عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيف حالكم اول شى
انا عضوه جديده سجلت عشان شفت كيف تواسون بعض وكدا فاحبيت اسجل
ونبي نفتح لكم قلبي .. لاني معنديش حد نفتحلا قلبي
قصتي هيا لما كان عمري 15 تعرفت علي شاب من النـــــــت واول ششاب احكي معاه كان
المهم استمر علاقتنا وشاف صورتي من الايميل وحكيناا بالموبايل وكدااا …وانا من جوا مش مقتنعه اىل ندير فيه مع انه صديقاااتي كلهم مرتبطات بس انا فيا حقد علي الشباب ومنحبهمش ..بس هدا اىل صار وتعرفت
اجا يوم فى المدرسه وكان عمري 16 فى تانيه ثانوي وفى حصه الدين البنات فتحن قلبهن لمدرستنا ربي يخليها وبدت تنصح
وحكت حاجات على العلاقات والله ماكنت نعرفهم ,, مع العـــــــــلم انا الوحيده الى فى الفصل تاثرت بحكي المس
المهم بدت تهتز علاقتي مع الى حبيتا وهوا معمراش غلط فيا ولا سمعت منا كلمه مش حلوه وياما جربته بس معمريييييش مسكت عليه حاجه
بديت نترك فيه ويرجعلي وكدااااااا
وبصراحه كان فى هداك الوقت صلاتي مش تمام يعني نصلي بس فى وقتها وكنتش نصلي غير الفروض بس يعني منصليش النوافل وقيام وقرايه قران
المهم
بعدها تميت نسمع على فضل القيام قلت ندعي بلكي يكون من نصيبي …بس قلت كيف ندعي وانا نحكي معاه نتركه ونقعد ندعي ربي
من شهر 4 الى فاتت تركته وبديت ندعي والدعاء هدا فتح عليا حاجات وااااااااااااااااااااااااجد بكل
مثل الاغاني ,, قعدت كل مانسمع اغنيه نستحقر نفسي
ومسلسلات
وكداااا حاجات
المهم مرت فتره وانا ادعي اشتقت له حسيت انه ناسيني ,, بعدها بدل ماقعدت ندعي انه ربي يخليه من نصيبي
قعدت ندعي انه مينسنيش وان شاء الله حبه ليا يزيد وهكدا ,, رجع ظهر فى حياتي مره تانيه وكان يبي يرجعلي بس انا رفضت وقال نحكو مع بعض على الايميل عاادي عشان نطمن عليك ووافقت بس ديما دايرتلا اوووف
المهم انا لعند هدا الوقت وانا ادعي انا متاكده انه ربي مستجيب داعي وانه يكون من نصيبي
بس يابنات والله تعباااانه بكل انا لو ارن عليه رنه يجي يكلمني ونرجعو بعض هادي من جيه انا قاعد ويستني فيا
ومن جيها تانيه خاااااااايفه من ربي وخايفه يقلب الدعاء عليا والاشياء هدوماا
والله كل يووم قياام وقرايه قران وكل بعد صلاه نقرا فى قران وكل يوم نختم فى سوره البقرا
بس مزززززززلت مرايفه عليه
فى وحدات قالولى سيبيه واستمري فى الدعاء
وفى بنات قالولى اذا هوا مش بايعك اتصلي بيه وكلميه وراح اتريحي
انصحني يابناات الله يخليكن وادعلي انه يكون من نصيبي فى اقرب وقت ولكن بالمثل
نبي النصيحه منكن خوااااااااااتي
والسلام عليكم
