم ..مانت بمثل اول قالها وش تبيني اسوي انتم مادعيتونا وكذا مره قلنا بنجي تصرفون وقالت نفس كلام بنتها فوق ..
يقول اول مره اشوف امي كذ1 مندفعه بقوه تقولين مشحونه شحن ..قلت زين هدي اعصابك >>وانا من جوا اغلي <<
قلت هذولاء مهما صار اهلك ومالك غنى عنهم قال والله صار ابد مالي نفس اروح لهم وانتي خلاص مالك روح عندهم كان تبين تكلمين امي بالتلفون بس
قلت لا اكلمها ولا تكلمني انا فحالي وهي فحالها الليدل ماتقول هذا كلامها بدل ماتعقل بنتها وتقول مهما صار هذي مرة اخوك تزيد الطين بله ابد ماتوقعته منها انا عادتها حسبة امي واختك اختي ..
بس دام هذا كلامهم ماني برايحتلهم وانت ولدهم ماراح امنعك منهم هذولاء اهلك مهما صار والكلام اللي قالوه حسبي الله فيهم ونعم الوكيل ..وخلاص انسى الموضوع حتى ولدك لمى يجي انت خذه وده لهم اما انا مانيب رايحتن لهم لو مدري وشو ..
من جد صدمتي كانت فيهم كبيره الموضوع كله ع بعضه صراحه مايستاهل كل هالحقد والكراهيه والظاهر انهم يحسبون لاقالو لزوجيي كذا بيجي يتهاوش معي 😛
بس الحمدلله ان زوجي يحبني واكيد الله يعلم مافي النوايا وان نيتي سليمه وماعمري فكرت زي تفكيرهم ..
بس انا الحين افكر صح اللي سويته اني اقطعهم والا لا ..؟
والله مالي غيركم هو محلفني مااقول لامي واختي عن الموضوع وحيرانه اخاف اني غلطانه بتخاذي هالقرار خصوصا فيه مولود جاي بالطريق وماودي ان تصير بينا قطاعه ومابي عيالي يكرهون عمامهم مثل ماصار معي .
وش رايكم انتـــم انا صح والا غلط … ؟
واللي عندها راي تقوله وادعولي ان الله يخلي لي زوجي ولايحرمني منه يارب ويتمم علي حملي ويرزقني بالولد الصالح …
فمان الله
